20-Sep-2025

ଡୁଙ୍ଗୁରିପାଲି(ଅରବିନ୍ଦ ମିଶ୍ର)- ଡୁଙ୍ଗୁରିପାଲି ଥାନା ଅନ୍ତର୍ଗତ ଟୁନିଆମୁଣ୍ଡା ଗ୍ରାମରେ ଗତକାଲି ଏକ ବୃଦ୍ଧାଙ୍କୁ କବାଟରେ ଠେଲି ହତ୍ୟା କରାଯାଇଥିବା ଘଟଣା ଡୁଙ୍ଗୁରିପାଲି ଥାନାରେ ଅଭିଯୋଗ ହୋଇଥିଲା । ମିଳିଥିବା ସୂଚନା ଅନୁସାରେ ଉକ୍ତ ଗ୍ରାମର ଦୁଇ ଯୁଆଡ଼ି ପରିବାର ମଧ୍ୟରେ ଆଗରୁ ଜମିବାଡିକୁ ନେଇ ସେମାନଙ୍କ ମଧ୍ୟରେ ଅସନ୍ତୋଷ ରହିଥିଲା । ଗତକାଲି ଏକ କୁକୁଡ଼ା ସାବିତ୍ରୀ ଯୁଆଡ଼ି ଙ୍କ ବାଡିକୁ ଚାଲିଆସିଥିଲେ । ଏହି ସମୟରେ ଦାନ୍ତକାଠି କରୁଥିବା ସାବିତ୍ରୀ କୁକୁଡାକୁ ଘଉଡ଼ାଇ ଦେଇଥିଲେ । ଏହାକୁ ନେଇ ଗେଡି ଜୁଆଡିଙ୍କ ପରିବାରର ସଦସ୍ୟମାନେ ସାହିତ୍ରୀ ଘରକୁ ଚାଲି ଆସି  ଗାଳି ଗୁଲଜ କରିଥିଲେ ।  ଝଗଡାକୁ ବନ୍ଦ କରିବାକୁ ଯାଇ ସାବିତ୍ରୀ କବାଟକୁ ବନ୍ଦ କରିଦେଇଥିଲେ । ଏହି ସମୟରେ ଗେଡି ଜୁଆଳି (୮୦) ତାଙ୍କ ପୁଅ ପ୍ରହଲ୍ଲାଦ ଜୁଆଳି (୪୫) କବାଟକୁ ଠେଲି ଦେଇଥିଲେ । କବାଟ ପଛରେ ଥିବା ସାବିତ୍ରୀ ଜୁଆଳି(୭୫) ତଳେ ପଡି ଯାଇଥିଲେ । ସେ ସଂଜ୍ଞାହୀନ ହେବାରୁ ପରିବାର ଲୋକେ ଡୁଙ୍ଗୁରିପାଲି ଡାକ୍ତରଖାନା ଆଣି ଥିଲେ ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏଥିପାଇଁ ମୃତ ସାବିତ୍ରୀର ପୁଅ ନିର୍ମଳ ସୁଆତି ଗେଡି ଯୁଆଡ଼ି, ତାଙ୍କ ପୁଅ ପ୍ରହଲ୍ଲାଦ ଯୁଆଡ଼ି ଏବଂ ପରିବାରର ଅନ୍ୟମାନଙ୍କ ନାମରେ ଥାନା ରେ ଅଭିଯୋଗ କରିଥିଲେ । ଅଭିଯୋଗକୁ ଭି" କରି ଥାନା ଅଧିକାରୀ ରୋଜାଲିନ ପଟେଲ ୧୬୭/ ୨୦୨୫ରେ ଏକ ମାମଲା ରଜୁ କରି ତଦନ୍ତ ଜାରି ରଖୁଥିଲେ । ଉଭୟ ବାପପୁଅ ଗେଡି ଏବଂ ପ୍ରହଲ୍ଲାଦକୁ ଥାନାରେ ଗତକାଲିଠାରୁ ଅଟକ ରଖୁଥିଲେ । ଶବ ଜବତ କରି ଆଜି ବ୍ୟବଚ୍ଛେଦ ପାଇଁ ବିନିକା ପଠାଇଥୁବା ବେଳେ ଉଭୟ ବାପପୁଅକୁ ଆଜି ଡୁଙ୍ଗୁରିପାଲି ଗ୍ରାମନ୍ୟାୟାଳୟକୁ ପଠାଇଥିଲେ । କାମିନ ନାମଞ୍ଜୁର ହେବାରୁ  ବିଚାର ବିରଗୀୟ କୋର୍ଟ କୁ ପଠାଇ ଦିଆଯାଇଛି । ଆଗରୁ ଜମି ବାଢିକୁ ନେଇ ଉଭୟ ପରିବାର ମଧ୍ୟରେ ମନୋମାଳିନ୍ୟ ଠିକ୍ ନଥୁବା ଜଣାଯାଏ ।