17-Sep-2025

ବଲାଙ୍ଗୀର(ଦେବାଶିଷ ବହିଦାର): ବିଶ୍ବାତ୍ମ ବିଦ୍ୟା ମନ୍ଦିର, ଆନନ୍ଦ ନିକେତନ, ଖୁଜେନପାଲି, ବଲାଙ୍ଗିର ଠାରେ “ ଏକ ପେଡ ମାଁ କେ ନାମ " କାର୍ଯ୍ୟକ୍ରମ ଉପଲକ୍ଷେ ଏକ ସଚେତନତା ସଭା ଓ ବୃକ୍ଷାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏହି ସଭାରେ ବିଶ୍ବାତ୍ମ ବିଦ୍ୟା ମନ୍ଦିର ପ୍ରାଚାର୍ଯ୍ୟ ଡଃ ସୁଶାନ୍ତ କୁମାର ପ୍ରଧାନ, ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ତରୁଣ କୁମାର ତ୍ରିପାଠୀ, ଉପ ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ନେତ୍ରାନନ୍ଦ ପାଣିଗ୍ରାହୀ, କାଞ୍ଚନବାଲା ମହାରଣା ଓ ଦଶମ ଶ୍ରେଣୀର ଛାତ୍ରୀ  ବିନ୍ଦିଆ ବେହେରା ପ୍ରମୁଖ ମାଁ କୁ ଭଲପାଇବା ଓ ଧରିତ୍ରୀ ମାଁ ପ୍ରତି

ଆମର କର୍ତ୍ତବ୍ୟ ପାଳନ କରି ବୃକ୍ଷରୋପଣ ଓ ତାର ଯତ୍ନ ସଂମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ। କାର୍ଯ୍ୟକ୍ରମକୁ ପରିଚାଳନା କରିଥିଲେ ପ୍ରକୃତି ବନ୍ଧୁ ପୁରସ୍କାରପ୍ରାପ୍ତ ଶିକ୍ଷକ ସଞ୍ଜୟ କୁମାର ଦାଶ  l ଶେଷରେ ବରିଷ୍ଠ ଶିକ୍ଷକ ମନୋଜ

କୁମାର ତ୍ରିପାଠୀ ସମସ୍ତଙ୍କୁ ଧନ୍ୟବାଦ ଦେଇଥିଲେ lଏହି ଅବସରରେ ବିଶ୍ବାତ୍ମ ବିଦ୍ୟା ମନ୍ଦିର, ଆନନ୍ଦ ନିକେତନ ପରିସରର  ଛାତ୍ରଛାତ୍ରୀମାନଙ୍କ ଦ୍ବାରା ବୃକ୍ଷାରୋପଣ କରାଯାଇଥିଲା। ବିଦ୍ୟା ମନ୍ଦିରର ସମସ୍ତ ଗୁରୁଜୀ-ଗୁରୁମା ବୃକ୍ଷାରୋପଣ କାର୍ଯ୍ୟକ୍ରମରେ ଯୋଗଦାନ କରିଥିଲେ ।