15-Sep-2025

ଅତାବିରା(ଆକାଶ ମିଶ୍ର)..ଜଣେ ସମାଜସେବୀ ଙ୍କ ଅଧୁରା ସ୍ବପ୍ନ   କୁ ପୁରା କରିବାରେ ସାମ୍ପ୍ରତିକ  ଯୁବଗୋଷ୍ଠୀ ଅଣ୍ଟା ଭିଡ଼ିବା,ଆଗଭର ହେବା ଏକ ନିଆରା ଦୃଷ୍ଟାନ୍ତ । ଯାହା ଦେଖିବାକୁ ମିଳିଛି କୁଲିତାଟୁକୁରା ଗ୍ରାମରେ । ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ କୁଳିତା ଟୁକୁରା ଗ୍ରାମର ମାଁ ପେନ୍ଥେଇ ଚାରିଟେବୁଲ ଟ୍ରଷ୍ଟ ,ସ୍ଥାନୀୟ ଯୁବଗୋଷ୍ଠୀ ଓ ସ୍ବର୍ଗତ ଅଶ୍ୱିନୀ  ପଧାନ ଙ୍କ ଦ୍ଵିତୀୟ ଶ୍ରାଦ୍ଧ ବାର୍ଷିକୀ ଅବସରରେ ତାଙ୍କ ଭ୍ରାତା ଉତ୍କଳ ପ ଧାନ  ଙ୍କ ସହଯୋଗ କ୍ରମେ ଆଜି ଏକ ରକ୍ତଦାନ ଶିବିର ଓ ସ୍ୱାସ୍ଥ୍ୟ ପରୀକ୍ଷା ଶିବିରର ଆୟୋଜନ କରାଯାଇଥିଲା । ରକ୍ତଦାନ କେନ୍ଦ୍ରକୁ ସ୍ବର୍ଗତ ଅଶ୍ୱିନୀ ପଧାନଙ୍କ ଧର୍ମପତ୍ନୀ ପଦ୍ମିନୀ ପଧାନ ଉଦଘାଟନ କରିଥିଲେ । ତା ପରେ ସ୍ବର୍ଗତ ଅଶ୍ୱିନୀ ପଧାନ  ଙ୍କୁ   ଶ୍ରଦ୍ଧାଞ୍ଜଳି ଅର୍ପଣ ପୂର୍ବକ   ନିରବ ପ୍ରାଥନା କରାଯାଇଥିଲା । ସ୍ବର୍ଗତ ପଧାନ ମାଁ ପେନ୍ତେଇ  ଚାରିଟେବୁଲ ଟ୍ରଷ୍ଟ ର  ପୂର୍ବତନ ସଭାପତି  ତଥା ଜଣେ ସମାଜ ସେବୀ ବ୍ୟକ୍ତି ଥିଲେ । ସେ ଅନେକ ସେବା ମୂଳକ କାର୍ଯ୍ୟରେ  ଆଗଭର ହେବା ସହ  ତାଙ୍କର ଇଛା ଥିଲା ଗ୍ରାମରେ ରକ୍ତଦାନ ଶିବିର  ଆୟୋଜନ  କରିବା। କିନ୍ତୁ ତାଙ୍କର ଏହି ଇଚ୍ଛା  ପୂର୍ଣ୍ଣ ହେବା ପାଇଁ ତାଙ୍କ ଜୀବନ ରେଖା ଟି ଲିଭି ଯାଇଥିଲା ।ତେଣୁ ତାଙ୍କର ସେ ଅଧୁରା ସ୍ବପ୍ନ କୁ ପୁରା କରିବାରେ  ତାଙ୍କର ପରିବାର ତଥା ଯୁବଗୋଷ୍ଠୀ ସର୍ବା ତତ୍ପରତା ପ୍ରକାଶ କରି ଆସୁଛନ୍ତି ।  