18-Sep-2025

ଟିଟିଲାଗଡ଼(ପ୍ରେରଣା ଖବର)- ଟିଟିଲାଗଡ଼ ବାନ୍ଦୁପଲା ସ୍ଥିତ ମାହେଶ୍ୱରୀ ଆଇ. ଟି. ଆଇ ରେ ଚଳିତ ବର୍ଷ ବହୁ ଆଡ଼ମ୍ବର ରେ ବିଶ୍ୱକର୍ମା ପୂଜା ଅନୁଷ୍ଠିତ ହୋଇଯାଇଛି l ଚଳିତ ବର୍ଷ ଅନୁଷ୍ଠାନର ସମ୍ପାଦକ ଇଂ. ପ୍ରଦୀପ୍ତ କୁମାର ମିଶ୍ରଙ୍କ ଅଧ୍ୟକ୍ଷତା ରେ ଅନୁଷ୍ଠାନର ଅଧ୍ୟକ୍ଷ ଇଂ. ଦେବବ୍ରତ ଛତର ଓ ସହଧର୍ମିଣୀ ଚିନ୍ମୟୀ ଛତର କର୍ତ୍ତା ଭାବରେ ଦାୟିତ୍ୱ ତୁଲାଇ ଥିବା ବେଳେ ରିଙ୍କୁ ଯୋଶୀ ପୂଜକ ଭାବରେ ଦାୟିତ୍ୱ ତୁଲାଇ ଥିଲେ l ଅନୁଷ୍ଠାନର ଉଭୟ ଇଲେକଟ୍ରିସିଆନ ଓ ଫିଟର ଟ୍ରେଡ଼ର ସମସ୍ତ ଛାତ୍ର ଛାତ୍ରୀ ପୂଜା କାର୍ଯ୍ୟକ୍ରମରେ ଉପସ୍ଥିତ ଥିଲେ l ପୁଷ୍ପାଞ୍ଜଳି ପରେ ସମସ୍ତେ ଅନ୍ନ ପ୍ରସାଦ ଗ୍ରହଣ କରିଥିଲେ l ପରେ ଛାତ୍ର ଛାତ୍ରୀ ମାନେ ବିଭିନ୍ନ ସଂକୃତି କାର୍ଯ୍ୟକ୍ରମ କରିଥିଲେ l ଏହି କାର୍ଯ୍ୟକ୍ରମରେ ଟିଟିଲାଗଡ଼ର ଅନେକ ବୃଦ୍ଧିଜୀବି, ସମାଜସେବୀଙ୍କ ସହ ଅନେକ ଲୋକ ଉପସ୍ଥିତ ଥିଲେ l ମାହେଶ୍ୱରୀ ଜି. ଏନ. ଏମ ଅଧକ୍ଷ ପିଙ୍କୁ ସାହୁ, ଗୋବିନ୍ଦ ସାହୁ, ପ୍ରୀତମ ନାଗ, ଗୋବିନ୍ଦ ପଟେଲ, ଅନିଲ ବେହେରା, ସୋମ୍ୟ ରଞ୍ଜନ ସାହୁ, ଆଶାଳତା ଭୋଇ, ଗ୍ଲୋରି ଲୁହାର, ଜୟ ବାଗ, ଗଜରା ରାଣୀ ସେଠ୍, ଶ୍ରୀକାନ୍ତ ରାଉତ, ଅନୁପ ଭୋଇ ଏବଂ ସମସ୍ତ ଛାତ୍ରଛାତ୍ରୀ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ l ଅନୁଷ୍ଠାନର ନିର୍ଦ୍ଧେଶିକା ରଜନୀ ରାଣୀ ମିଶ୍ର ସମସ୍ତଙ୍କୁ ଧନ୍ୟବାଦ ଦେଇଥିଲେ l