24-Nov-2025

ଜିଲ୍ଲାପାଳଙ୍କ ଦ୍ୱାରସ୍ଥ ହେଲେ ଦେବାଳୟ ଐତିହ୍ୟ ସୁରକ୍ଷା କମିଟି

ବଲାଙ୍ଗିର(ପ୍ରେରଣା ଖବର): ବଲାଙ୍ଗିର କଳା ସଂସ୍କୃତିର କେନ୍ଦ୍ର ସ୍ଥଳି ଭାବେ ବେଶ୍ ପରିଚିତ । ଏହି ସହରରୁ ଏବଂ ଗ୍ରାମରୁ କେତେ ଯେ କଳାକାର ପଲ୍ଲୀ ରୁ ଦିଲ୍ଲୀ ପର୍ଯ୍ୟନ୍ତ ନାମ କମାଇଥିବା ବେଳେ ବିଭିନ୍ନ ଜିଲ୍ଲା ଏବେ ଧୁମଧାମରେ ଉତ୍ସବ ପାଳନ ହେଉଥିବା ବେଳେ ରାଜ୍ୟ ସରକାର ଏବଂ ଓଡିଶା ଭାଷା, ସାହିତ୍ୟ ଓ ସଂସ୍କୃତି ବିଭାଗ ଦ୍ୱାରା ୨୦୨୫-୨୬ ବର୍ଷ ବିଭିନ୍ନ ଜିଲ୍ଲା ଉତ୍ସବ ପାଇଁ ଅନୁଦାନ ଆସିଥିବା ବେଳେ ଆଖପାଖ ପଡୋଶି ଜିଲ୍ଲା ଉତ୍ସବ ଆୟୋଜିତ ହେଉଥିବା ବେଳେ କାହିଁକି ଏ ବର୍ଷ ବଲାଙ୍ଗିର ଲୋକମହୋତ୍ସବ ବିଳମ୍ବ ହେଲା କଳାକାର ଓ ବୁଦ୍ଧିଜିବି ବଲାଙ୍ଗିର ରେ ବେଶ୍ ଆଲୋଚନା ହେଉଛି । ପ୍ରତି ବର୍ଷ ଜିଲ୍ଲା ପ୍ରଶାସନ ପ୍ରଥମ କରି ୧୯୯୯ ମସିହାରୁ ନଭେମ୍ବର ପହେଲା ସପ୍ତାହରୁ ମହୋତ୍ସବ ଆୟୋଜିତ ହେଉଥିଲା ଐତିହାସିକ କଳା ମଣ୍ଡପ ପଡିଆରେ । ଏହି ଉତ୍ସବ ପାଇଁ ଗ୍ରାମ କଳାକାର, ବ୍ୟବସାୟି ଲୋକେ ଚାହିଁ ବସିଥାନ୍ତି । କିଛି ବର୍ଷ ହେବ ଜାନୁୟାରୀ ମାସରେ ଆୟୋଜନ ହେଉଛି । ଏ ବର୍ଷ ବିଳମ୍ବ ହେବା ସମ୍ଭାବନା ଥିବା ଦେବାଳୟ ଓ ଐତିହ୍ୟ ସୁରକ୍ଷା କମିଟି ମୁଖ୍ୟମନ୍ତ୍ରୀ ଓ ସାଂସ୍କୃତିକ ମନ୍ତ୍ରୀଙ୍କୁ  ଅତିରିକ୍ତ ଜିଲ୍ଲାପାଳ ପବିତ୍ର ବେହେରା ଙ୍କ ଜରିଆରେ ଏକ ତିନି ଜଣିଆ କମିଟିର ସଦସ୍ୟ ଯାଇ ମହୋତ୍ସବ ଆୟୋଜନ ପାଇଁ ଦାବି ପତ୍ର ଦେଇଛନ୍ତି । ଆଗକୁ ବିଭିନ୍ନ କଲେଜ ଏବଂ ସ୍କୁଲର ପରୀକ୍ଷା ହେଉଥିବାରୁ ଉତ୍ସବଟି ବାଧା ସୃଷ୍ଟି ହେବ ତେଣୁ ମହୋତ୍ସବ ଶିଘ୍ର ଆୟୋଜନ ପାଇଁ ଦାବି ଜଣାଇଛନ୍ତି । ଦେବାଳୟ ସୁରକ୍ଷା କମିଟି ସଭାପତି ଜୟକୃଷ୍ଣ ମିଶ୍ରଙ୍କ ନେତୃତ୍ୱରେ ଶମ୍ଭୁ ପ୍ରସାଦ ଶତପଥି, ପ୍ରଶାନ୍ତ ମହାକୁର ଓ କମିଟିର ସଦସ୍ୟ ଦାବିପତ୍ର ଜଣାଇଛନ୍ତି ।