08-Oct-2025

ବଲାଙ୍ଗୀର: ବ୍ରହ୍ମପୁରର କାର୍ଯ୍ୟରତ  ବରିଷ୍ଠ ଆଇନଜୀବୀ ତଥା ଷ୍ଟେଟ୍ ବାର କାଉନସିଲ ସଭ୍ଯ ପୀତବାସ ପଣ୍ଡାଙ୍କୁ  ଗତ ୭ ତାରିଖ ଦିନ କିଛି ଦୁର୍ବୃତ୍ତ ଗୁଳି କରି ଅମାନୁଷିକ ଭାବେ ହତ୍ୟା କରିଥିଲେ l ଏହି ଘଟଣାକୁ ବିଭିନ୍ନ ମହଲରେ ଦୃଢ଼ ନିନ୍ଦା କରାଯିବା ସହିତ ରାଜ୍ୟବ୍ୟାପୀ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି l ଏହି ପରିପ୍ରେକ୍ଷୀରେ ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ସ୍ଥାନୀୟ ସିଭିଲ କୋର୍ଟ ବାର ହଲ୍ ଠାରେ ଦିବଙ୍ଗତ ଓକିଲ ଶ୍ରୀ ପଣ୍ଡା ଙ୍କ ଅମର ଆତ୍ମାର ସତଗତି ନିମନ୍ତେ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା l ଏହି ପରିପ୍ରେକ୍ଷୀରେ ଆଜି ସଂଘ ପକ୍ଷରୁ ଦିନିକିଆ କଲମ ଛାଡ ଆନ୍ଦୋଳନ କରାଯାଇଛି l ଏ ସଂକ୍ରାନ୍ତରେ ଆଜି ଓକିଲ ସଂଘର ସମ୍ପାଦକ ସଞ୍ଜୟ ବଗର୍ତ୍ତୀ ଙ୍କ ନେତୃତ୍ଵରେ  ସଂଘ ର ଯୁଗ୍ମ ସମ୍ପାଦକ ସୁମିତ୍ ଖୁଆସ, କାର୍ଯ୍ୟକାରୀ କମିଟିର ସଭ୍ଯ ରାଜେନ୍ଦ୍ର ମିଶ୍ର, ଦିପ୍ତୀ ଶର୍ମା,ସବିତା ରାଣୀ ମିଶ୍ର, ଗୋବିନ୍ଦ ଚନ୍ଦ୍ର ମହାନ୍ତିଙ୍କ ସମେତ ସଭ୍ଯ ସଞ୍ଜୀବ ହୋତା, ରବି ବହିଦାର, ଭବାନୀ ଭୋଇ, ସୁବାଷ ନନ୍ଦ ପ୍ରମୁଖ  ବଲାଙ୍ଗୀର ଜିଲ୍ଲା ଦୌରାଜଜ୍ ଡ. ପବିତ୍ର ମୋହନ ସାମଲଙ୍କୁ ସାକ୍ଷାତ କରି ଘଟଣାର ନ୍ୟାୟିକ ତଦନ୍ତ ସହ ୪୮ ଘଣ୍ଟା ମଧ୍ୟରେ ଦୋଷୀଙ୍କୁ ଗିରଫ୍ କରାଯିବାକୁ ଦାବି କରିଛନ୍ତି l