13-Oct-2025

ସୋନପୁର (ମନୋରଞ୍ଜନ ତ୍ରିପାଠୀ)
 ସରକାରୀ ଉ. ପ୍ରା. ବିଦ୍ୟାଳୟ  ଜନମୁରା ଠାରେ କ୍ଲଷ୍ଟର ସ୍ତରୀୟ ସୁରଭି ଉତ୍ସବ ସିଆରସିସି ଶ୍ରୀ ରିଚପାଲ ମେହେର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି | ମୁଖ୍ୟ ଅତିଥି ଭାବରେ ଜିଲ୍ଲା ସମଗ୍ର ଶିକ୍ଷା ପେଡାଗୋଜି ଡ. ଅକ୍ଷୟ କୁମାର ସାହୁ ଯୋଗଦେଇ ସୋଇକି ସ୍ବପ୍ନ ନ ଦେଖି ଚେଁଇକି  ସ୍ବପ୍ନ ଦେଖିବା କୁ ଓ ତାକୁ ସାକାର କରିବା କୁ ପ୍ରଚେଷ୍ଟା କରି ମିଶାଇଲ ମେନ ତଥା ପୂର୍ବତନ ରାଷ୍ଟ୍ରପତି ଡ .ଏପିଜେ ଅବଦୁଲ କାଲାମ ଙ୍କ ଆଦର୍ଶ ରେ ଅନୁପ୍ରାଣିତ ହେବା ଉପରେ ବକ୍ତବ୍ୟ ରଖିଥିଲେ |ସ୍ୱତନ୍ତ୍ର ଅତିଥି ଭାବରେ ଓଡିଶା ସାମ୍ବାଦିକ ସଂଘ ସୁବର୍ଣ୍ଣପୁର ଜିଲ୍ଲା ଶାଖା ସଭାପତି ତଥା ସମାଜ ସେବୀ ଶ୍ରୀ ମନୋରଞ୍ଜନ ତ୍ରିପାଠୀ ଯୋଗଦେଇ ମାଆ ଠାରୁ ଜନ୍ମ ନେଇଥିବା କୌଣସି ବି ଶିଶୁ ଅଯୋଗ୍ୟ ନୁହେଁ, କିଛି ନା କିଛି କଳା ଓ ପ୍ରତିଭା ଭରି ରହିଥାଏ

ସମସ୍ତ ଙ୍କ ପାଖରେ, ଯେଉଁ ମାଧ୍ୟମରେ ସେ ପ୍ରତିଷ୍ଠିତ ବ୍ୟକ୍ତି ହୋଇପାରେ ବୋଲି ମତ ଦେଇଥିଲେ l ଓ ଶିକ୍ଷା ସଂସ୍କୃତି ରେ ଯେଉଁ ଦେଶ ଯେତେ ବିକାଶ କରେ ସେ ଦେଶ ସେତେ ସମୃଦ୍ଧ ଶୀଳ ହୋଇଥାଏ ବୋଲି କହିଥିଲେ l ଅନ୍ୟତମ ସମ୍ମାନିତ ଅତିଥି ସିଆରସିସି ଶ୍ରୀ ବ୍ରତାନନ୍ଦ ଭୋଇ ସୁରଭି ର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ବକ୍ତବ୍ୟ ରଖି ଥିବାବେଳେ ସିଆରସିସି ଶ୍ରୀଯୁକ୍ତ ରିଚପାଲ ମେହେର ଅତିଥି ପରିଚୟ ସହ ଉଦ୍ଦେଶ୍ୟ ଜ୍ଞାପନ କରିଥିଲେ |ଜନମୁରା ପ୍ରଧାନ ଶିକ୍ଷକ ଶ୍ରୀଯୁକ୍ତ ସୋମନାଥ ମେହେର ଧନ୍ୟବାଦ ଅର୍ପଣ କରିଥିଲେ |କ୍ଲଷ୍ଟର ର ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ସହଯୋଗ କରିଥିଲେ |ପରେ ପରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇ କୃତୀ ଛାତ୍ର ଛାତ୍ରୀ ଙ୍କୁ ଅତିଥି ଙ୍କ ଦ୍ବାରା ପୁରସ୍କୃତ କରା  ଯାଇଥିଲା l ସଭାରେ ବିଭିନ୍ନ ବୁଦ୍ଧିଜୀବି ସ୍କୁଲ ପରିଚାଳନା କମିଟି ର ସଦସ୍ୟ ଯୋଗ ଦେଇଥିଲେ l