11-Oct-2025

ନୂଆଁପଡ଼ା (ପରମେଶ୍ଵର ମେହେର): ରାଜ୍ୟ ସରକାର ବୃଦ୍ଧ,ବିଧବା ଓ ଅସହାୟ ମାନଙ୍କ ମୁହଁରେ ଦାନା ଦେବାପାଇଁ ଅଣ୍ଟା ଭିଡିଥିବା ବେଳେ କେତେକ ଅସାଧୁ ସରକାରୀ ବାବୁଙ୍କ ମାନଙ୍କ ଅବହେଳା ପାଇଁ ମାସମାସ ଧରି ଭତ୍ତା ଟଙ୍କା ପାଇବାରେ ବଞ୍ଚିତ ହେଉଛନ୍ତି ବୃଦ୍ଧା ବିଧବା ମହିଳା ମାନେ, ଏହିପରି ଏକ ଅଭିଯୋଗ ହେଉଛି ନୂଆପଡା ଜିଲ୍ଲା ବୋଡେ଼ନ ବ୍ଲକ ନାଗପଡା ଗ୍ରାମପଞ୍ଚାୟତ ଅନ୍ତର୍ଗତ ଖମାରଖୁଣ୍ଟି ଗ୍ରାମର ବିଧବା ମହିଳା ସୁମିତ୍ରା ଦେଇ, ସେ ଦୀର୍ଘ ସାତ ମାସ ହେଲା ବିଧବା ଭତ୍ତାଟଙ୍କା ପାଇବାରେ ବଞ୍ଚିତ ଅଛନ୍ତି, ତାଙ୍କର ସ୍ୱାମୀ ଅନେକ ବର୍ଷ ହେଲା ଆରପାରିକୁ ଚାଲିଯାଇଥିବା ବେଳେ ସେ ବେସାହାରା ହୋଇଯାଇଛନ୍ତି ଓ ଅନ୍ୟଏକ ଘରେ ଆଶ୍ରୟ ନେଉଛନ୍ତି ଓ ତାଙ୍କ ଏକମାତ୍ର ଭରସା ବିଧବା ଭତ୍ତା, ସେଇଟା ମଧ୍ୟ ଦୀର୍ଘ ସାତ ମାସ ହେଲା ମିଳୁନାହିଁ, ଯାହା ଦ୍ୱାରା କି ଚିନ୍ତାରେ ସୁମିତ୍ରା ଦେଇ, ଏହି ସମସ୍ୟା କୁ ନେଇ ସ୍ଥାନୀୟ ବିଡ଼ିଓ, ଠୁ ଆରମ୍ଭ କରି ପଞ୍ଚାୟତ ନିର୍ବାହୀ ଅଧିକାରୀ ଓ ସରପଞ୍ଚ ଙ୍କୁ ବାରମ୍ବାର ଅଭିଯୋଗ କଲେ ମଧ୍ୟ ସମସ୍ୟା ର ସମାଧାନ ହୋଇପାରୁ ନାହିଁ, ଏହି ସମସ୍ୟା ପ୍ରତି ଯଥାଶୀଘ୍ର ତଦନ୍ତ କରି ସୁମିତ୍ରା ଦେଇ ଙ୍କୁ ଭତ୍ତା ଟଙ୍କା ଯୋଗାଇ ଦେବାପାଇଁ ଆକୁଳ ନିବେଦନ କରିଛନ୍ତି l