18-Sep-2025

ସିନାପାଲି (ଚିନ୍ତାମଣି ନେତାମ)
ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଖରସେଲ ଗ୍ରାମ ପଂଚାୟତ ସରପଞ୍ଚ ଶ୍ରୀଯୁକ୍ତ ବୀରେନ୍ଦ୍ରକୁମାର ଖମାରୀ ଓ କାର୍ଯ୍ୟନିର୍ବାହୀ ଅଧିକାରୀ ଲବ ବାରିକଙ୍କ ନେତୃତ୍ୱରେ ମା ପାଇଁ ଗଛ ଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଆଜି ଭାରତର ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କ ୭୫ବର୍ଷ ପୂର୍ତ୍ତି ଅବସରରେ ଭାରତ ବର୍ଷର କୋଣ ଅନୁକୋଣରେ ଜନ୍ମଦିନକୁ ପାଳନ କରିବା ସହିତ ମା ପାଇଁ ଗଛ ଟିଏ କାର୍ଯ୍ୟକ୍ରମ ପ୍ରତ୍ୟେକ ସରକାରୀ ବେସରକାରୀ ଅନୁଷ୍ଠାନରେ କାର୍ଯ୍ୟକ୍ରମ ମାନ କରାଯାଉଛି। ଜନ୍ମଦାତ୍ରୀ ମା ଏକ ହୋଇଥିଲେ ମଧ୍ୟ ଭୂମିଷ୍ଟ ହେଲା ପରେ ପ୍ରତ୍ୟେକ ଜୀବ ଜନ୍ତୁ ପ୍ରକୃତି ଉପରେ ସଦାସର୍ବଦା ନିର୍ଭରଶିଳ ରହିଥାଏ। ଜନସଂଖ୍ୟା ବୃଦ୍ଧି ସକାଶେ ଜନସଂଖ୍ୟା ଅନୁପାତରେ ବୃକ୍ଷଲତା ତଥା ପ୍ରକୃତି ନଷ୍ଟ ହେଉଥିବା ଯୋଗୁଁ ଦୂଷିତ ଜଳବାୟୁ ଦ୍ୱାରା ମଣିଷ ଅସମୟରେ ବିଭିନ୍ନ ପ୍ରକାର ଦୁରାରୋଗ୍ୟରେ ପୀଡ଼ିତ ହୋଇ ଅସମୟରେ ନିଜର ଅମୂଲ୍ୟ ଜୀବନ ଠାରୁ ଦୂରେଇ ଯାଉଛି। ତତ୍ ସହିତ ଋତୁ ଅନୁସାରେ ପ୍ରକୃତି ଦୂରେଇ ଯାଇ ନାନାଦି ବିପର୍ଯ୍ୟସ୍ତ ପରିସ୍ଥିତି ସୃଷ୍ଟି ହେଉଛି। ତେଣୁ ଜିବଜଗତକୁ ରକ୍ଷା କରିବା ସକାଶେ ଗଛର ନିତାନ୍ତ ଆବଶ୍ୟକ ହେତୁ ଆଜି ଉଭୟ ରାଜ୍ୟ ଏବଂ କେନ୍ଦ୍ର ସରକାରଙ୍କ ନିର୍ଦ୍ଦେଶ କ୍ରମେ ମା ପାଇଁ ଗଛ ଟିଏ କାର୍ଯ୍ୟକ୍ରମ ହାତକୁ ନେଇ କାର୍ଯ୍ୟକାରୀ କରାଯାଉଛି। ଏହି ଅବସରରେ ଆଜି ଖରସେଲ ଗ୍ରାମପଞ୍ଚାୟତ ତରଫରୁ ୫ଶହ ବିଭିନ୍ନ ପ୍ରକାର ବୃକ୍ଷ ରୋପଣ କରାଯାଇଛି। ଏହି ବୃକ୍ଷ ରୋପଣ କାର୍ଯ୍ୟକ୍ରମରେ   ଜି, ଆର, ଏସ  ଶ୍ରୀଯୁକ୍ତ  ଗୋପାଳ ଦାସ ,  ଏମବିକେ, ସମସ୍ତ ୱାର୍ଡ଼ ସଭ୍ୟ,  ଗାଁ ସାଥି  ମକର ପୁଞ୍ଜି, ତୁଳସି ଭୋଇ, ଥବିର ନିଆଲ,ଓ ଯୋଗାଣ ସହାୟକ ମଧୁ ସା,, ପଂଚାୟତ ପିଅନ ସମସ୍ତେ  ଅଂଶ ଗ୍ରହଣ କରିଥିଲେ  l