26-Sep-2025

ବଲାଙ୍ଗୀର ଜିଲ୍ଲା ସିନ୍ଧେକେଲା ପଲ୍ଲିଶ୍ରୀ ନୋଡାଲ ହାଇସ୍କୁଲ ଖେଳପଡ଼ିଆ ଠାରେ ଜିଲ୍ଲା ବିଦ୍ୟାଳୟ ସମୂହ ୧୪ ଓ ୧୭ ବର୍ଷରୁ କମ୍ ବାଳକ ବାଳିକା ବିଭାଗର ଖୋ-ଖୋ ପ୍ରତିଯୋଗିତା ଉଦଘାଟିତ ହୋଇଯାଇଛି। ଉଦଘାଟନୀ ସଭାରେ ବଙ୍ଗୋମୁଣ୍ଡା ବିଇଓ ବୈକୁଣ୍ଠ ଶବରଙ୍କ ସଭାପତିତ୍ବରେ ମୁଖ୍ୟ ଅତିଥି ଭାବେ ବଲାଙ୍ଗୀର ଅତିରିକ୍ତ ଜିଲ୍ଲା ଶିକ୍ଷାଧିକାରୀ ପ୍ରବୀର ପଣ୍ଡା, ସମ୍ମାନିତ ଅତିଥି ଭାବେ ଲୋକସଭା ସାଂସଦ ପ୍ରତିନିଧି ଅନିଲ ନାଏକ, ଆଲୁମିନି ସଭାପତି ନରେଶ ଜୈନ,ଜିଲ୍ଲା ଶାରୀରିକ ଶିକ୍ଷା ଅଧିକାରୀ ପ୍ରଦୀପ ପାତ୍ର,ସ୍ଥାନୀୟ କଲେଜ ଅଧ୍ୟକ୍ଷ ପ୍ରମୋଦ ରଥ,ପ୍ରଧାନ ଶିକ୍ଷକ ପଙ୍କଜ ମେହେର, ପ୍ରଧାନଶିକ୍ଷକ ଲୋକନାଥ ମେହେର ,ଏବଂ ପ୍ରତିଯୋଗିତାର ପର୍ଯ୍ୟବେକ୍ଷକ ପଦ୍ମଚରଣ ଦାସ ସମ୍ମାନିତ ଅତିଥି ଭାବେ ମଞ୍ଚାସୀନ ଥିଲେ। ବରିଷ୍ଠ ଶାରୀରିକ ଶିକ୍ଷା ଶିକ୍ଷକ ହେମନ୍ତ ପ୍ରଧାନ ମଞ୍ଚ ପରିଚାଳନା କରିଥିବା ବେଳେ ଶିକ୍ଷକ ସମର କୁମାର ଜେନା ଧନ୍ୟବାଦ ଦେଇଥିଲେ l ଏହି ତିନିଦିନିଆ ପ୍ରତିଯୋଗିତାରେ ଚଉଦ ଗୋଟି ବ୍ଲକ ରୁ ୧୨ ଗୋଟି ବ୍ଲକର ୨୭୪ଜଣ ବାଳିକା ଓ ୨୮୬ଜଣ ବାଳକ ସର୍ବମୋଟ ୫୬୦ଜଣ ପ୍ରତିଯୋଗୀ ଅଂଶଗ୍ରହଣ କରିଛନ୍ତି । ସୂଚନାନୁସାରେ ଏହି ପ୍ରତିଯୋଗିତାରୁ ଚୟନ ଖେଳାଳିମାନେ କେନ୍ଦୁଝରଠାରେ ଅନୁଷ୍ଠିତ ରାଜ୍ୟସ୍ତରୀୟ ପ୍ରତିଯୋଗୀତାରେ ଅଂଶଗ୍ରହଣ କରିବେ। କନଭେନର ଭାବରେ ସୁଶାନ୍ତ ନାଗ, ଯୁବରାଜ ମେହେର, ଚନ୍ଦ୍ରଶେଖର ମେହେର, କୁବେର ଲାଲ ବେହେରା ଖେଳ ପରିଚାଳନା କରିଥିଲେ । ପ୍ରଧାନଶିକ୍ଷକ ସୁଧାଂଶୁ ଶେଖର ରାଉତ ରାୟ ,ଗଣପତି ସାହୁ, ଅରୁଣ ବାରିକ, ଅନୁପ ବାଗ , ସନ୍ତୋଷ ମିଶ୍ର , କ୍ରୀଡ଼ା ଶିକ୍ଷକ ସୌମ୍ୟ ରଞ୍ଜନ ପାଣିଗ୍ରାହୀ , ଆଶିଷ ଦେବ ସା, ଆଶୀର୍ବାଦ ସା ,ରଞ୍ଜିତ ବଗର୍ତ୍ତି, ଶୁଭେନ୍ଦ୍ର ମହାନ୍ତି, ବିନୋଦ ମହାପାତ୍ର, ଗୋପାଲ ଦୀପ,ଲିଙ୍ଗରାଜ ମେହେର, ଶଶାଙ୍କ ଶେଖର ଦାସ ଯାଦବ,ଶିକ୍ଷୟିତ୍ରୀ ରଂଜିତା ମିଶ୍ର,ମଞ୍ଜରୀ ନନ୍ଦ,ଅସ୍ମିତା ନାଏକ,ନଳିନୀପ୍ରଭା ତାଣ୍ଡିଆ,

ଡୋଳେଶ୍ୱରୀ ଷଡ଼ଙ୍ଗୀ ଓ ବଙ୍ଗୋମୁଣ୍ଡା ବ୍ଲକର ସମସ୍ତ କ୍ରୀଡ଼ା ଶିକ୍ଷକ ଓ ସ୍ଥାନୀୟ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ପ୍ରମୁଖ ସହଯୋଗ କରିଥିଲେ । ଏଥିରେ ୧୪ ବର୍ଷରୁ କମ୍ ବାଳକ ମାନଙ୍କ ମଧ୍ୟରେ ଫାଇନାଲକୁ ବଙ୍ଗୋମୁଣ୍ଡା, ବଲାଙ୍ଗୀର , ବାଳିକା ୧୪ ବର୍ଷରୁ କମ୍ ରେ ମୁରିବାହାଳ ଓ ଲୋଇସିଂହା ସେହିପରି ଭାବେ ୧୭ ବର୍ଷରୁ କମ୍ ବାଳକ ମାନଙ୍କ ମଧ୍ୟରେ ଲୋଇସିଂହା ବାଳିକା ମାନଙ୍କ ମଧ୍ୟରେ ବଲାଙ୍ଗୀର ଓ ମୁରିବାହାଲ ଫାଇନାଲକୁ ଉତ୍ତୀର୍ଣ୍ଣ ହୋଇଛନ୍ତି। ଶୁକ୍ରବାର ଫାଇନାଲ ଖେଳ ହେବ।