26-Sep-2025

ବୁଙ୍ଗୁରିପାଲି(ଅରବିନ୍ଦ ମିଶ୍ର)-ରାଜ୍ୟ ସିଆରପି ସଂଘର ଆହ୍ୱାନ କ୍ରମେ ବୁଙ୍ଗୁରିପାଲି ବ୍ଳକର ୧୩୦ଜଣ ସିଆରପି (କମ୍ୟୁନିଟି ରିସୋର୍ସ ପାରର୍ସନ) ବ୍ଲକ ମିଶନ ଶକ୍ତି କାର୍ଯ୍ୟାଳୟ ସମ୍ମୁଖରେ ହାତ ରେ ବିଭିନ୍ନ ପ୍ଲାକାର୍ଡ ଧରି ଧାରଣା ଦେଇ ଆସୁଛନ୍ତି । ଗତ ୨୨ ତାରିଖରୁ ଦାବୀ ପୁରଣ ପାଇଁ ଧାରଣା ଦେଇ ଆସୁଥିଲେ ମଧ୍ୟ ତାଙ୍କ ଦାବି କୁ କେହି ଶୁଣୁନଥିବା ଧାରଣାରତ ସିଆରପିମାନେ ପ୍ରକାଶ କରିଛନ୍ତି । ଆଜି ମଧ୍ୟ ପିଲାଛୁଆଙ୍କୁ ଧରି କାଯ୍ୟାଳୟ ସମ୍ମୁଖରେ ଏମାନଙ୍କ ଧାରଣା ମଶିଷର ମନକୁ ଦୋହଲଲାଇ ଦେବାଭଳି ଚିତ୍ର ଦେଖୁବାକୁ ମିଳେ । ଗତ ସରକାରଙ୍କ ସମୟରେ ଗାଁମାନଙ୍କରେ ଏସଏଚଳି ଗୃପର ବିଭିନ୍ନ ପ୍ରକାରର କାମରେ ସହ ଯୋଗ କରିବା ପାଇଁ ପ୍ରତ୍ୟେକ ଗ୍ରାମରେ ୧୦ଟି ଏସଏଚଜିକୁ ନେଇ ଜଣେ ଲେଖାଏ ସିଆରପି ନିଯୁକ୍ତ କରିଥିଲେ । କିନ୍ତୁ ବର୍ତ୍ତମାନ ସରକାର ଗୋଟିଏ ଗାଁକୁ ଗୋଟିଏ ସିଆରପି ନିଯୁକ୍ତିକୁ ଏମାନେ ବିରୋଧ କରୁଛନ୍ତି । ସେମାନଙ୍କୁ ମାସିକ ୬ହଜାର ଶହେ ଟଙ୍କା ଲେଖାଏ ଦରମା ଧାଯ୍ୟ କରିଥିଲେ । କିନ୍ତୁ  ବର୍ତମାନ ସରକାର କାମ ଅନୁସାରେ ପାରିଶ୍ରମିକ ଦିଆଯିବାକୁ ଘୋଷଣା କରିଥିବାରୁ ଏହାକୁ ଏମାନେ ବିରୋଧ କରିଛନ୍ତି ।  ବିଭିନ୍ନ ଦାବୀ ମଧ୍ୟରେ ରହିଛି ପୂର୍ବପରି ଦରମା ବଜାୟ ରହୁ, ସ୍ଥାଇ ନିଯୁକ୍ତି, ଆକାଉ ପେ ଆକାରରେ ଦରମା ପ୍ରଦାନ, ପ୍ରୋପମନ୍ସ ବୋନସ ପ୍ରସାହନ ବନ୍ଦ କରିବା, ୬ମାସର ଦରମା ବକେୟା ଏକକାଳୀନ ପ୍ରଦାନ, କାଯ୍ୟ ଅନୁସାରେ ବନ୍ଧିତ ପାରିଶ୍ରମିକ ପ୍ରଦାନ ଓ ରାଜସ୍ୱ ଗ୍ରାମ ପ୍ରଶାହନ ବନ୍ଦ କରିବା ପାଇଁ ଅନିର୍ଦ୍ଦିଷ୍ଟ କାଳ ପଯ୍ୟନ୍ତ ଧାରଣା ଦିଆଯିବ ବୋଲି ପ୍ରକାଶ କରିଛନ୍ତି । ସିଆରପିମାନେ ରାମପୁର ତହସିଲଦର ବିମଳ ପାତ୍ର, ସ୍ଥାନୀୟ ବିଧାୟକ, ଡୁଙ୍ଗୁରିପାଲି ଥାନାଧିକାରୀ, ମିଶନ ଶକ୍ତିର ପୋଗ୍ରାମ ଅଫିସର, ଡୁଙ୍ଗୁରିପାଲି ଗୋଷ୍ଠୀ ଉନ୍ନୟନ ଅଧୁକାରୀ ଦିଲିପ କୁମାର ବାରା, ବ୍ଲକ ଉପାଧ୍ଯକ୍ଷ ମକରଧ୍ଵଜ ସାହୁଙ୍କୁ ବାଦୀ ଏବଂ ଧାରଣା ଉପରେ ଅବଗତ କରି ଦାବୀ ପୂରଣ ଦିଗରେ ଦୃଷ୍ଟି ଦେବାକୁ ଦାବୀ ପତ୍ରମାନ ପ୍ରଦାନ କରିଥିଲେ । ଦାବୀ ପୁରଣ ନ ହେବା ପର୍ଯ୍ୟନ୍ତ ଧାରଣା ଜାରୀ ରହିବ ବୋଲି ସିଆରପିମାନେ ପ୍ରକାଶ କରିଛନ୍ତି