18-Sep-2025

ସିନାପାଲି (ଚିନ୍ତାମଣି ନେତାମ)
ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ନୀଳଜୀ ଗ୍ରାମ ପଂଚାୟତର ନୀଳଜୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ମା ପାଇଁ ଗଛଟିଏ  କାର୍ଯ୍ୟକ୍ରମ  ଅନୁଷ୍ଠିତ ହୋଇଯାଇଛି  l ଏହି ଅବସରରେ ଆୟୋଜିତ  ସଭାକାର୍ଯ୍ୟ ରେ  ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ସତ୍ୟବ୍ରତ ଗହୀର  ସଭାପତିତ୍ୱ କରିଥିବା ବେଳେ  ମୁଖ୍ୟ ଅତିଥି ଭାବରେ ନୀଳଜୀ ଉଚ୍ଚ ବିଦ୍ୟାଳୟର  ପୂର୍ବତନ ପ୍ରଧାନ ଶିକ୍ଷକ ଶ୍ରୀଯୁକ୍ତ  ମହେଶ କୁମାର ତିୱାରୀ,ବିଶିଷ୍ଟ ଅତିଥି ଭାବରେ ଅବସର ପ୍ରାପ୍ତ  ବନପାଳ  ଶ୍ରୀଯୁକ୍ତ ଷଡ଼ାନନ  ସୁନାନୀ, ମୁଖ୍ୟ ବକ୍ତା ଭାବରେ  ନୀଳଜୀ କ୍ଲଷ୍ଟରର ସି ଆର ସି ସି  ଶ୍ରୀଯୁକ୍ତ  ବାଲାଜୀ ସୁନାନୀ ଓ ସମ୍ମାନିତ  ଅତିଥି ଭାବରେ  ବିଦ୍ୟାଳୟ ପରିଚାଳନା କମିଟିର  ସଭାପତି ଶ୍ରୀଯୁକ୍ତ  ଶଙ୍କର ନିଆଲ  ଏବଂ  ବରିଷ୍ଟ ଶିକ୍ଷକ  ଶ୍ରୀଯୁକ୍ତ ସେବକ ରାମ ପାତ୍ର  ଯୋଗଦେଇଥିଲେ l   ଆଜି ଭାରତର ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କ ୭୫ ତମ ଜନ୍ମ ଦିବସ ପାଳନ କରିବା ସହିତ  ଭାରତ ବର୍ଷର କୋଣ ଅନୁକୋଣରେ  ମା ଙ୍କ ନାମରେ  ଗଛଟିଏ  କାର୍ଯ୍ୟକ୍ରମ ଆୟୋଜନ  କରାଯାଉଛି  l     ଏହି ଅବସରରେ   ସରକାରୀ ବେସରକାରୀ ଅନୁଷ୍ଠାନ ଦ୍ୱାରା  ଭାରତ ସାରା  ବୃକ୍ଷ ରୋପଣ  କରାଯାଉଛି। ଜନ୍ମଦାତ୍ରୀ ମା ଠାରୁ  ଭୂମିଷ୍ଟ ହେଲା ପରେ ପ୍ରତ୍ୟେକ ଜୀବ ଜନ୍ତୁ  ଓ ମଣିଷ  ପ୍ରକୃତିର ଉଦ୍ଭିଦ ଉପରେ ନିର୍ଭରକରି  ବଞ୍ଚିଥାନ୍ତି l ଜନସଂଖ୍ୟା , କଲ କାରଖାନା ଓ ଯାନବାହାନ  ବୃଦ୍ଧି ଅନୁସାରେ ବୃକ୍ଷଲତା  ସୃଷ୍ଟି ହେଉନାହିଁ  ବରଂ  ବଣ ଜଙ୍ଗଲ  ଧୀରେ ଧୀରେ  ନଷ୍ଟ ହୋଇ ଯାଉଛି l ଯାହା ଫଳରେ ବାୟୁ ଓ ଜଳ ପରିବେଶ  ଦୂଷିତ ହେବା ଦ୍ୱାରା ମଣିଷ ରୋଗ କ୍ରାନ୍ତ ହୋଇ ଅସମୟରେ   ମୃତ୍ୟୁ ବରଣ କରୁଛି l ପୁଣି  ବନ୍ୟା,ବାତ୍ୟା  ଓ ଭୂମି କମ୍ପ ପରି  ପ୍ରାକୃତିକ ବିପର୍ଯ୍ୟ  ଘଟୁଛି । ତେଣୁ ଜିବଜଗତକୁ ରକ୍ଷା କରିବା ସକାଶେ ବୃକ୍ଷ ରୋପଣ ନିତାନ୍ତ ଆବଶ୍ୟକ l    ଅତିଥି ଗଣ ଏହି ବିଷୟ ଓ ଯଶସ୍ବୀ ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦିଙ୍କର  ଆଦର୍ଶ ନୀତି ଓ  ବିଶ୍ୱଶାନ୍ତି ତଥା  ସଦଭାବନା ପାଇଁ   ମହତ ପ୍ରତିଷ୍ଠା  ଉପରେ  ଛାତ୍ରଛାତ୍ରୀ ଙ୍କୁ  ଦିଗଦର୍ଶନ  ଦେଇଥିଲେ  l ବିଜ୍ଞାନ ଶିକ୍ଷକ  ଶ୍ରୀଯୁକ୍ତ ଦୀପକ ସା  ଅତିଥି ମାନଙ୍କୁ  ସ୍ୱାଗତ କରି  ସଭା କାର୍ଯ୍ୟ ସଂଯୋଜନା  କରିଥିଲେ l  ବିଦ୍ୟାଳୟ ର  ଛାତ୍ରଛାତ୍ରୀ ଗଣ  ବୃକ୍ଷର ଦାନ ସମ୍ପର୍କିତ  ପ୍ରାରମ୍ବିକ ସଂଗୀତ ଗାନ କରିଥିଲେ  l ସଭାଶେଷରେ  ସହ ଶିକ୍ଷକ ଶ୍ରୀ ପରମାନନ୍ଦ ମାଝୀ  ସମସ୍ତଙ୍କୁ ଧନ୍ୟବାଦ ଦେଇଥିଲେ l ପରେ ଅତିଥି, ଶିକ୍ଷକ ଓ ଛାତ୍ରଛାତ୍ରୀ ଗଣ ବୃକ୍ଷ ଚାରାକୁ ପୂଜନ କରି ବିଦ୍ୟାଳୟ ପରିସରରେ   ରୋପଣ କରିଥିଲେ  l ଶିକ୍ଷକ ଶ୍ରୀ ରୁପେଶ କୁମାର ମେହେର ସହଯୋଗ କରିଥିଲେ  l