16-Sep-2025

ସିଂହିଯୁବା, ତା ୧୬/୯(ପ୍ରେରଣା ଖବର):ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅନ୍ତର୍ଗତ ଆଞ୍ଚଳିକ ଉଚ୍ଚ ବିଦ୍ୟାଳୟ ଶିଂହିଯୁବା ଠାରେ ପ୍ରଧାନ ଶିକ୍ଷକ ହେମନ୍ତ ମେଶୁଆ ଙ୍କ ସଭାପତିତ୍ବ ରେ ରାଷ୍ଟ୍ରୀୟ ହିନ୍ଦୀ ଦିବସ ପାଳିତ ହୋଇଯାଇଛି । ଗଣିତ ଶିକ୍ଷକ ତଥା ବରିଷ୍ଠ ଶିକ୍ଷକ ଅନିଲ କୁମାର ସେଠୀ ସଭା କୁ ସଂଯୋଜନା କରିଥିଲେ । ସଭାରେ ହିନ୍ଦୀ ଶିକ୍ଷକ ବିଜୟ କୁମାର ବେହେରା ସ୍ୱାଗତ ଭାଷଣ ପ୍ରଦାନ କରିବା ସହ ଉଦ୍ଦେଶ୍ୟ ଜ୍ଞାପନ କରିଥିଲେ ଏବଂ ସେ ପ୍ରତ୍ୟେକ ସମୁଦାୟ ନିଜର ଭାଷା କୁ ନିଜର ଗର୍ବ ପରିଚୟ ଭାବ ରେ ଦେଖିଥାଏ ବୋଲି କହିବା ସହ ହିନ୍ଦୀ ଭାଷା ଆମ ଦେଶର ସଂସ୍କୃତି ଓ ସଂସ୍କାର ର ପ୍ରତିବିମ୍ବ ଅଟେ ବୋଲି କହିଥିଲେ ।ସରକାରୀ ଉଚ୍ଚ ବିଦ୍ୟାଳୟ ସମ୍ଳେଇଚୁଆଁ ର କାର୍ଯ୍ୟରତ ହିନ୍ଦୀ ଶିକ୍ଷୟତ୍ରୀ ସୀମା ସାହୁ ମୁଖ୍ୟ ଅତିଥି ଭାବେ ଯୋଗଦାନ କରି ହିନ୍ଦୀ ଦିବସ ର ମହତ୍ତ୍ଵ ବିଷୟ ରେ ନିଜ ବକ୍ତବ୍ୟ ରଖିବା ସହ ହିନ୍ଦୀ ଆମ ସଂସ୍କୃତି ର ଜୀବନ ଧାରା ବୋଲି କହିଥିଲେ ।ସମ୍ମାନିତ ଅତିଥି ଭାବରେ ଆଞ୍ଚଳିକ ଉଚ୍ଚ ବିଦ୍ୟାଳୟ ର ପୂର୍ବତନ ଭାରପ୍ରାପ୍ତ ପ୍ରଧାନ ଶିକ୍ଷକ ପ୍ରେମ ରାଜ ପତି ଯୋଗ ଦେଇ ହିନ୍ଦୀ ର ଇତିହାସ ବିଷୟ ରେ ତଥ୍ୟ ପ୍ରଦାନ କରିଥିଲେ ।

ଛାତ୍ର ଛାତ୍ରୀ ଙ୍କ ମଧ୍ୟ ରୁ ରିମଝିମ୍ , ଯଶୋବନ୍ତି , ଶିଳ୍ପୀ , ଶିବାନୀ , ଅଂଶିକା ନିଜ ନିଜ ବକ୍ତବ୍ୟ ପ୍ରଦାନ କରିଥିଲେ ।ପରିଶେଷରେ ଶିକ୍ଷକ ଅନିଲ କୁମାର ସେଠୀ ଏଇ ଅବସର ରେ ସମସ୍ତଙ୍କୁ ଧନ୍ୟବାଦ୍ ପ୍ରଦାନ କରିଥିଲେ। କାର୍ଯ୍ୟକ୍ରମ କୁ ସଦାନନ୍ଦ ପାଢୀ, ବିଜୟ କୁମାର ମିସ୍ତ୍ରୀ ସହଯୋଗ କରିଥିଲେ।