04-Oct-2025

ବୀରମହାରାଜପୁର,(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ପିତାମହୁଲ ପଞ୍ଚାୟତ ର ଡୁଲେଶ୍ୱର ଗ୍ରାମରେ ବାଗ୍ଦେବୀ କ୍ଲବ ଆନୁକୂଲ୍ୟରେ ଦ୍ଵିତୀୟ ରାଜ୍ୟ ସ୍ତରୀୟ  ସମଲେଶ୍ଵରୀ ଡୁଲେଶ୍ୱର କ୍ରିକେଟ କପ ଶନିବାର ଉଦ୍ଘାଟିତ ହୋଇଯାଇଛି। ଆୟୋଜକ ସଭାପତି ଆଦିକନ୍ଦ ପଣ୍ଡା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦ୍ଘାଟନୀ ଉତ୍ସବରେ ବୀରମହାରାଜପୁର ଜୋନ -୧ ଜିଲ୍ଲା ପରିଷଦ ସଭ୍ୟ ଲବ କୁମାର ସାହୁ ମୁଖ୍ୟ ଅତିଥି ଏବଂ ସ୍ଥାନୀୟ ସରପଞ୍ଚ ଆକସ୍ମିତା ବଢିଆ,ସ୍ବେଚ୍ଛାସେବୀ ପ୍ରଦୀପ ବଢିଆ, ଆୟୋଜକ ଉପଦେଷ୍ଟା ଲକ୍ଷ୍ମଣ ପଣ୍ଡା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ। ଉଦ୍ଘାଟନୀ ମ୍ୟାଚ ଟି ଡ୍ରିମ୍ସ୍। -୧୧ ସୋନପୁର ଓ ଏଙ୍ଗ୍ରୀ ଟାଇଗର ସମ୍ବଲପୁର ମଧ୍ୟରେ ହୋଇଥିଲା।  ଏଥିରେ ସୋନପୁର ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭର ରେ ୭ ଉଇକେଟ ହରାଇ ୯୨ ରନ କରିଥିଲା।

ଜବାବରେ ସମ୍ବଲପୁର ନିର୍ଦ୍ଧାରିତ ୧୦ ଓଭର ରେ ୭ ଉଇକେଟ ହରାଇ ୮୬ ରନ କରି ପରାସ୍ତ ହୋଇଥିଲା। ଦ୍ଵିତୀୟ ମ୍ୟାଚ ଟି ଏମଏସଟି ବଲାଙ୍ଗୀର ଓ ଷ୍ଟାର -୧୧ ସିଉଳା,ପୁରୀ ମଧ୍ୟରେ ହୋଇଥିଲା। ଏଥିରେ ବଲାଙ୍ଗୀର ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୮ ଓଭର ରେ ୫ ଉଇକେଟ ହରାଇ ୯୭ ରନ କରିଥିଲା। ଜବାବରେ ପୁରୀ ଦଳ ନିର୍ଦ୍ଧାରିତ ୮ ଓଭର ରେ ୯ ଉଇକେଟ ହରାଇ ୭୨ ରନ କରି ପରାସ୍ତ ହୋଇଥିଲା। ପ ସୋନପୁର ଓ ଦ ବଲାଙ୍ଗୀର ମଧ୍ୟରେ ପ୍ରଥମ ସେମି ଫାଇନାଲ ଖେଳା ଯାଇଥିଲା। ଏଥିରେ ସୋନପୁର ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୬ ଓଭର ରେ ୯ ଉଇକେଟ ହରାଇ ୩୪ ରନ କରିଥିବା ବେଳେ ବଲାଙ୍ଗୀର ୩.୩ ଓଭର ରେ ୩ ଉଇକେଟ ହରାଇ ୩୫ ରନ କରି ବିଜୟୀ ହୋଇ ଫାଇନାଲ ରେ ପ୍ରବେଶ କରିଛି। ମ୍ୟାଚ ଗୁଡିକରେ ଦର୍ଶନୀ ଅଦର ଓ ଭିଷ୍ମଲୋଚନ ବାଘ ଅମ୍ପାୟାର,ସୁଜିତ ପାଢ଼ୀ ସ୍କୋରିଙ୍ଗ ଏବଂ ପ୍ରେମଚାନ୍ଦ ସାହୁ ଧାରାବିବରଣୀ ପ୍ରଦାନ କରିଥିଲେ।