04-Oct-2025

ବଲାଙ୍ଗୀର(ପ୍ରେରଣା ଖବର): ସ୍ଥାନୀୟ ଜଙ୍ଗଲ ବିଭାଗ ବୈଠକ ଗୃହରେ ବଲାଙ୍ଗିର ବିଧାୟକ କଳିକେଶ ନାରାୟଣ ସିଂହଦେଓଙ୍କ ଦ୍ବାରା ବଲାଙ୍ଗୀରର ପୁର୍ତ୍ତ ବିଭାଗ, ଜଳସେଚନ ବିଭାଗ, କ୍ଷୁଦ୍ର ଜଳସେଚନ ବିଭାଗ, ଜାତୀୟ ରାଜପଥ ବିଭାଗ, ଗ୍ରାମ୍ଯଉନ୍ନୟନ ବିଭାଗ, ଗ୍ରାମ୍ଯ ଜଳଯୋଗାଣ ବିଭାଗ, ପୌର ସଂସ୍ଥା, ଜିଲ୍ଲା ସଂସ୍କୃତି ବିଭାଗ, ଜନସ୍ବାସ୍ଥ୍ଯ ବିଭାଗ ସମେତ ବଲାଙ୍ଗୀର ଓ ଦେଓଗାଁର ତହସିଲଦାର ମାନଙ୍କୁ ନେଇ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ କରିଥିଲେ । ଏହି ବୈଠକରେ ବଲାଙ୍ଗିର ଅତିରିକ୍ତ ଜିଲ୍ଲାପାଳ ଓ ପୌରାଧ୍ୟକ୍ଷା ଲିକା ସାହୁ ଉପସ୍ଥିତ ଥିଲେ। ପ୍ରଥମରୁ ମାନ୍ୟବର ବିଧାୟକ କଳିକେଶ ସିଂହଦେଓ ବଲାଙ୍ଗିର ସହରର ଡ୍ରେନେଜ ବ୍ଯବସ୍ଥାର ସୁଧାର ଉପରେ ପୌରସଂସ୍ଥା ପୁର୍ତ୍ତ ବିଭାଗ ଓ ଜାତୀୟ ରାଜପଥ ବିଭାଗର ସମୀକ୍ଷା କରିଥିଲେ। ଗ୍ରାମ୍ଯଉନ୍ନୟନ ବିଭାଗ ଅଧିନରେ ଚାଲିଥିବା ବିଭିନ୍ନ ରାସ୍ତା ଓ ବ୍ରିଜର କାର୍ଯ୍ଯ ଖୁବଶୀଘ୍ର ସମାପନ କରିବା ପାଇଁ ନିର୍ଦେଶ ଦେଇଥିଲେ। ଜନସ୍ବାସ୍ଥ୍ଯ ବିଭାଗର ମୂଖ୍ଯଯନ୍ତ୍ରୀଙ୍କୁ ବଲାଙ୍ଗିର ସହରରେ ପାନୀୟଜଳ ଯୋଗାଣ ବିଷୟରେ ଆଲୋଚନା କରି ବଲାଙ୍ଗିର ଆରଆର କଲୋନୀରେ ଶିଘ୍ର ଜଳଯୋଗାଣ ପାଇଁ ନିର୍ଦ୍ଦେଶ ଦେଇଥିବା ବେଳେ ପୁର୍ବ ସରକାରଙ୍କ ଦ୍ବାରା ଆସିଥିବା ଅନୁଦାନର ସଠିକ ରୂପାୟନ କରିବାକୁ ପରାମର୍ଶ ଦେଇଥିଲେ। କ୍ଷୁଦ୍ର ଜଳସେଚନ ବିଭାଗକୁ ବଲାଙ୍ଗିର ସଦର ବ୍ଲକ ଓ ଦେଓଗାଁ ବ୍ଲକ ଅନ୍ତର୍ଗତ ବିଭିନ୍ନ ପ୍ରକଳ୍ପର ଉନ୍ନତିକରଣ ପାଇଁ ପ୍ରସ୍ତାବ ଦେଇଥିବା ବେଳେ ବଲାଙ୍ଗିର ସହରରେ ଥିବା କ୍ଷୁଦ୍ର ଜଳସେଚନ ବିଭାଗ ଅଧିନସ୍ଥ ଡ୍ରେନେଜ ବ୍ଯବସ୍ଥାର ସୁଧାର ପାଇଁ ପଦକ୍ଷେପ ନିଆଯାଇଥିବା ସୂଚନା ଦେଇଥିଲେ। ବଲାଙ୍ଗିରର ଐତିହାସିକ ସମଲେଶ୍ବରୀ ମନ୍ଦିରର ଉନ୍ନତିକରଣ କାର୍ଯ୍ଯ ଶିଘ୍ର କାର୍ଯ୍ଯ ତ୍ବରାନ୍ବିତ କରିବାକୁ ନିର୍ଦ୍ଦେଶ ଦେଇଥିବା ବେଳେ ଗୋପାଲଜୀ ମନ୍ଦିରର କାର୍ଯ୍ଯ ସମାପନ ପାଇଁ ନିର୍ଦ୍ଦେଶ ଦେଇଥିଲେ। ବଲାଙ୍ଗିର ସହର ଲକ୍ଷ୍ମୀ ନାରାୟଣ ମନ୍ଦିରର

ଉନ୍ନତିକରଣ ସହିତ ତାର କମିଟିର ପୁନର୍ଗଠନ କରିବାକୁ ଅତିରିକ୍ତ ଜିଲ୍ଲାପାଳଙ୍କୁ ପରାମର୍ଶ ଦେଇଥିଲେ। କଳାମଣ୍ଡପ ପଡିଆର ଉନ୍ନତିକରଣ କାର୍ଯ୍ଯ ବିଷୟରେ ତଦାରଖ କରି କଲାମଣ୍ଡପର କମିଟି ଓ ତାର ଆର୍ଥିକ ସ୍ଥିତିର ଅନୁଧ୍ୟାନ କରିଥିଲେ। ଏହି ବୈଠକରେ ବଲାଙ୍ଗିର ତହସିଲଦାରଙ୍କ ସହିତ ବଲାଙ୍ଗୀରର ଭୁମୀହିନ ଗରିବ ଖଟିଖିଆ ମଜୁରିଆଙ୍କ ପାଇଁ ଏଲଆରସି ବ୍ଯବସ୍ଥାର କାହିଁକି କରାଯାଉ ନାହିଁ ? ବୋଲି ପ୍ରଶ୍ନ ରେ ସରକାର ଏବେ ଏ ବ୍ଯବସ୍ଥା ବନ୍ଦ କରିଥିବା ସୂଚନା ଦେଇଥିଲେ ତହସିଲଦାର।  ପରପରେ ବଲାଙ୍ଗିର ପୁରାତନ କଲ୍ୟାଣ ମଣ୍ଡପର ସ୍ଥିତି ଅନୁଧ୍ୟାନ କରି ପୁନରୁଦ୍ଧାର କରିବାକୁ ନିର୍ଦ୍ଦେଶ ଦେଇଛନ୍ତି ।