18-Nov-2025

କଣ୍ଟାମାଳ(ଜୟ କୁମାର ମହାରଣା):  ବଡ଼ ମଣିଷ ହେବାକୁ ହେଲେ ପ୍ରଥମେ ଭଲ ମଣିଷ ହେବା ନିତାନ୍ତ ଆବଶ୍ୟକ  l  ଭଲ ମଣିଷ ଟିଏ ହେଲେ ଏକ ସୁସ୍ଥ ଓ ସମୃଦ୍ଧ ସମାଜ ଗଠନ ହୋଇପାରିବ ବୋଲି ମଙ୍ଗଳବାର ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ବରଗାଁ ପଞ୍ଚାୟତ ସ୍ଥିତ ବରଗାଁ ଉଚ୍ଚ ମାଧ୍ୟମିକ ବିଦ୍ୟାଳୟ ର ଉଦ୍ଘାଟନୀ ଉତ୍ସବ ରେ ମୁଖ୍ୟଅତିଥି ଭାବେ ଯୋଗଦେଇ କଣ୍ଟାମାଳ ବିଧାୟକ କହ୍ନାଇ ଚରଣ ଡାଙ୍ଗ ନିଜ ଉଦବୋଧନ ରେ ବିଦ୍ୟାଳୟ ଛାତ୍ରଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ  l  ରାଜ୍ୟ ସରକାର ଙ୍କ ଉଚ୍ଚ ମାଧ୍ୟମିକ ଶିକ୍ଷା ବିଭାଗ ପକ୍ଷରୁ ନୂତନ ଭାବେ ଉଚ୍ଚ ବିଦ୍ୟାଳୟ ରୁ ଉନ୍ନୀତ ମାଧ୍ୟମିକ ବିଦ୍ୟାଳୟ କୁ ସ୍ୱୀକୃତି ପାଇଥିବା ଏହି ବିଦ୍ୟାଳୟ କୁ ଆଜି ଅନୁଷ୍ଠାନିକ ଭାବେ କଣ୍ଟାମାଳ ବିଧାୟକ କହ୍ନାଇ ଚରଣ ଡାଙ୍ଗ ମୁଖ୍ୟଅତିଥି ଭାବେ ଯୋଗଦେଇ ଶୁଭ ଉଦ୍ଘାଟନ କରିଛନ୍ତି  l  ଉକ୍ତ ଉଦ୍ଘାଟନୀ ସଭାରେ ଭୀମଭୋଇ ମହାବିଦ୍ୟାଳୟ ରେଢ଼ାଖୋଲ ର ଅବସର ପ୍ରାପ୍ତ ଅଧ୍ୟକ୍ଷ ହରପ୍ରସାଦ ମିଶ୍ର ମୁଖ୍ୟବକ୍ତା ଓ ସମ୍ମାନୀତ ଅତିଥିଭାବେ ଜିଲ୍ଲା ଶାରୀରିକ ଶିକ୍ଷାଧିକାରୀ  ଆନନ୍ଦ ଚନ୍ଦ୍ର ବେହେରା, ୧ନଂ ଜୋନ  ଜିଲ୍ଲାପରିଷଦ ସଭ୍ୟା ଶ୍ରୀମତୀ ସୁମିତ୍ରା ସାହୁ,ବରଗାଁ ସରପଞ୍ଚ ଶ୍ରୀମତୀ ରଶ୍ମିତା ରଣା, ସମିତିସଭ୍ୟା ଶ୍ରୀମତୀ ଅଙ୍ଗୁରି ତାଣ୍ଡି, ସମାଜସେବୀ ନୀଳାଞ୍ଚଳ ଭୋଇ ପ୍ରମୁଖ ଯୋଗଦେଇ ଆଭ୍ୟନ୍ତରୀଣ ଗ୍ରାମାଞ୍ଚଳରେ ଯୁକ୍ତ ଦୁଇ ଶିକ୍ଷାର ଉନ୍ନତି ହେବା ସହ ଗମନା ଗମନ ଅସୁବିଧା କାରଣରୁ ଯୁକ୍ତ ଦୁଇ ଶିକ୍ଷା ରୁ ମେଧା ଛାତ୍ରୀଛାତ୍ର ବଞ୍ଚିତ ହୋଇ କିଭଳି ପାଠ ପଢ଼ାରେ ଡୋରି ବନ୍ଧୁଥିଲେ ସେସମ୍ପର୍କରେ ବକ୍ତବ୍ୟ ରଖିଥିଲେ  l   ବିଦ୍ୟାଳୟ ପ୍ରଧାନଶିକ୍ଷକ ତ୍ରିଲୋଚନ ସାହୁ ସଭାକୁ ସଭାପତିତ୍ବ କରିଥିବା ବେଳେ ଶିକ୍ଷକ ନୀତେଶ କୁମାର ବାରିକ ସଭା ପରିଚାଳନା କରିଥିଲେ ଓ  ଅଧ୍ୟାପିକା ରବିତା ମହାକୁଲ
ଧନ୍ୟବାଦ ଦେଇଥିଲେ l  ବିଦ୍ୟାଳୟ ଛାତ୍ରୀମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ଓ ନୃତ୍ୟ ପରିବେଷିତ ହୋଇଥିଲା  l   ବିଦ୍ୟାଳୟ ଭାରପ୍ରାପ୍ତ ଅଧ୍ୟକ୍ଷ ଶ୍ରୀ ସାହୁ ବିଦ୍ୟାଳର ବିଭିନ୍ନ ସମସ୍ୟା ସମ୍ପର୍କରେ ବିଧାୟକ ଙ୍କ ଦୃଷ୍ଟି ଆକର୍ଷଣ କରିଥିଲେ l   ବିଦ୍ୟାଳୟ ର ମୁଖ୍ୟ ଫାଟକ ନିର୍ମାଣ ନିମନ୍ତେ ୫ଲକ୍ଷ ଟଙ୍କା ଅନୁଦାନ ଯୋଗାଇଦେଇଥିବା ଘୋଷଣା କରିଥିବା ବେଳେ ସାଂସ୍କୃତିକ ମଞ୍ଚ ପାଇଁ ଆବଶ୍ୟକ ଅର୍ଥ ଖୁବଶୀଘ୍ର ଯୋଗାଇଦେବା ପାଇଁ ବିଧାୟକ ଶ୍ରୀ ଡାଙ୍ଗ ପ୍ରତିଶୃତି ଦେଇଥିଲେ  l  ଏହିଅବସରରେ ଏକ ଶୋଭାଯାତ୍ରା ଗାଁ ପରିକ୍ରମା କରିଥିଲା  l  କାର୍ଯ୍ୟକ୍ରମ କୁ ସମସ୍ତ ଅଧ୍ୟାପକ,ଅଧ୍ୟାପିକା, ଶିକ୍ଷକ, ଶିକ୍ଷୟିତ୍ରୀପରିଚାଳନା କରିଥିବାବେଳେ ଅଣଶିକ୍ଷକ କର୍ମଚାରୀ ସହଯୋଗ କରିଥିଲେ  l