29-Sep-2025

ବଲାଙ୍ଗୀର(ପ୍ରେରଣା ଖବର): ଚଳିତବର୍ଷର ଓଡିଶା ସିଭିଲସର୍ଭିସ ପରୀକ୍ଷାରେ ବଲାଙ୍ଗୀର ସହରର ଶିବମସ୍ୱରୂପ ମହାନ୍ତି ସଫଳ ହୋଇଛନ୍ତି । ସେ ୧୩୬ ନମ୍ବର ର‌୍ୟାଙ୍କରେ ରହି ଏହି ସଫଳତା ହାସଲ କରିଛନ୍ତି । ବଲାଙ୍ଗୀର ସହରର ଜଣାଶୁଣା ବ୍ୟକ୍ତି ସମବାୟ ବ୍ୟାଙ୍କର ଅବସରପ୍ରାପ୍ତ ଏଜିଏମ ଜୟନ୍ତକୁମାର ମହାନ୍ତି (ଚାଇନା ମହାନ୍ତି) ଓ ଜ୍ୟୋତ୍ସ୍ନାମୟୀ ମହାନ୍ତିଙ୍କ ସାନପୁଅ ଶିବମସ୍ୱରୂପ ବଲାଙ୍ଗୀର ପବ୍ଲିକସ୍କୁଲରୁ ମାଟ୍ରିକ,ରାଜେନ୍ଦ୍ର କଲେଜରୁ ଯୁକ୍ତଦୁଇ ବାଣିଜ୍ୟ ଓ କଲିକତା ଇଣ୍ଡିଏନ ଇନଷ୍ଟିଚ୍ୟୁଟ ଅଫ ହୋଟେଲମେନେଜମେଣ୍ଟରୁ ବେଚଲର ଅଫ ସାଇନ୍ସ(ହସପିଟାଲିଟି ଏଣ୍ଡ ହୋଟେଲ ଏଡମିନିଷ୍ଟ୍ରେସନ)ରେ ଡିଗ୍ରୀହାସଲପରେ ଓସିଏସ ପରୀକ୍ଷା ପାଇଁ ପ୍ରସ୍ତୁତ ହେଉଥିଲେ । ଗତ ୨ବର୍ଷର ପ୍ରଚେଷ୍ଟାରେ ସେ ୧୩୬ ନମ୍ବର ର‌୍ୟାଙ୍କରେ ରହି ବଲାଙ୍ଗୀର ପାଇଁ ସେ ଗୌରବ ଆଣିଦେଇଛନ୍ତି । ତାଙ୍କର ଏହି ସଫଳତାରେ ବିଭିନ୍ନ ମହଲରୁ ତାଙ୍କୁ ଓ ତାଙ୍କ ବାପା ମାଆଙ୍କୁ ଶୁଭେଚ୍ଛାର ସୁଅ ଛୁଟୁଛି ।