27-Sep-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ତୁଷୁରା ସହରର ପୂର୍ବତନ ମାରୱାଡି ସମ୍ମିଳନୀର ଅଧ୍ୟକ୍ଷ ଓ ବିଶିଷ୍ଠ ଶିଳ୍ପପତି ଗିରିଧାରିଲାଲ କେଡିଆଙ୍କ ୮୪ବର୍ଷ ବୟସରେ ପରଲୋକ ହୋଇ ଯାଇଛି। ସେ ଏକାଧାରରେ ତୁଷୁରା ସହରର ଇଷ୍ଟ ଦେବୀ ମାଁ ସମଲେଶ୍ଵରୀଙ୍କ ମନ୍ଦିର ନିର୍ମାଣ କମିଟିର ଅଧ୍ୟକ୍ଷ, ତୁଷୁରା ସରସ୍ଵତୀ ଶିଶୁ ବିଦ୍ୟାମନ୍ଦିର ପରିଚାଳନା କମିଟିର ଅଧ୍ୟକ୍ଷ, ଅଗ୍ରସେନ ଭବନ ପରିଚାଳନା କମିଟିର ଅଧ୍ୟକ୍ଷ, ରାମ ମନ୍ଦିର ଓ ମାଁ ଗାୟତ୍ରୀ ଶକ୍ତିପୀଠ ପରିଚାଳନା କମିଟିର ଅଧ୍ୟକ୍ଷ ଭାବରେ ବହୁ ଥର ରହିଥିବା ବେଳେ ଆଖପାଖ ଅଞ୍ଚଳର ବହୁ ସଂଗଠନ ସହ ଜଡିତ ରହି ଅଞ୍ଚଳର ସାମାଜିକ, ଧାର୍ମିକ ଓ ଶୈକ୍ଷିକ ଉନ୍ନତି ପାଇଁ କାର୍ଯ୍ଯ କରୁଥିଲେ। ସେ ତା୨୫.୦୨.୧୯୪୨ ମସିହାରେ କେଡିଆ ପରିବାରରେ ଜନ୍ମ ଗ୍ରହଣ କରିଥିଲେ। କିଛି ଦିନ ତଳେ କେଡିଆଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ହେବାରୁ ତାଙ୍କୁ ବମ୍ବେର ଲିଲାବତି ହସ୍ପିଟାଲରେ ଚିକିତ୍ସା କରା ଯାଉଥିଲା। ଗୁରୁବାର ବିଳମ୍ବିତ ରାତ୍ରୀରେ ଡାକ୍ତର ମାନେ ତାଙ୍କୁ ମୃତ ଘୋଷଣା କରିଥିଲେ। ଶୁକ୍ରବାର ତାଙ୍କର ପ୍ରାର୍ଥୀବ ଶରୀରକୁ ତୁଷୁରା ସହର ସ୍ଥିତ ନିଜ ବାସଗୃହକୁ ଅଣାଯିବା ପରେ ବନ୍ଧୁ ପରିଜନ, ବୁଦ୍ଧିଜିବୀ ତଥା ଶୁଭେଚ୍ଛୁ ବୃନ୍ଦ ତାଙ୍କର ଶେଷ ଦର୍ଶନ କରିଥିଲେ। ଆଜି ସ୍ଥାନୀୟ ସୋନଗଡ ନଦୀ ଠାରେ ଥିବା ମୁକ୍ତିଧାମରେ ଶେଷକୃତ ସମ୍ପନ୍ନ କରା ଯାଇଥିଲା। ତାଙ୍କର ବଡ ପୁଅ ଜୟଦୟାଲ କେଡିଆ ମୁଖାଗ୍ନି ଦେଇ ଥିଲେ। ତାଙ୍କର ୬ ପୁଅ ଓ ଗୋଟିଏ ଝିଅ ରହିଥିବା ବେଳେ ତାଙ୍କର ପୁଅ ଦୀନଦୟାଲ କେଡିଆ ଉତ୍କଳ ପ୍ରାଦେଶିକ ମାରୱାଡି ସମ୍ମିଳନର ଉପାଧ୍ୟକ୍ଷ ଓ ଶିବ ଦୟାଲ କେଡିଆ ଡାକ୍ତର ଥିବା ବେଳେ ପ୍ରେମ ଦୟାଲ କେଡ଼ିଆ, ଇଶ୍ବର ଦୟାଲ କେଡ଼ିଆ ଓ ଉଗତ ଦୟାଲ କେଡ଼ିଆ ପୁଅ ରହିଛନ୍ତି। 
ଉତ୍କଳ ପ୍ରାଦେଶିକ ମାରୱାଡ଼ି ସମ୍ମିଳନର ରାଜ୍ୟ ସଭାପତି ଦିନେଶ ଅଗ୍ରୱାଲ,ପ୍ରାଦେଶିକ ମାରୱାଡ଼ି ସମ୍ମିଳନ ପ୍ରାନ୍ତୀୟ ରାଜନୈତିକ ଚେୟାରମେନ ବିଷ୍ଣୁ ପ୍ରସାଦ କେଡିଆ, ପ୍ରାଦେଶିକ ମାରୱାଡ଼ି ସମ୍ମିଳନର କର୍ଣ୍ଣାଟକ ରାଜ୍ୟ ସଭାପତି ସୀତାରାମ ଅଗ୍ରୱାଲ,ବଲାଙ୍ଗୀର ଉତ୍କଳ ପ୍ରାଦେଶିକ ମାରୱାଡ଼ି ସମ୍ମିଳନ ସଭାପତି ସଂଜୟ ଅଗ୍ରୱାଲ (ଅନ୍ନୁ) ପ୍ରାନ୍ତୀୟ ମିଡ଼ିଆ ପ୍ରଭାରୀ ସାମ୍ୱାଦିକ ପୱନ ଅଗ୍ରୱାଲ , ଜୈନ ଶ୍ବେତାମ୍ବର ତେରାପନ୍ଥ ରାଜ୍ୟ ସଭାପତି ମନୋଜ ଜୈନ,ବଲାଙ୍ଗୀର ବଣିକ ସଂଘର ସଭାପତି ପରେଶ ମେହେର, ବିଶିଷ୍ଟ ଶିକ୍ଷାବିତ୍ ଶେଷଦେବ ପଟ୍ଟନାୟକ, ଡା.ଆକାଶ ଜୈନ, ଜୈନ ସ୍ବେତାମ୍ବର ତେରାପନ୍ଥ ସଭାର ମିଡିଆ ପ୍ରଭାରୀ ମନୋଜ କୁମାର ଜୈନ ପ୍ରମୁଖ ଉପସ୍ଥିତ ରହିଥିବା ଟିଟିଲାଗଡ ବିଧାୟକ ନବୀନ ଜୈନ, ପୂର୍ବତନ ମନ୍ତ୍ରୀ ଟୁକୁନୀ ସାହୁ, ପୂର୍ବତନ ଜୈନ ସ୍ବେତାମ୍ବର ତେରାପନ୍ଥ ସଭାର ରାଜ୍ୟ ସଭାପତି ମୁକେଶ ଜୈନ, ପୂର୍ବତନ କେନ୍ଦ୍ର ସମବାୟ ବ୍ୟାଙ୍କ ନିଦ୍ଦେର୍ଶକ ଅଶୋକ ଚନ୍ଦ୍ର ଦୋରା, ତୁଷୁରା ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଳ, ଆଶୁ କବି ଡା.ହେମନ୍ତ ଦାସ ଆଦି ବହୁ ଗଣମାନ୍ୟ ବ୍ୟକ୍ତି ଗଭୀର ଶୋକ ପ୍ରକାଶ କରିଛନ୍ତି।