23-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ତରଭା ବ୍ଲକ ଅନ୍ତର୍ଗତ ଶିବତୁଲା ଗ୍ରାମ ପଞ୍ଚାୟତର ରମ୍ଭାସିଣ୍ଢେlଲ, ଘାଟ କଇଁତରା, ଭାଲୁ ବାହାଲ ଓ ଆଡକଟା ଗ୍ରାମରେ ଗତକାଲି ଠାରୁ ଏକ ଜଙ୍ଗଲି ପାଗଳା ବିଲୁଆର ଆତଙ୍କ ଯୋଗୁଁ ଲୋକେ ଭୟଭୀତ ଅବସ୍ଥାରେ ରହିଛନ୍ତି l ରମ୍ଭାସିଣ୍ଢେlଲ ଗ୍ରାମର ୪ଜଣ, ପାଲିୱାର୍ଡର ୩ ଜଣ, ଭାଲୁପାଲି ଓ ଆଡ଼କଟା ଗ୍ରାମ ର ୧ ଜଣ ଲେଖାଏଁ ଲୋକ ବିଲୁଆ ଆକ୍ରମଣରେ ଗୁରୁତର ଆହତ ହେଇଥିବା ଖବର ମିଳିଛି l ଖବର ନେବାରୁ ଜଣାପଡ଼ିଛି ଯେ ସୋନପୁର ବନ ବିଭାଗର ଫରେଷ୍ଟ ଅଫିସର ଭକ୍ତବନ୍ଧୁ ମିଶ୍ରଙ୍କ ନେତୃତ୍ଵରେ ଏକ ସ୍ବତନ୍ତ୍ର ଟିମ୍ ଗତକାଲି ଠାରୁ ବିଲୁଆକୁ ଠାବ କରି ଉଦ୍ଧାର କରିବା ପାଇଁ ସେହି ଅଞ୍ଚଳରେ କ୍ୟାମ୍ପ କରିଥିବା ଓ ରାତି ଦିନ ପ୍ରୟାସ ଜାରି ରଖିଥିବା ଖବର ମିଳିଛି l ଲୋକେ ପାଗଳା ବିଲୁଆ ର ଆତଙ୍କ ପାଇଁ ଗତକାଲି ଠାରୁ ସନ୍ଧ୍ୟା ହେଲେ ଆଉ ଘରୁ ବାହାରୁ ନ ଥିବା ଜଣାଯାଇଛି l ଦିନ ବେଳା ମଧ୍ଯ ମହିଳା ଓ ପୁରୁଷ ମାନେ ଚାଷ କାମ କିମ୍ବା ଜରୁରୀ କାମରେ ଗଲେ ନିଜର ସୁରକ୍ଷା ପାଇଁ ଟାଙ୍ଗିଆ ଓ ବିଭିନ୍ନ ଅସ୍ତ୍ର ଶସ୍ତ୍ର ଧରି ଆସୁଥିବା ଖବର ମିଳିଛି l ଖୁବ୍ ଶୀଘ୍ର ପାଗଳା ବିଲୁଆକୁ ଠାବ କରି ଲୋକଙ୍କ ଧନ ଜୀବନ ସୁରକ୍ଷା ପାଇଁ ଅଞ୍ଚଳର ଲୋକେ ଜିଲ୍ଲା ପ୍ରଶାସନ ଓ ବନ ବିଭାଗ ପାଖରେ ଦାବି କରିଛନ୍ତି l