27-Nov-2025

ଲୋଇସିଂହା, (ବିନୋଦ ଦୀପ) ଗତ ନଭେମ୍ବର ୨୫ ଓ ୨୬ ଦୁଇ ଦିନ ଧରି ସ୍ଥାନୀୟ ହରେକୃଷ୍ଣ ମହତାବ ଉଚ୍ଚ ବିଦ୍ୟାଳୟ ଲୋଇସିଂହା ଠାରେ ରାଷ୍ଟ୍ରୀୟ ଆବିଷ୍କାର ଅଭିଯାନ ଅନ୍ତର୍ଗତ କୁଇଜ୍ ପ୍ରତିଯୋଗିତା ଅନୁଷ୍ଠିତ ହୋଇଥିଲା l ପ୍ରଥମ ଦିନ ତୃତୀୟ ରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ଏବଂ ଦ୍ଵିତୀୟ ଦିନରେ ନବମ ଓ ଦଶମ ଶ୍ରେଣୀର ଛାତ୍ରଛାତ୍ରୀମାନେ ଭାଗ ନେଇଥିଲେ l ସବ୍ ଜୁନିଅର ରୁ ୩ଜଣ, ଜୁନିଅର ରୁ ୩ ଜଣ ଓ ସିନିଅର ବିଭାଗର ୩ ଜଣ ଛାତ୍ରଛାତ୍ରୀଙ୍କୁ ଟ୍ରଫି ଓ ପ୍ରମାଣପତ୍ର ପ୍ରଦାନ କରାଯାଇଥିଲା l ଉଦ୍ଘାଟନୀ ଉତ୍ସବରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ବସନ୍ତ କୁମାର ଭୋଇ, ବିଜ୍ଞାନ ଆଵାହକ ହେମନ୍ତ କୁମାର ବାରିକ, ପର୍ଶୁରାମ ସୁନା , ବିଜ୍ଞାନ ସଂଯୋଜକ ବିଷ୍ଣୁ ପ୍ରସାଦ ମିଶ୍ର, କରୁଣାକର ପଟେଲ, ପ୍ରଧାନ ଶିକ୍ଷକ ଉଦ୍ଧବ ପଟେଲ , ବ୍ଲକ ର ସମସ୍ତ ସିଆରସିସି , ଏକାଉଣ୍ଟାଣ୍ଟ୍ ସୁପ୍ରଭା ପଟ୍ଟନାୟକ ଯୋଗ ଦେଇଥିଲେ। ଶିକ୍ଷକ ଗୋବିନ୍ଦ ବେହେରା,ଅମ୍ବୁଜ କୁମାର ହୋତା, ସୁଦାମ ପଧାନ, ସତ୍ୟନାରାୟଣ ପଧାନ, ବୈକୁଣ୍ଠ ପଧାନ, ଚିନ୍ତାମଣି ବାରିକ, ପ୍ରେମରାଜ କୁମ୍ଭାର,ସାଗର ନାଗ୍, ଶଶାଙ୍କ ସାହୁ, ଅମ୍ବରୀଶ ଭୋଇ, ସର୍ଜନ ନେଗୀ, ବିନୋଦିନୀ ଧରୁଆ , ମୂଲ୍ୟାୟନ କାର୍ଯ୍ୟ ତୁଲାଇଥିଲେ l ପ୍ରଥମ ଦିନ ୧୩୫ ଓ  ଦ୍ଵିତୀୟ ଦିନ ୧୧୭ ଜଣ ଛାତ୍ରଛାତ୍ରୀ ଯୋଗଦାନ କରିଥିଲେ। ସିନିଅର ବିଭାଗର ଆୟୁଷ ରଣା ହରେକୃଷ୍ଣ ମହତାବ ଉଚ୍ଚ ବିଦ୍ୟାଳୟ, କିରଣ ହରପାଲ ବାଳିକା ଉଚ୍ଚ ବିଦ୍ୟାଳୟ ଲୋଇସିଂହା, ରାଜକୁମାର ବିଶ୍ୱାଳ ହରିହର ଉଚ୍ଚ ବିଦ୍ୟାଳୟ ଯୋଗୀସରଡା,  ଜୁନିଅର ବିଭାଗର ଲିସା ମହାରଣା ସରଗାଡ୍ ଉଚ୍ଚ ବିଦ୍ୟାଳୟ, ଲିପି ମଲ୍ଲିକ ଗୋପାଳପୁର ଉପ୍ରା ବିଦ୍ୟାଳୟ, ଲିଜା ଭୋଇ ଉପରବାହାଲ ଉଚ୍ଚ ବିଦ୍ୟାଳୟ, ସବ୍ ଜୁନିଅର ବିଭାଗର ପାର୍ଥସାରଥୀ ଭୋଇ ବାଗ୍ ଡୁଙ୍ଗୁରି ପ୍ରାଥମିକ ବିଦ୍ୟାଳୟ, ଲିଜା ସାହୁ, ପନେସରା ପ୍ରାଥମିକ ବିଦ୍ୟାଳୟ, ସୁନିତା ପୁଟେଲ୍ ସରଗାଡ୍ ବାଳିକା ପ୍ରାଥମିକ ବିଦ୍ୟାଳୟ ଉକ୍ତ ପ୍ରତିଯୋଗିତା ରେ ବିଜୟୀ ହୋଇ ପୁରସ୍କୃତ ହୋଇଥିଲେ l