14-Nov-2025

ସୋନପୁର (ମନୋରଞ୍ଜନ ତ୍ରିପାଠୀ)
ଯୁବ ସମୟ ରୁ କେବଳ ସେବା କାର୍ଯ୍ଯ ରେ  ଉତ୍ସର୍ଗୀକୃତ ଥିବା ଜଣେ ଭଲ ମଣିଷ ନିଆରା ମଣିଷ ସୋନପୁର ର ଶ୍ରୀବତ୍ସ ମଲ୍ଲିକ l ଗତ କାଲି ଥିଲା ତାଙ୍କ ୭୦ ତମ ଜନ୍ମ ଦିବସ ଉତ୍ସବ l  ସେ ଗୋଟେ ଗରିବ  ପରିବାର ରେ ଜନ୍ମ ଗ୍ରହଣ କରି  ଗୋଟେ ତେଲ ଲୁଣ ଦୋକାନ ରେ ଜୀବନ ଆରମ୍ଭ କରି ଖୁବ୍ କଷ୍ଟ ରେ ଜୀବନ ବିତାଇ ଛନ୍ତି l କିନ୍ତୁ ମା ସୁରେଶ୍ଵରୀ ଙ୍କ ଆଶିର୍ବାଦ ରୁ ସେ ଆଜି ଯେତେ ବଡ ଲୋକ ହେଲେବି ସକାଳେ ପ୍ରଥମେ ତେଲ ଲୁଣ ଦୋକାନ ଖୋଲିବା ଟିକେ ବିକ୍ରି ବଟା କରିବା ପରେ ମା ସୁରେଶ୍ଵରୀ ଙ୍କୁ ଦର୍ଶନ କରିବା କେବେ ଭୂଲି ନାହାନ୍ତି l  ଆଉ ମା ଙ୍କୁ ନିଜ  ପାଇଁ କିଛି ମାଗନ୍ତି ନି ସେ ସହର ଓ ଜିଲ୍ଲା ପାଇଁ ତାଙ୍କ ସମସ୍ତ ଶୁଭେଛୁ ପାଇଁ ଓ ଜଗତ କଲ୍ୟାଣ ପାଇଁ ଗୁହାରି କରନ୍ତି ସହର ସାରା ସ୍କୁଟି ରେ ବୁଲି ବୁଲି ସମସ୍ତ ଙ୍କ ସହ ଭେଟ  ହୋଈ ହସି ହସି କେବଳ ଗୋଟେ ସମ୍ବୋଧନ କରନ୍ତି ଜୟ ମା ସୁରେଶ୍ଵରୀ l  ନିଜ ପାଇଁ ନୁହେଁ ଦୁଃଖୀ ରଙ୍କି ଓ ଅନ୍ୟ  
ମାନଙ୍କ ଖୁସୀ ରେ ଓ 
ବଞ୍ଚିବାରେ ଖୁବ୍ ଆତ୍ମ ସନ୍ତୋଷ ପାଆନ୍ତି ସେ l ଏହା ହିଁ ହେଉଛି ଜୀବନ ର ପ୍ରକୃତ ମୂଲ୍ୟ ଓ ଦୁଃଖ କଷ୍ଟ କୁ ପିଲା ବେଳୁ ଯିଏ ଅନୁଭଵ କରି ଆସିଛି, ସେ ଅନୁଭବୀ ହିଁ ଦୁଃଖୀ ଦରିଦ୍ର ଙ୍କୁ ସେବା କରି ଆନନ୍ଦ ପାଏ ବୋଲି ନିଜ ଜୀବନ ର ପ୍ରକୃତ କାହାଣୀ କୁ  ପ୍ରକାଶ କରନ୍ତି ଶ୍ରୀ ମଲ୍ଲିକ l ସୁବର୍ଣ୍ଣପୁର ସହର ର ଏଇ ଜଣାଶୁଣା ସମାଜସେବୀ ଙ୍କ ଜନ୍ମ ଦିନ ପାଇଁ ଗତ କାଲି ଜିଲ୍ଲାପାଳ ଅଫିସ ଚ୍ୟାମ୍ବର ରେ ଏକ ସଭାରେ ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପ ରାଜ ସାହୁ  ଶ୍ରୀବତ୍ସ ମଲ୍ଲିକ ଙ୍କୁ ଫୁଲ ତୋଡା ଦେଇ ଶୁଭେଚ୍ଛା ଜଣାଇ ଥିଲେ l ସେହିପରି ସ୍ୱଚ୍ଛ ଭାରତ ସଙ୍ଗଠନ  ପକ୍ଷରୁ ଆୟୋଜିତ ଏକ ଉତ୍ସବ ରେ ରକ୍ତ ଦାତା ସଂଘ, ଦିବ୍ୟ ଉର୍ଯ୍ୟା ଯୋଗ ସେବା ସମିତି, ଜିଲ୍ଲା ପୋଲିସ କନେଷ୍ଟ ବଲ୍ ସଂଘ, ଗୋପାଲ୍ଜି ଯୋଗଳୟ, ବରିଷ୍ଠ ନାଗରିକ ସଂଘ, ଓ ଓଡ଼ିଶା ସାମ୍ୱାଦିକ ସଂଘ ପକ୍ଷରୁ ଶ୍ରୀ ମଲ୍ଲିକ ଙ୍କୁ ଜନ୍ମ ଦିନ ର ଶୁଭେଛା ଜଣାଇ ସମ୍ବର୍ଧିତ କରାଯାଇଥିଲା l ପବ୍ଲିକ ପ୍ରଶାସନ ସବୁଠି ଯିଏ ଯାହା ସହଯୋଗ ମାଗେ ସେ କେବେ କାହାକୁ ମନା କରନ୍ତି ନି l  ଭିତରେ ଯେତେ ଦୁଃଖ ଥିଲେ ବି ହସ ହସ ମୁଁହ ରେ କଥା ହୁଅନ୍ତି ସେ ଆଉ  ସମାନ ଦୃଷ୍ଟି ରେ ସମସ୍ତ ଙ୍କୁ ଦେଖନ୍ତି l ଏଇ କିଛି ଦିନ ତଳେ ନିଜ ଧର୍ମ ପତ୍ନୀ ଙ୍କ ଓ ଟି ରେ ହାର୍ଟ ଅପରେସନ ଚାଲି ଥିବା ବେଳେ  ସାମ୍ୱାଦିକ ଯୁଧିଷ୍ଠିର ସାହୁ ର ପୁଅ ହର୍ଷ ବର୍ଦ୍ଧନ ର ହାର୍ଟ ଅପରେସନ ସଫଳ ହେଲା କି ବୋଲି ବୁଝିଥିଲେ ଆମ ପ୍ରେସ ଗ୍ରୁପ କୁ , ଯାହାକି ଏକ ମଲ୍ଲିକ ବାବୁ ଙ୍କ ଏହା ଏକ ମହାନତା ଓ ଉଦାରତା ର ଉଦାହରଣ ଅଟେ l