30-Nov-2025

ବିନିକା(ହିଂମାଶୁ ଶେଖର ପୁଟେଲ)ଆଜି ସନ୍ଧ୍ୟା ସମୟରେ ବିନିକା-ସୋନେପୁର ମୁଖ୍ୟ ରାସ୍ତାର ଫୁଲମୁଠି ଛକ ନିକଟ ମାରୱାଡ଼ିଗୁଠ ଠାରେ ସାଇକଲ ଓ ବାଇକ ମଧ୍ୟର ଦୁର୍ଘଟଣା ଘଟିବାରୁ ଜଣେ ଗୁରୁତର ହୋଇଥିବା ବେଳେ ୨ଜଣ ଆହତ ହୋଇଛନ୍ତି ।ମିଳିଥିବା ଖବର ଅନୁସାରେ ଫୁଲମୁଠି ଗ୍ରାମର ଗଦାଧର ପୁଟେଲ ଓ ତାଙ୍କ ଧର୍ମପତ୍ନୀ ରୁକ୍କୁଣୀ ପୁଟେଲ ବାଇକ ଯୋଗେ ଘରକୁ ଫେରୁଥିବା ବେଳେ ଆଗରେ ଶଙ୍କରା ଗ୍ରାମର ଜୟରାମ ପାଣ୍ଡେ ସାଇକଲ ଯୋଗେ ଆସୁଥିଲେ ।ସାଇକଲଟି ଏପଟ ସେପଟ ହେବାରୁ ବାଇକ ଭାରସାମ୍ୟ ହରାଇ ସାଇକଲରେ ପିଟି ହୋଇଯାଇଥିଲା ଫଳରେ ବାଇକ ଆରୋହୀଙ୍କ ମୁହିଁ ରାସ୍ତାରେ ବାଡ଼େଇ ହୋଇ ନାକରୁ ରକ୍ତସ୍ରାବ ହୋଇଥିଲା ।ତାଙ୍କ ଧର୍ମପତ୍ନୀ ଓ ସାଇକଲ ଆରୋହୀ ସାମାନ୍ୟ ଆହତ ହୋଇଥିଲେ ।ଉଭୟଙ୍କୁ ତ୍ୱରିତ ବିନିକା ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା।ଗଦାଧରଙ୍କ ନାକ ଓ କାନରୁ ରକ୍ତ ବାହାରୁଥିବା ଏବଂ ତାଙ୍କ ଅବସ୍ଥା ଗୁରୁତର ଥିବାରୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଥବା ବେଳେ ତାଙ୍କ ଧର୍ମପତ୍ନୀ ରୁକ୍କୁନୀ ଓ ସାଇକଲ ଆରୋହୀ  ଜୟରାମ ବିନିକା ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି।