10-Oct-2020

ନିକଟରେ ଚଳିତ ବର୍ଷ ପାଇଁ ନୋବେଲ ଶାନ୍ତି ପୁରସ୍କାର ଘୋଷଣା ହୋଇଛି। ଏହି ପୁରସ୍କାର ଘୋଷଣାକୁ ନେଇ ନୋବେଲ କମିଟିକୁ ପ୍ରଶ୍ନ କରିଛି ଚୀନ। ନରଓ୍ବେର ନୋବେଲ କମିଟି ଶୁକ୍ରବାର ଦିନ ନୋବେଲ ଶାନ୍ତି ପୁରସ୍କାର ବିଜେତାଙ୍କ ନାମ ଘୋଷଣା କରିଥିଲେ। ଚଳିତବର୍ଷ ପାଇଁ ଓ୍ବାର୍ଲ୍ଡ ଫୁଡ୍‌ ପ୍ରୋଗ୍ରାମକୁ ମିଳିଛି ନୋବେଲ ଶାନ୍ତି ପୁରସ୍କାର। ଏହାପରେ ପୁଣିଥରେ ଚୀନ୍‌ ଓ ବିଶ୍ବ ସ୍ବାସ୍ଥ୍ୟ ସଙ୍ଗଠନ ମଧ୍ୟରେ ଥିବା ସମ୍ପର୍କକୁ ନେଇ ବିବାଦ ଦେଖିବାକୁ ମିଳିଛି। କାରଣ ଚଳିତବର୍ଷ WHOକୁ ନୋବେଲ ଶାନ୍ତି ପୁରସ୍କାର ନମିଳିବାରୁ ଚୀନ ପ୍ରତିକ୍ରିୟା ରଖିଛି। ଚୀନର କମ୍ୟୁନିଷ୍ଟ ସରକାରର ମୁଖପତ୍ର ଗ୍ଲୋବାଲ ଟାଇମସ୍‌ରେ ନୋବେଲ କମିଟି ସହ ଆଲୋଚନା କରିଥିଲା! ଖବରକାଗଜର ସମ୍ପାଦକ ହୁ ଶିଜିନ କହିଛନ୍ତି ଯେ, ଏବେ ନୋବେଲ ଶାନ୍ତି ପୁରସ୍କାର ବେକାର ହୋଇଗଲଣି ଏବଂ ଏହାକୁ ବନ୍ଦ କରି ଦିଆଯିବା ଉଚିତ୍‌ ବୋଲି କହିଛନ୍ତି। ଶିଜିନ ନିଜ ଟୁଇଟର ଅକାଉଣ୍ଟରେ ଲେଖିଛନ୍ତି ଯେ, ନୋବେଲ କମିଟିର ଏତେ ସାହାସ ନାହିଁ ଯେ, ସେ ବିଶ୍ବ ସ୍ବାସ୍ଥ୍ୟ ସଙ୍ଗଠନ (WHO)କୁ ପୁରସ୍କାର ଦେଇ ପାରିବ। ଯଦି କମିଟି ଏପରି କଲା ତେବେ ଆମେରିକା କିମିଟି ଉପରେ କ୍ଷୁବ୍ଧ ହୋଇଯିବ। ଏଥିପାଇଁ ପୁରସ୍କାର ମିଳିନାହିଁ ବୋଲି ସେ କହିଛନ୍ତି!! ଏଥିସହିତ ସେ ଆହୁରି କହିଛନ୍ତି ଯେ, ନୋବେଲ ପୁରସ୍କାରକୁ ବହୁତ ପୂର୍ବରୁ ବନ୍ଦ କରିଦେବା ଉଚିତ୍। ଏହି ନୋବେଲ କମିଟି କେବଳ ଆମେରିକାର ଦଲାଲୀ କରିବା ବ୍ୟତୀତ ଆଉ କିଛି କରୁନାହିଁ। ଏହି କେବଳ ସନ୍ତୁଳନ ବଜାୟ ରଖିବାକୁ ପ୍ରୟାୟ କରୁଛି ବୋଲି ସେ କହିଛନ୍ତି । ହୁ ଶିଜିନଙ୍କ ଏପରି ବୟାନବାଜି ନୂଆ କଥା ନୁହେଁ। ଏପରି କହି ଚୀନ ଏଜେଣ୍ଡାକୁ ଆଗକୁ ନେବାକୁ ପ୍ରୟାସ କରିଥାନ୍ତି। ସେ ଯେଉଁଭଳି ଭାବେ ନୋବେଲ କିମିଟିକୁ ନେଇ ପ୍ରଶ୍ନ ଉଠାଇଛନ୍ତି ଏଥରୁ ସ୍ପଷ୍ଟ ଯେ, ଚୀନ ଓ WHO ମଧ୍ୟରେ କେଉଁ ଭଳି ସମ୍ପର୍କ ରହିଛି ! ମହାମାରୀ କରୋନା ଭାଇରସ୍‌ କାରଣରୁ ଆମେରିକା ସମେତ ବହୁ ଦେଶର ଟାର୍ଗେଟରେ ରହିଛି ଚୀନ। ଅପରପକ୍ଷେ WHO ମଧ୍ୟ ଆମେରିକାର ଟାର୍ଗେଟ ରହିଛି। ଏପରିକି ପୂର୍ବରୁ ଆମେରିକାର ରାଷ୍ଟ୍ରପତି ଡ୍ରୋନାଲ୍ଡ ଟ୍ରମ୍ପ ଅଭିଯୋଗ ଆଣିଥିଲେ ଯେ, WHO ଓ ଚୀନ ମଧ୍ୟରେ ଭଲ ସମ୍ପର୍କ ରହିଛି। ଏବଂ ୨ ଜଣଙ୍କର ଅବହେଳା ପାଇଁ କରୋନା ମହାମରୀର ରୂପ ନେଲା ବୋଲି ସେ କହିଥିଲେ!!