15-Sep-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ସ୍ଥିତ ବାବା କପିଳେଶ୍ୱର ପୀଠରେ ହେବାକୁ ଯାଉଥିବା କଳାସି ଯାତ୍ରା  ଅବସରରେ ପ୍ରଭୁ ଶିବ ପାର୍ବତୀଙ୍କୁ ଦର୍ଶନ ଓ ଆଜ୍ଞାମାଲ ପାଇଁ ଆସିବାକୁ ଥିବା ବିଭିନ୍ନ କଲାସି କୁଠୀ ବରୁଆଙ୍କୁ କଲାସି ଶୋଭାଯାତ୍ରାରେ ସାମିଲ କମିଟି କର୍ମକର୍ତ୍ତା,ସେବାୟତ ବିଭିନ୍ନ ଗ୍ରାମ ପରିଦର୍ଶନ କରି ଆଲୋଚନା କରିଛନ୍ତି । ଏହି ଅବସରରେ ମନ୍ଦିର ଟ୍ରଷ୍ଟ ବୋର୍ଡ କମିଟି ସଭାପତି ଅଶୋକ ପୃଷ୍ଟିଙ୍କ ନେତୃତ୍ୱରେ ଏକ ପ୍ରତିନିଧି ଦଳ ବିନିକା ବ୍ଲକ ଅଧିନସ୍ତ ସେଲେଡି, ବାଉଁଶୁଣି,ଟୁଲୁଣ୍ଡୁପାଲି,ନନ୍ଦନମାଲ କୁ ଯାଇ କଲାସି ଯାତ୍ରା ସମନ୍ଧେ ଆଲୋଚନା କରିଥିଲେ।ଗାଁ ମାନଙ୍କରୁ ଆସୁଥିବା ଛତର ସହ ବରୁଆ ମାନଙ୍କୁ ସ୍ଵତନ୍ତ୍ର ଭାବେ ବରଣ କରିବା ସହିତ ମନ୍ଦିର ତରଫରୁ ସମ୍ବର୍ଦ୍ଧନା ଜ୍ଞାପନ କରାଯିବା ନେଇ ସ୍ଥିର ହୋଇଥିଲା । ସେହିପରି ପ୍ରତିବର୍ଷ ଯାତ୍ରା କୁ ଆସୁଥିବା ଡଭଲା,ଚଡେଇପଙ୍କ,ବାଲାରଙ୍ଗା, ଗୁଲୁଣ୍ଡା,ହଲକାଟିକିରା ପ୍ରଭୃତି ଗ୍ରାମ ମାନଙ୍କୁ ଯାଇ ସେଠାରେ କଲାସି କୁଠୀ କାର୍ଯ୍ୟକର୍ତ୍ତାଙ୍କ ସହ ଆଲୋଚନା କରାଯିବ ଏବଂ କଲାସି ଶୋଭାଯାତ୍ରାରେ ସାମିଲ ପାଇଁ ଅନୁରୋଧ କରାଯିବ ନିଷ୍ପତି ନିଆଯାଇଥିଲା।ସେହିପରି ଜିଲ୍ଲା ପ୍ରଶାସନ ଓ ମାନ୍ୟବର ବିଧାୟକଙ୍କ ସହିତ ମଧ୍ୟ ଏହି ଦିଗରେ ବିଶେଷ ଆଲୋଚନା କରାଯିବ ବୋଲି ବୈଠକରେ ସ୍ଥିର ହୋଇଥିବା କମିଟି ସଭାପତି ସୂଚନା ଦେଇଥିଲେ ।