02-Oct-2025

ବରପାଲି (ସୁଦାମ ଦୀପ)
ବରଗଡ ଜିଲ୍ଲା ଅନ୍ତର୍ଗତ ବରପାଲି ଜଗନ୍ନାଥ ନଗର ଦୁର୍ଗାପୂଜା ସୁବର୍ଣ୍ଣ ଜୟନ୍ତୀ ମହୋତ୍ସବର ମହାନବମୀ  ଦିବସରେ ମାଆଙ୍କ ଷୋଡଶୋପଚାର ପୂଜା ସହ ସର୍ବ ଦେବlଦେବୀ ପୂଜା ଏଵଂ  କୁମାରୀ କନ୍ୟା ପୂଜା ସମ୍ପନ୍ନ ହୋଇଯାଇଛି। ନବ କୁମାରୀ କନ୍ୟାମାନଙ୍କୁ ଏକ ଶୋଭାଯାତ୍ରାରେ ମାଆମାନେ ପୂଜା ମଣ୍ଡପକୁ ପହଞ୍ଚାଇଥିଲେ। ମୂଖ୍ୟ ପୂଜକ ନରେନ୍ଦ୍ର ହୋତାଙ୍କ ପୌରାହିତ୍ୟରେ କନ୍ୟାପୂଜା ବିଧି ଅନୁଷ୍ଠିତ ହେlଇଥିଲା। ଅପରାହ୍ନରେ ବରଗଡର ପୂର୍ବତନ ବିଧାୟକ ଦେବେଶ ଆଚାର୍ଯ୍ୟ ଓ ଭଟଲିର ପୂର୍ବତନ ମନ୍ତ୍ରୀ ସୁଶାନ୍ତ ସିଂ ଅତିଥି ଭାବେ ଯୋଗ ଦେଇଥିଲେ। ପୂଜା କମିଟିର ସମସ୍ତ ସଭ୍ୟ ପୂଜା ମଣ୍ଡପଠାରେ ଉପସ୍ଥିତ ରହି  ସ୍ବାଗତ କରିଥିଲେ। ପରେ କମିଟି ମୁଖ୍ୟ ପ୍ରଦୁମ୍ନ ତ୍ରିପାଠୀ, ସାଧାରଣ ସମ୍ପାଦକ ଯଦୁମଣି ତ୍ରିପାଠୀ ଉପଢ଼ୌକନ ଦେଇ ସମ୍ମାନିତ କରିଥିଲେ। ଏଥିରେ ଦୁର୍ଗା ପୂଜା କମିଟିର ସମସ୍ତ ସଭ୍ୟ ଉପସ୍ଥିତ ଥିଲେ। ସନ୍ଧ୍ୟାରେ ମନୋରଞ୍ଜନ କାର୍ଯ୍ୟକ୍ରମରେ ସମ୍ବଲପୁରୀ କମେଡି କିଙ୍ଗ୍‌ ଯୋଗେଶ ଜୋଜୋ ଦର୍ଶକଙ୍କ ମନୋରଂଜନ କରିଥିଲେ। ଏଥିରେ ସହସ୍ରlଧିକ ଲୋକଙ୍କ ସମାବେଶ ହୋଇଥିଲା। ମାଆଙ୍କ ଦର୍ଶନ ପାଇଁ ସନ୍ଧ୍ୟାରେ ଝିପିଝିପି ବର୍ଷା ସତ୍ତ୍ୱେ ପ୍ରବଳ ଜନଗହଳି ଦେଖିବାକୁ ମିଳିଥିଲା। ଭକ୍ତଙ୍କ ପାଇଁ ଦୁଇବେଳା ଅନ୍ନ ପ୍ରସାଦର ବ୍ୟବସ୍ଥା କରାଯାଇଥିଲା। ସ୍ଥାନୀୟ ପୋଲିସର ସଜାଗତା ଯୋଗୁଁ ଦୁର୍ଗତିନାଶିନୀ ମାଆ ଦୂର୍ଗାଙ୍କ ମହାନବମୀ ପୂଜା ଶାନ୍ତିଶୃଙ୍ଖଳା ସହ ସମାପିତ ହୋଇଥିଲା।