30-Nov-2025

ପଦ୍ମପୁର (ପ୍ରେରଣା ଖବର)
ସରସ୍ଵତୀ ଶିଶୁ ବିଦ୍ୟାମନ୍ଦିର, ପଦ୍ମପୁର ରେ କନ୍ୟା ଶିବିର ଅନୁଷ୍ଠିତ ହୋଇଯାଇଛି । ସଭାପତି ଶ୍ରୀଯୁକ୍ତ ପୃଥିରାଜ ସାହୁ ଙ୍କ ସଭାପତିତ୍ବ ରେ  ଅନୁଷ୍ଠିତ ସଭାରେ  ମୁଖ୍ୟ ଅତିଥି ଭାବେ ପଦ୍ମପୁର ଉପ ଜିଲ୍ଲାପାଳ  ସ୍ନେହା ଅରୁଗୁଲା ଦୀପ ପ୍ରଜ୍ଜ୍ୱଳନ ପୂର୍ବକ ଶିଶୁ ଭଉଣୀମାନଙ୍କ ଶାରୀରିକ, ମାନସିକ ଓ  ବୌଦ୍ଧିକ ବିକାଶ ଦୃଷ୍ଟିରୁ ନିଜର ଉନ୍ନତି ସଂଗେ ସଂଗେ ସମାଜର ଉନ୍ନତି ଉପରେ ଗୁରୁତ୍ଵାରୋପ କରିଥିଲେ। ମୂଖ୍ୟ ବକ୍ତା ଭାବେ ଅଞ୍ଚଳ ମହାବିଦ୍ୟାଳୟ ର ଜୀବ ବିଜ୍ଞାନ ପ୍ରଧ୍ୟାପିକା ଶ୍ରୀମତୀ ତାପିନୀ ପଣ୍ଡା ଯୋଗଦେଇ ବର୍ତମାନ ଯୁଗରେ ଝିଅ ମାନଙ୍କ ର ବେଶଭୂଷା, ଖାଦ୍ୟପେୟ, ଚାଲିଚଳନ ଓ ଆତ୍ମ ସୁରକ୍ଷା ଉପରେ ବିଷଦ ଭାବେ ଆଲୋଚନା କରିଥିଲେ। ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଚୈତନ୍ୟ ଭୋଇ ଅତିଥି ପରିଚୟ ଓ ସ୍ଵାଗତ ଭାଷଣ ଦେଇଥିଲେ। lCC କମିଟୀ ସଭାପତି ସୁଶ୍ରୀ ପଙ୍କଜିନୀ ପ୍ରଧାନ ଯୋଗଦେଇ ମାଆ ବାପାଙ୍କ ସ୍ୱପ୍ନକୁ କିପରି ବିଫଳ କରିବାରେ ଫେସବୁକ୍,Whatsapp, instagram ର କୁ ପ୍ରଭାବ ପକାଉଛି ସେ.ଉପରେ ମାର୍ଗ  ଦର୍ଶନ କରିଥିଲେ।  ସୁଷମା ବିଶ୍ଵାଲ କାର୍ଯ୍ୟକ୍ରମ ର ସଂଯୋଜନା କରିଥିଲେ  । କଲ୍ୟାଣୀ ମିଶ୍ର ଉଦ୍ଦେଶ୍ୟ କଥନ କରିଥିଲେ l ଷଷ୍ଠରୁ ଦଶମ ଶ୍ରେଣୀ ପର୍ଯ୍ୟନ୍ତ ସମସ୍ତ ଭଉଣୀ ମାନେ ଶିବିର ରେ  ଯୋଗ ଦେଇଥିଲେ । ମାତୃଭାରତୀ ର ସଦସ୍ୟା ବୃନ୍ଦ ଓ ସମସ୍ତ ଗୁରୁମା ମାନଙ୍କ ସହଯୋଗ ରେ  କାର୍ଯ୍ୟକ୍ରମ ଟି ସଫଳ ହୋଇଥିଲା l