23-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା କୃଷକ ସଂଗଠନ ପକ୍ଷରୁ ଜିଲ୍ଲାପାଳ ଡ଼. ନୃପରାଜ ସାହୁ ଙ୍କୁ ସାକ୍ଷାତ କରି ସଙ୍ଗଠନ କର୍ମକର୍ତ୍ତା ବିଭିନ୍ନ ସମସ୍ୟା ର ସମାଧାନ ପାଇଁ ଆଲୋଚନା କରିଥିଲେ l ଖରିଫ ଋତୁରେ ଧାନ ସଂଗ୍ରହ ବ୍ୟବସ୍ଥାକୁ ସୁବ୍ୟବସ୍ଥିତ ତଥା ନିର୍ଦ୍ଧାରିତ ସମୟ ଡିସେମ୍ବର ୧୫ ପୁର୍ବରୁ ଧାନ କିଣା, ଭିତ୍ତିଭୂମି ନ ଥିବା ଏସଏଚଜି ଗ୍ରୁପ ଓ ପେକ୍ସ କୁ ଧାନ କିଣା ଦାୟିତ୍ଵରୁ ବାଦ ଦେବା ଏବଂ ଚାଷୀ ଯେମିତି ତାର ଧାନ ନିର୍ଦ୍ଧାରିତ ଦରରେ ବିକି ପାରିବ ଇତ୍ୟାଦି ବିଷୟ ରେ ଜିଲ୍ଲାପାଳଙ୍କ ସହ ଆଲୋଚନା କରି ଆସନ୍ତା କାଲି ଅନୁଷ୍ଟିତ ହେବାକୁ ଥିବା ପେଡ଼ି ପ୍ରୋକରମେଣ୍ଟ ମିଟିଂ ରେ ସବିଶେଷ ଆଲୋଚନା କରିବା ଓ ଏହାର ସ୍ଥାୟୀ ସମାଧାନ ପାଇଁ ଅନୁରୋଧ କରିଥିଲେ l ଧାନ କିଣା ପୁର୍ବରୁ ଓ ଧାନ କିଣା ସମୟରେ ଜିଲ୍ଲା ର ପ୍ରତ୍ୟେକ ରାଇସ ମିଲ ଓ ପେକ୍ସ୍ ମାନଙ୍କୁ ଜିଲ୍ଲା ପ୍ରଶାସନିକ ଅଧିକାରୀ ଅଚାନକ ପରିଦର୍ଶନ କରି ଷ୍ଟକ୍ ଯାଞ୍ଚ କରିବାକୁ ମଧ୍ଯ ଆଲୋଚନା କରିଥିଲେ l