ଏହି ଅବସରରେ ଏକ ସାଧାରଣ ସଭା ହୋଇଥିଲା । ଉପସ୍ଥିତ ସମସ୍ତେ  ସ୍ବର୍ଗତ ପଧାନ ଙ୍କ ସ୍ମୃତି ଚାରଣ କରିଥିଲେ ।  ରକ୍ତଦାନ ଶିବିର କୁ ବୁର୍ଲା ଭିମସାର  ଡଃ  ଦେବାଶିଷ ମିଶ୍ର,  ଟେକ୍ନିଶିଆନ କରୁଣାକର ସାହୁ, ଡଃ କୋରେଶ ଦଳାଇ, କାଉନସିଲର ମନ୍ତୁ ପ୍ରଧାନ, ପାଏନୁ ଭୂଏ, ପ୍ରହଲ୍ଲାଦ ଭୁଏ, ରବିନାରାୟଣ ସାହୁ ପରିଚାଳନା କରିଥିଲେ ।ମୋଟ ୬୦ ୟୁନିଟ ରକ୍ତ ସଂଗୃହୀତ ହୋଇଥିଲା । ସ୍ବାସ୍ଥ୍ୟ ଶିବିର କୁ ଭେଷଜ ବିଶେଷଜ୍ଞ  ଡଃ  ଚମନ୍ ମେନିଆ, ଦାନ୍ତ ବିଶେଷଜ୍ଞ  ଡଃ ଅନାମିକା ଚୌହାନ, ବରଗଡ଼ ର ଲାୟନ୍ସ କ୍ଳବ୍  ଓ ବିକାଶ ହସ୍ପିଟାଲ ର  ଚକ୍ଷୁ ବିଶେଷଜ୍ଞ  ମାନେ   ଶିବିର ରେ ସ୍ବାସ୍ଥ୍ୟ ପରୀକ୍ଷା କରିଥିଲେ ।ଏଥିରେ ୨୩୮ ଜଣ ରୋଗୀ ଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଥିଲା । ସେମାନଙ୍କ ମଧ୍ୟରୁ  ୨୭  ଜଣ ଙ୍କ ଚକ୍ଷୁ  ପରୀକ୍ଷା କରାଯାଇ ୫ ଜଣଙ୍କ ମୋତିଆ ବିନ୍ଦୁ ଚିହ୍ନଟ କରାଯାଇଥିଲା । ଏହି  କାର୍ଯ୍ୟକ୍ରମରେ ଗ୍ରାମର ତିନିଜଣ ଡାକ୍ତର  ଯଥା କଟକ ଡାକ୍ତର ଖାବାରେ କାର୍ଯ୍ୟରତ ପ୍ରଭୁଦତ୍ତ ପତି ,  ନମ୍ରତା ପତି ବରଗଡ଼ ମୁଖ୍ୟ ଚିକିତ୍ସାଳୟ ଓ  ପଦମ୍ ପୁର କୁମୁନା ରେ କାର୍ଯ୍ୟରତ ଡଃ  ଶ୍ରୀତମ ସାହୁ  ସ୍ବତନ୍ତ୍ର ଭାବେ ଯୋଗ ଦେଇ  ସକ୍ରିୟ ସହଯୋଗ କରିଥିଲେ ।
 ଏଠାରେ ବରଗଡର ନବକିଶୋର ପାଣିଗ୍ରାହୀ, ସୁରେନ୍ଦ୍ର ସ୍ୱାଇଁ, ଦିବାକର  ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ଗ୍ରାମର ଯୁବ ଗୋଷ୍ଠୀ ଙ୍କ ସକ୍ରିୟ ସହଯୋଗ ପାଇଁ ପରି ଶେଷରେ ଟ୍ରଷ୍ଟ ର  ସମ୍ପାଦକ ଶରତ କୁମାର  ମହାରଣା  ସମସ୍ତଙ୍କୁ ଆନ୍ତରିକ ଧନ୍ୟବାଦ ଦେଇ ଥିଲେ l