29-Sep-2025

ପାଟଣାଗଡ଼(ପ୍ରେରଣା ଖବର):  କୋସଲି ବାଲ୍ମୀକି ଇନ୍ଦ୍ରମଣି ସାହୁ ଙ୍କ ଜନ୍ମ ଦିନ ଅବସରରେ ଏକ ସ୍ମୃତି ସଭା ପାଟଣାଗଡ଼ ବାବଜିପଡ଼ା ଠାରେ ଅନୁଷ୍ଠିତ ହୋଇଯାଇଛି । ଆଜିର କାର୍ଯ୍ୟକ୍ରମକୁ କବି ଖୀରୋଦ୍ର କୁମାର ସାହୁ ସଂଯୋଜନା କରିଥିଲେ।  କାର୍ଯ୍ୟକ୍ରମର ଆରମ୍ଭରେ ଇନ୍ଦ୍ରମଣି ସାହୁଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା। ସାହିତ୍ୟ ଅନୁଷ୍ଠାନ କୋସଲି ଡେରା ତରଫରୁ ଆୟୋଜିତ କାର୍ଯ୍ୟକ୍ରମ ରେ ଭକ୍ତବନ୍ଧୁ ବିଶ୍ୱାଲ୍ ସଭାପତିତ୍ବ କରିଥିବାବେଳେ ଚଙ୍ଗରିଆ ସରପଞ୍ଚ ଶ୍ରୀଯୁକ୍ତ ସୁଶିଲ କୁମାର ଗୁରୁ ମୁଖ୍ୟ ଅତିଥି ଭାବରେ ଯୋଗଦେଇ କୋସଲି  ଭାଷା ପ୍ରତି ଇନ୍ଦ୍ରମଣି ସାହୁଙ୍କ ଅବଦାନ ସମ୍ପର୍କରେ ଆଲୋଚନା କରିଥିଲେ। କବି ଶାନ୍ତନୁ କୁମାର ବୁଧିଆ ଓ ବାର ଆସୋସିଏସନ୍ ଉପ ସଭାପତି ସୁବାସ ଚନ୍ଦ୍ର ଆଚାର୍ଯ୍ୟ କବିଙ୍କ ସାହିତ୍ୟ କୃତି ସମ୍ପର୍କରେ ଆଲୋକପାତ କରିଥିଲେ। ଆସନ୍ତା ଅକ୍ଟୋବର ୧୨ ତାରିଖ ଦିନ ମା ପାଟନେଶ୍ୱରୀ ଉଚ୍ଚ ମାଧ୍ୟମିକ ବିଦ୍ୟାଳୟଠାର  ରାଜ୍ୟସ୍ତରୀୟ ଜୟନ୍ତୀ ପାଲନ କରିବାକୁ ଏ ଅବସରରେ ସ୍ଥିର କରାଯାଇଥିଲା। ଶେଷରେ ସମ୍ପାଦକ ଲାଳଚନ ବଗର୍ତ୍ତି ଧନ୍ୟବାଦ୍ ପ୍ରଦାନ କରିଥିଲେ।