30-Nov-2025

କଣ୍ଟାମାଳ(ଜୟକୁମାର ମହାରଣା)- କନ୍ଧମାଳ ସଂସଦୀୟ କ୍ଷେତ୍ର ଅନ୍ତର୍ଗତ କଣ୍ଟାମାଳ ବିଧାନସଭା କ୍ଷେତ୍ରର କଣ୍ଟାମାଳ ବ୍ଲକ ହାଇସ୍କୁଲ ଖେଳ ପଡିଆ, ପଞ୍ଚାୟତ କଲେଜ ପଡିଆ ଓ ଋଣ୍ଡିମହୁଲ ବାଲିଯୋରି ପଡିଆରେ ଚାଲିଥିବା ବ୍ଲକସ୍ତରୀୟ ସାଂସଦ ଖେଳ ମହୋତ୍ସବ ଶନିବାର ତୃତୀୟ ଦିବସରେ ଯୁବ ଖେଳାଳିଙ୍କ ମଧ୍ୟରେ ପ୍ରବଳ ଉତ୍ସାହ ଓ ଆଗ୍ରହ ଦେଖିବାକୁ ମିଳିଛି l  କନ୍ଧମାଳ ଲୋକସଭା ସାଂସଦ ସୁକାନ୍ତ ପାଣିଗ୍ରାହୀ ଙ୍କ

ଆହ୍ୱାନ କ୍ରମେ କଣ୍ଟାମାଳ ବ୍ଲକ ପ୍ରତିନିଧି ଦୀପକ ବାରିକଙ୍କ ସଂଯୋଜନା ରେ ଅନୁଷ୍ଠିତ  ବ୍ଲକସ୍ତରୀୟ ସାଂସଦ ଖେଳ ଉତ୍ସବର ତୃତୀୟ ଦିବସର ଖେଳ ପ୍ରତିଯୋଗିତା ରେ ଭାଜପା ନେତା ଗୋପାଳ ପୁରୋହିତ, ଆଇନଜୀବୀ ଯଦୁଵିହାରୀ ବାଘ, ଗ୍ରାମ ପଂଚାୟତ ଉନ୍ନୟନ ଅଧିକାରୀ ଜ୍ଞାନ ରଞ୍ଜନ ପ୍ରଧାନ, ଦେବାର୍ଚନ ନାଏକ, , ମଧୁସୁଧନ ବାଘ (ପିଣ୍ଟୁ ) ସିପୁନ ସାହୁ ପ୍ରମୁଖ ଅତିଥିଭାବେ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ  l  ଆଜି କଲେଜ ଖେଳ ପଡିଆରେ ଅନୁଷ୍ଠିତ କବାଡି, ଖୋ ଖୋ ଓ ଭଲିବଲ ଆଦି ପ୍ରତିଯୋଗିତା ରେ ଯୁବ ଖେଳାଳି ମାନଙ୍କ ମଧ୍ୟରେ ବହୁ ଉତ୍ସାହ ଓ ଆଗ୍ରହ ବୃଦ୍ଧି ପାଇଥିବା ଦେଖିବାକୁ ମିଳିଥିଲା l 

ଅନୁଷ୍ଠିତ ତୃତୀୟ ଦିନର ଖେଳ ପ୍ରତିଯୋଗିତାକୁ ସୁଦାମ ମିଶ୍ର, ମକୁନ୍ଦ ସାହୁ, ପ୍ରଦୀପ ପ୍ରଧାନ,ମହେନ୍ଦ୍ର କୁମାର ସାହୁ, ବିଶ୍ୱଜିତ ପ୍ରଧାନ, ଆଦିନାଥ ଦାସ, ପ୍ରଦୀପ ରାଉତ, ଉମାକାନ୍ତ ପଣ୍ଡା, ପଞ୍ଚାନନ ପ୍ରଧାନ ଆଦି ବିଭିନ୍ନ ବିଦ୍ୟାଳୟ ର ଖେଳ ଶିକ୍ଷକ ଖେଳ ପରିଚାଳନା କରିଥିଲେ  l ବ୍ଲକ ପ୍ରୋଗ୍ରାମ ଆସିଷ୍ଟାଣ୍ଟ ନିରୋଜ ପାତ୍ର, ରୋହିତ ନାୟକ, ମଣ୍ଟୁ ଭାଇ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିବାବେଳେ ଅନ୍ୟ ବିଜେପି କାର୍ଯ୍ୟକର୍ତ୍ତା  ସହଯୋଗ କରିଥିଲେ  l