20-Sep-2025

ବଲାଙ୍ଗୀର ଜିଲ୍ଲା ସଇଁତଲା ବ୍ଲକର ୧୪ବର୍ଷରୁ କମ ଓ ୧୭ ବର୍ଷରୁ କମ ବାଳକବାଳିକାଙ୍କ ବିଦ୍ୟାଳୟସ୍ତରୀୟ ସ୍କୁଲ ସମୂହ କ୍ରୀଡା ପ୍ରତିଯୋଗିତା ଉଦଘାଟିତ ହୋଇ ଯାଇଛି। ବିଦ୍ୟାଳୟ ପ୍ରଧାନଶିକ୍ଷକ ଅଭିମନ୍ୟୁ ସାହୁଙ୍କ ସଭାପତିତ୍ୱ ଓ ବ୍ଲକ ସମ୍ପାଦିକା ଶ୍ରୀମତୀ ରଞ୍ଜିତା ମିଶ୍ରଙ୍କ ପ୍ରତ୍ୟକ୍ଷ ତତ୍ଵାବଧାନରେ ଆୟୋଜିତ ଏହି ସଭାରେ ମୁଖ୍ୟ ଅତିଥି  ଭାବରେ ବିପିନ ବିହାରୀ ସାହୁ   ଯୋଗ ଦେବା ସହ  ବ୍ଲକର ୪ଟି ଜୋନ ର ଜୋନାଲ ସଭାପତି କେରମେଲୀର ପ୍ରଧାନଶିକ୍ଷକ ତଥା ଜୋନ ସଭାପତି ସରୋଜ କୁମାର ମିଶ୍ର, କଁସର ଜୋନ ର ସଭାପତି ତଥା ପ୍ରଧାନଶିକ୍ଷକ ଘନଶ୍ୟାମ ଦଣ୍ଡସେନା,  ଟିକ୍ରାପଡ଼ା ଜୋନର ସଭାପତି ତଥା ପ୍ରଧାନଶିକ୍ଷକ ଭୀମସେନ ଦେହେରୀ ସମ୍ମାନିତ ଅତିଥି ଭାବରେ ମଂଚାସୀନ ଥିବା ସହ ଏମାନଙ୍କୁ ବ୍ଲକର ଖେଳ ଶିକ୍ଷକ ମାନଙ୍କ ଓ ଗୋଷ୍ଠୀ ଶିକ୍ଷା ଅଧିକାରୀଙ୍କ ତରଫରୁ ଜୋନ କାର୍ଯ୍ୟକ୍ରମକୁ ସମ୍ପୂର୍ଣ ସହଯୋଗ କରି ବହୁତ ସୁନ୍ଦର ଭାବରେ ସବୁ ଖେଳ କୁ ପରିଚାଳନା କରୁଥିବାରୁ ସମ୍ମାନିତ କରାଯାଇଥିଲା l  ସଭାରେ ସମସ୍ତ ଅତିଥି ଖେଳ ର ମହତ ଓ ଉପକାରିତା ବିଷୟରେ ଖେଳାଳି ମାନଙ୍କୁ ବୁଝାଇ ଥୀଲେ, ବ୍ଲକ ପତାକା ଉତ୍ତାଳନ କରି ଖେଳ କୁ ଆରମ୍ଭ କରି ଥୀଲେ, ଏହି ଖେଳରେ ୪ଟି ଜୋନରୁ ୧୦୦  ଖେଳାଳି ଓ ୨୫ ଜଣ ଖେଳ ଶିକ୍ଷକ ଓ ଶିକ୍ଷୟତ୍ରୀ ଯୋଗଦାନ କରିଥିଲେ, ଏଥି ମଧ୍ୟ ରୁ ଅକ୍ଟୋବର ୧୫,୧୬,୧୭ ତାରିଖରେ ସଇଁତଲା ବ୍ଲକ ର ବେଲଗାଁ ରେ ଅନୁଷ୍ଠିତ ହେବାକୁ ଥିବା ଜିଲ୍ଲାସ୍ତରୀୟ ଖେଳକୁଦ ପ୍ରତିଯୋଗିତାରେ ଭାଗ ନେବା ପାଇଁ ସବୁ ବିଭାଗରୁ ୨୫ ଜଣ ଖେଳାଳିଙ୍କୁ ଚୟନ କରାଯାଇ ଥିଲା । ଏହି କାର୍ଯ୍ୟକ୍ରମ କୁ ବ୍ଲକ ର ସମସ୍ତ ଖେଳ ଶିକ୍ଷକ ଓ ଶିକ୍ଷୟତ୍ରୀ ପରିଚାଳନା କରିଥିବା ବେଳେ ଘୁନସାର ବିଦ୍ୟାଳୟ ର ସମସ୍ତ ସହକର୍ମୀଙ୍କ ପରିଶ୍ରମ ଓ ସହଯୋଗରେ କାର୍ଯ୍ୟକ୍ରମ ଟି ସଫଳ ହୋଇଥିଲା ।  ବ୍ଲକ ସମ୍ପାଦିକା ରଞ୍ଜିତା ମିଶ୍ର ସ୍ୱାଗତ କରିବା ବେଳେ ସ୍ଥାନୀୟ ବିଦ୍ୟାଳୟର ସହକାରୀ ଶିକ୍ଷକ ରାଜେନ୍ଦ୍ର ବେରିଆ ସାର ଧନ୍ୟବାଦ ଅର୍ପଣ କରିଥିଲେ ।