26-Sep-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ବାନ୍ଧଗୋରା ସ୍ଥିତ ବାବା ଧବଳେଶ୍ୱର କଲ୍ୟାଣ ମଣ୍ଡପ ଠାରେ ମାତୃଶକ୍ତି କୃଷକ ଉତ୍ପାଦନ କମ୍ପାନୀର ପଞ୍ଚମ ବାର୍ଷିକ ସାଧାରଣ ସଭା ଅନୁଷ୍ଠିତ ହୋଇ ଯାଇଛି | ଏହି ସଭାରେ ବୌଦ୍ଧ ଉଦ୍ୟାନ କୃଷି ବିଭାଗର ଉପ ନିର୍ଦେଶକ ଯୋଗେନ୍ଦ୍ରନାଥ ମହାପାତ୍ର, ଜିଲ୍ଲା କୃଷି ଅଧିକାରୀ ଭେଙ୍କଟ ରମଣ ରାଓ, ଉପ ମତ୍ସ୍ୟ ଅଧିକାରୀ ଅଭିଳାଷ ପଣ୍ଡା,  ବୌଦ୍ଧ କୃଷି ବିଜ୍ଞାନ ଜେନ୍ଦ୍ରର ମୟୂରୀ ସିଂ ସରଦାର, ପ୍ରାଣୀଧନ ନିରୀକ୍ଷକ ଯାଜ୍ଞ ସିନି ପ୍ରଧାନ, ଓଡିଶା ଜୀବିକା ମିଶନର କଣ୍ଟାମାଳ ବ୍ଲକ ସଂଯୋଜିକା ରାଧାରାଣୀ ନାଏକ ସହିତ କମ୍ପାନୀର ଡାଇରେକ୍ଟର ଚନ୍ଦ୍ରକାନ୍ତି ଚାଉଳିଆ, ଦୁହିତା ମନହିରା, ପ୍ରମୁଖ ଯୋଗ ଦେଇଥିଲେ |

ପ୍ରୋଗ୍ରାମ ମ୍ୟାନେଜର ପୂର୍ଣଚନ୍ଦ୍ର ଖଟୁଆ ସ୍ୱାଗତ ସମ୍ବର୍ଦ୍ଧନା କରିବା ସହ ସଭା ପରିଚାଳନା କରିଥିଲେ | କମ୍ପାନୀ ସଭାପତି ଚନ୍ଦ୍ରକାନ୍ତି ଚାଉଳିଆ କମ୍ପାନୀ ବିଷୟରେ ସଂକ୍ଷିପ୍ତ ବିବରଣୀ ପ୍ରଦାନ କରିଥିବା ବେଳେ ହିସାବ ରକ୍ଷକ ତୋଫାନ ମେହେର ବାର୍ଷିକ ଆୟ ବ୍ୟୟର ବିବରଣୀ ପଠନ କରିଥିଲେ | ଉକ୍ତ ସଭାରେ ବାର୍ଷିକ ଯୋଜନା ଉପସ୍ଥାପନା, ସକ୍ରିୟ ସଦସ୍ୟ ଚୟନ କରାଯାଇ ଆର୍ଥିକ ବର୍ଷରେ ସଫଳତାର ସହ ଚାଷ, ବ୍ୟବସାୟ ଇତ୍ପାଦନ ବୃଦ୍ଧି ସହ କମ୍ପାନୀର ବିକାଶରେ ସହଯୋଗ କରିଥିବା ସ୍ୱୟଂ ସହାୟକ ଗୋଷ୍ଠୀ, କୃଷି ଉଦ୍ୟୋଗୀ ଓ ଚାଷୀଙ୍କୁ ମାନପତ୍ର ଦେଇ ସମ୍ମାନିତ କରାଯାଇଥିଲା | ଶୁଭ୍ରାଂଶୁ ସାହୁ, ଅନିଲ ବେହେରା, ସୌମ୍ୟ ରଞ୍ଜନ ବିଶ୍ୱାଳ ସହିତ ମାତୃଶକ୍ତି କମ୍ପାନୀ ଓ କୃଷି ଉତ୍ପାଦକ କ୍ଲଷ୍ଟର ର ସମସ୍ତ କର୍ମକର୍ତ୍ତା ସହଯୋଗ କରିଥିଲେ | ଶେଷରେ ତୋଫାନ ମେହେର ଧନ୍ୟବାଦ ଅର୍ପଣ କରିଥିଲେ |