29-Sep-2025

ବୀରମହାରାଜପୁର, (ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବସ୍‌ଷ୍ଟାଣ୍ଡ୍‌ରେ ହେବାକୁ ଥିବା ୨୬ତମ ଦୁର୍ଗା ପୂଜା ପାଇଁ କଳସ ଶୋଭାଯାତ୍ରା ଅନୁଷ୍ଠିତହୋଇଯାଇଛି। ସ୍ଥାନୀୟ ରଜାବନ୍ଧରୁ ଆରମ୍ଭ ହୋଇଥିବା କଳସ ଶୋଭାଯାତ୍ରା ଅବସରରେ ସଙ୍କୀର୍ତ୍ତନ ପରିବେଷଣ କରାଯାଇଥିଲା ଗିରିଜା ଶଙ୍କର ପଣ୍ଡା ଓ ଶ୍ରଦ୍ଧାଞ୍ଜଳି ପଣ୍ଡା କତ୍ତା ଦାୟିତ୍ଵ ତୁଳାଇଥିଲେ । ସୋମବାର ମହାସପ୍ତମୀ ପୂଜା ଓ ଚଣ୍ଡୀପାଠ, ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ, ମଙ୍ଗଳବାର ମହାଅଷ୍ଟମୀରେ ସନ୍ଧିପୂଜା, ଚଣ୍ଡିପାଠ ଓ ସାଂସ୍କୃତିକ କାର୍ଯ୍ୟକ୍ରମ, ବୁଧବାର ମହାନବମୀରେ ସନ୍ଧିପୂଜା, ଭୀମ ଭୋଇ କଳା ନିକେତନ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ, ଗୁରୁବାର ବିଜୟା ଦଶମୀ ଓ ଦଶହରା, ସକାଳେ ଜ୍ୟୋସ୍ନାରାଣୀ ଦୀକ୍ଷିତ ଓ ବର୍ଷରାଣୀ ବହିଦାରଙ୍କ ଦ୍ବାରା ସୁନ୍ଦରାକାଣ୍ଡ ପାରାୟଣ ଓ ସନ୍ଧ୍ୟାରେ ଚମ୍ପାମାଳ ରଘୁନାଥ ନାଟ୍ଯ ସଂସଦ ପକ୍ଷରୁ ନାଟକ ରାବଣ ବଧ ମଞ୍ଚସ୍କ ହେବ । ଶୁକ୍ରବାର ଇଷାଣୀ ଉତ୍ସବରେ ବାଡ଼ିନାଚ, ଘଣ୍ଟବାଦ୍ୟ ଓ ଦୁଇଦୁଲି ବାଜା ଆଦି ସାମିଲ କରାଯିବ ବୋଲି ଜଣାପଡ଼ିଛି ପୂଜା କମିଟି ସଭାପତି ଆଇନଜୀବୀ ବିଷ୍ଣୁଚରଣ ପଣ୍ଡା, ଉପସଭାପତି ମନୋଜ ଦାଶ, ସମ୍ପାଦକ ପ୍ରାଣବନ୍ଧୁ ଦେହୁରୀ ଓ ନାରାୟଣ ବେହେରା, ସତ୍ୟନାରାୟଣ ପଣ୍ଡା, ସରୋଜ ମିଶ୍ର, ସତ୍ୟ ମେହେର, ବାବୁଲୁ ଅଗ୍ରୱାଲ, ଅଜିତ୍ ଦାଶ, ଉମାଶଙ୍କର ପୂଜାହାରୀ, ସୁନୀଲ ମହାପାତ୍ର ପ୍ରମୁଖ ବିଭିନ୍ନ ସଦସ୍ୟ କାର୍ଯ୍ୟକ୍ରମ ପରିଚାଳନା କରୁଥିବା ଜଣାପଡ଼ିଛି ।