10-Oct-2020

*ଢେଙ୍କାନାଳ ଢେଙ୍କାନାଳ ବନଖଣ୍ଡ କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ପଥରଖମ୍ବ ଗାଁରେ ଗତ ମାସ ୨୫ ତାରିଖ ଦିନ ହାତୀ ମୃତ୍ୟୁ ପରେ ଏବେ ଆକ୍ସନ ମୋଡ଼ରେ ରେଞ୍ଜର ବିଭୂଦାନନ୍ଦ ମିଶ୍ର । ଡିଏଫଓଙ୍କ ନିର୍ଦ୍ଦେଶକ୍ରମେ ମୁକ୍ତାପଶି ଫରେଷ୍ଟ ସେକ୍ସନ ଅନ୍ତର୍ଗତ କଙ୍କିଳି ସଂରକ୍ଷିତ ଜଙ୍ଗଲରୁ ଆଜି ୨ ଜଣ ଶିକାରୀକୁ ଗିରଫ କରିବା ସହ ସେମାନଙ୍କ ଠାରୁ ବାରହା ମାଂସ ଜବତ କରିଛି ବନବିଭାଗ । ଗିରଫ ଦୁଇ ଅଭିଯୁକ୍ତ ପରଜଙ୍ଗ ଥାନା ସାଆନ୍ଦା ଗାଁ କେଞ୍ଚୁଡି ମୁଣ୍ଡାସାହିର ଭାସ୍କର ତିରିଆ ଓ ଡବି ତିରିଆ!!*ଦୀର୍ଘଦିନ ହେବ ଅଭିଯୁକ୍ତ ଶିକାରୀ ମାନେ ଜଙ୍ଗଲରେ ବିଦ୍ୟୁତ ତାର ବିଛାଇ ୧୧ କେଭି ବିଦ୍ୟୁତ ସାହାଯ୍ୟରେ ଜନ୍ତୁ ଶିକାର କରୁଥିଲେ । ପଶ୍ଚିମାଞ୍ଚଳ ରେଞ୍ଜର ବିଭୂଦାନନ୍ଦ ମିଶ୍ର ଶିକାରୀ ମାନଙ୍କୁ ଧରିବା ପାଇଁ ଏକ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଥିଲେ । ଆଜି ସକାଳେ ଫରେଷ୍ଟର ଚନ୍ଦ୍ରଶେଖର ବେହେରା ନିଜ କର୍ମଚାରୀଙ୍କ ସହ ମିଶି କଙ୍କିଳି ସଂରକ୍ଷିତ ଜଙ୍ଗଲରେ ଚଢ଼ାଉ କରିଥିଲେ । ଗିରଫ ପରେ ଦୁଇ ଅଭିଯୁକ୍ତକୁ କୋଭିଡ ଟେଷ୍ଟ କରାଯାଇ କୋର୍ଟ ଚାଲାଣ କରାଯିବ ବୋଲି ଜଣାପଡିଛି!!*