26-Sep-2025

କଣ୍ଟାମାଳ(ଜୟକୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଋଣ୍ଡିମହୁଲ ପଂଚାୟତ ଅନ୍ତର୍ଗତ ବାଲିଯୋରୀ ଖେଳ ପଡିଆ ଠାରେ  ତୃତୀୟ ବାର୍ଷିକ ଅଏଁଲା ବରା ଯାତ୍ରା  ଉଦଘାଟିତ ହୋଇଯାଇଛି  l ବାଲିଯୋରୀ ଗ୍ରାମ ବାସୀଙ୍କ ଦ୍ୱାରା ଆୟୋଜିତ ଉକ୍ତ ଯାତ୍ରାରେ ବଉଳି କଳା ପରିଷଦ ଓ  ଗ୍ରାମାଞ୍ଚଳର କୁନିକୁନି କଳାକାରଙ୍କ ଦ୍ୱାରା  ସଂଗୀତର ସୁମଧୁର ଧୁନ ଓ ନୃତ୍ୟର ତାଳକୁ ବହୁ ସଂଖ୍ୟାରେ ଦର୍ଶକ ମନଭରି ଉପଭୋଗ କରିଥିଲେ l ଯାତ୍ରା ର ସଭାପତି ସତ୍ୟା ନନ୍ଦ ବିଶ୍ୱାଳ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦ୍ଘାଟନୀ ସଭାରେ ମୁଖ୍ୟଅତିଥି ଭାବେ ଋଣ୍ଡିମହୁଲ ସରପଞ୍ଚ ପଞ୍ଚାନନ ସାହୁ ଯୋଗଦେଇ ଶୁଭ

ଉଦଘାଟନ କରିଥିଲେ  l  ସମ୍ମାନିତ ଅତିଥିଭାବେ କନ୍ଧମାଳ ସାଂସଦ ଙ୍କ କଣ୍ଟାମାଳ ବ୍ଲକ ପ୍ରତିନିଧି ଦୀପକ ବାରିକ, ଋଣ୍ଡିମହୁଲ ପଂଚାୟତ ର ସମିତିସଭ୍ୟ ଲିଙ୍ଗ ରାଜ ଦନ୍ତା,ସରକାରୀ ଓକିଲ ରାଧାବଲ୍ଲଵ ପ୍ରଧାନ, ଋଣ୍ଡିମହୁଲ ପେକ୍ସ ର ସଭାପତି ସୁଧୀର କୁମାର ଖଟୁଆ, ବିଜେପିନେତା ସୁଶୀଲ ପୁରୋହିତ, ଅନିଲ ପ୍ରଧାନ,ଯୁବ ବିଜେପି ନେତା ସିପୁନ ସାହୁ,କଂଗ୍ରେସ ନେତା ନିବାସ ବାରିକ, କେନ୍ଦୁପତ୍ର ବିଭାଗ ର ଚେକର ବଳରାମ ଭୋଇ ଯୋଗ ଦେଇ ଆୟୋଜିତ ଅଏଁଲା ବରା ଯାତ୍ରା ର ଆୟୋଜନ କୁନେଇ ଭୁୟସୀ ପ୍ରଶଂସା କରିଥିଲେ  l   ବାଲିଯୋରୀ ବିଦ୍ୟାଳୟର ପ୍ରଧାନ ଶିକ୍ଷକ ଉଦ୍ଧବ ମହାଳିକ, ସଭା ଓ ସାଂସ୍କୃତିକ ମଞ୍ଚ ପରିଚାଳନା କରିଥିଲେ  l