05-Oct-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ କୁହିବାହାଲ ପଞ୍ଚାୟତ ପଧାନପାଲି ଖେଳପଡିଆ ଠାରେ ପ୍ରଜାମଙ୍ଗଲ କ୍ଲବ ଆନୁକୁଲ୍ୟରେ ଚାଲିଥିବା ସର୍ବଭାରତୀୟ ନକ ଆଉଟ ଫୁଟବଲ ଟୁର୍ଣ୍ଣାମେଣ୍ଟର ଆଜି ତୃତୀୟ ଦିବସରେ ବଲାଙ୍ଗିର ପ୍ରୋଗ୍ରେଶିଭ କ୍ଳବକୁ ପେନାଲ୍ଟି ସୁଟ ଜରିଆରେ ହରାଇ ରାଉରକେଲା କିସାନ ବ୍ରଦର ତୃତୀୟ ଦଳ ଭାବେ  ସେମି ଫାଇନାଲକୁ ପ୍ରବେଶ କରିଛି।ପ୍ରଥମ ମ୍ୟାଚରେ ବଲାଙ୍ଗିର   ପ୍ରୋଗ୍ରେସିଭ ୩-୧ ଗୋଲରେ ବାରକୋଟ ଏଫସି କୁ ପରାସ୍ତ କରିଥିଲା ।ଦ୍ଵିତୀୟ ମ୍ୟାଚରେ ରାଉରକେଲା ଦଳ ୩-୨ ଗୋଲରେ ଭବାନୀପାଟଣା ଇଭିଂନୀଙ୍ଗ କ୍ଳବକୁ ପରାସ୍ତ କରିଥିଲା।ତୃତୀୟ ମ୍ୟାଚ ଅର୍ଥାତ କ୍ୱାଟର ଫାଇନାଲ ମ୍ୟାଚ୍ ବଲାଙ୍ଗିର ବନାମ ରାଉରକେଲା  ମଧ୍ୟରେ ଅତ୍ୟନ୍ତ ସଂଘର୍ଷପୂର୍ଣ୍ଣ ହୋଇଥିଲା ହେଲେ ନିର୍ଦ୍ଧାରିତ ସମୟ ମଧ୍ୟରେ କେହି କାହାକୁ ଗୋଲ ଦେଇ ନପାରିବାରୁ ଟ୍ରାଇ ବ୍ରେକର ଜରିଆରେ ହାରଜିତ ନିର୍ଣ୍ଣୟ ହୋଇଥିଲା ଏଥିରେ ରାଉରକେଲା ପ୍ରତିପକ୍ଷ ଦଳ ବଲାଙ୍ଗିର କୁ ୮-୭ ଗୋଲରେ ପରାସ୍ତ କରି ତୃତୀୟ ଦଳ ଭାବେ ସେମି ଫାଇନାଲକୁ ଉତ୍ତୀର୍ଣ୍ଣ ହୋଇଛି । ଟୁର୍ଣ୍ଣାମେଣ୍ଟର  ଖେଲ ଗୁଡ଼ିକୁ ଜିତେନ୍ଦ୍ରିୟ ଥନାପତି,ସୁବ୍ରତ ପୁରୋହିତ,ସହିଲ ବେହେରା,ସନ୍ଦୀପ ତରିଆ ପରିଚାଳନା କରିଥିଲେ ।ପୁରସ୍କାର ବିତରଣି ଉତ୍ସବରେ ମୁଖ୍ୟ ଅତିଥି ଭାବେ କୁହିବାହାଲ ସରପଞ୍ଚ ସୁଦାମ ପ୍ରଧାନ ଯୋଗଦେଇ ଖେଳାଳୀ ମାନଙ୍କୁ ଟ୍ରଫି ପ୍ରଦାନ କରିଥିଲେ।ଅନୁଷ୍ଟିତ ଏହି କାର୍ଯ୍ୟକ୍ରମରେ ଲିପୁନ,ବୀରେନ,ସୁନିଲ,ରିକୁ,ଅମିୟ,ରାଜିନ,ବୁଲୁ,ଅଶୋକ,ହିତ, ମଗଶିର,ପଞ୍ଚା,ନିକୁ,ପରୀକ୍ଷିତ,ବିଦେଶୀ,ସୁରେଶ,ଫଗୁଣୁ,ମନ୍ତୁ, ରାଜନ,ଉଦେ,ଅରୂପ ପ୍ରମୁଖଙ୍କ ସମେତ କ୍ଳବର ସମସ୍ତ ସଦସ୍ୟ ଉପସ୍ଥିତ ଥିଲେ।