14-Nov-2025

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ପବ୍ଲିକ ସ୍କୁଲ ପରିସରରେ ଆନ୍ତର୍ବିଦ୍ୟାଳୟ ବିଜ୍ଞାନମେଳା ଅନୁଷ୍ଠିତ ହୋଇ ଯାଇଛି l ବିଦ୍ୟାଳୟର ପରିଚାଳନା କମିଟିର ସଭାପତି ବୀରେନ୍ଦ୍ର କୁମାର ମିଶ୍ର ମୁଖ୍ୟ ଅତିଥି ଭାବରେ ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ l ଅନ୍ୟମାନଙ୍କମଧ୍ୟରେ ପରିଚାଳନା କମିଟିର ସମ୍ପାଦକ ଗୋପାଳକୃଷ୍ଣ ସିଂଦେଓ, କୋଷାଧକ୍ଷ ଆଲୋକ ରଞ୍ଜନ ବେଦବାକ, ସଭ୍ୟ ଶିରୀଶଚନ୍ଦ୍ର ହୋତା, ସଭ୍ୟ ଶ୍ରୀ ବାଦଲ ମହାକୁର,  ଯୋଗ ଦେଇଥିଲେ l ଏହି ମେଳାରେ ପ୍ରାୟ ୧୨୦ ଟି ପ୍ରକଳ୍ପ ସ୍ଥାନ ପାଇଥିଲା ଓ ୩ଶହରୁ ଅଧିକ ଛାତ୍ରୀଛାତ୍ର ଅଂଶଗ୍ରହଣ କରିଥିଲେ l ଅନ୍ୟ ମାନଙ୍କ  ମଧ୍ୟରେ ଶିବପ୍ରସାଦ ତ୍ରିପାଠୀ, ସୁଧାନିଧି ମିଶ୍ର, ଆନନ୍ଦ କୁମାର ସାହୁ, ସୁଶ୍ରୀ ଅନନ୍ୟା ମିଶ୍ର, ଦିବ୍ୟସିଂହ ସାହୁ, ଜୟନ୍ତ ମେହେର ,ସମ୍ବିତ ଥନାପତି ଆଦି ବିଜ୍ଞାନଶିକ୍ଷକ ଶିକ୍ଷିକାମାନେ ବିଚାରକ ଭାବରେ ଯୋଗଦେଇଥିଲେ l ବିଦ୍ୟାଳୟର ସମସ୍ତ ଛାତ୍ରଛାତ୍ରୀ, ସେମାନଙ୍କ ବାପାମାଆ ତଥା ଅଭିଭାବକମାନେ ପ୍ରକଳ୍ପ ଗୁଡିକୁ ବୁଲି ଦେଖିଥିଲେ ତଥା କୁନି ବିଜ୍ଞାନୀମାନଙ୍କୁ ଉତ୍ସାହିତ କରିଥିଲେ l ବିଦ୍ୟାଳୟର ଅଧ୍ୟକ୍ଷା ସତିଶ ପ୍ରଧାନ, ଉପାଧ୍ୟାକ୍ଷ ଦିପକ ବରାଲ, ମମିତା ବେହରା ତଥା ବିଦ୍ୟାଳୟର ବିଜ୍ଞାନ ସଂଯୋଜକ ଶିକ୍ଷକ ଦୌଲତ ମହହାରଣା,ଶାଶ୍ଵତ ପଣ୍ଡାଙ୍କ ମାର୍ଗଦର୍ଶନ,ଓ ସମସ୍ତବିଜ୍ଞାନ ଶିକ୍ଷକଶିକ୍ଷିକାଙ୍କ ସୁପରିଚାଳନା ତଥା ବିଦ୍ୟାଳୟର ଅନ୍ୟାନ୍ୟ ସମସ୍ତଶିକ୍ଷକ ଶିକ୍ଷିକା, କର୍ମଚାରୀଙ୍କ ସହଯୋଗରେ କାର୍ଯ୍ୟକ୍ରମଟି  ସଫଳତାରସହ ସମ୍ପନ୍ନ ହେଇଅଛି l