13-Sep-2025

ବଲାଙ୍ଗିର(ପ୍ରେରଣା ଖବର) ଆସନ୍ତାକାଲି ହିନ୍ଦୀ ସପ୍ତାହ ପାଳନ ଅବସରରେ ଆଜି ବଲାଙ୍ଗୀର ଭାଗବତୀ ନଗରସ୍ଥିତ ବିକାଶ ଭେଲି ବିଦ୍ୟାଳୟ ଠାରେ ପ୍ରଥମରୁ ଦଶମ ଶ୍ରେଣୀ ଛାତ୍ରଛାତ୍ରୀ ମାନଙ୍କୁ ନେଇ ଚାରୋଟି ବିଭାଗରେ ଏକ ହିନ୍ଦୀ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସ୍କୁଲର ଅଧ୍ୟକ୍ଷ ତଥା ପରିଚାଳକ ଅମ୍ବରିଶ କୁମାର ଦାଶଙ୍କ ଆବାହକତ୍ୱରେ ଅନୁଷ୍ଠିତ ଏହି ପ୍ରତିଯୋଗିତାରେ ବିଚାରକ ଭାବରେ ଶ୍ରୀଜୀ ବି.ଇ.ଡି ଇନ୍‌ଷ୍ଟିଚ୍ୟୁଟ୍‌ର ନିର୍ଦ୍ଦେଶିକା ସ୍ୱରୂପାରାଣୀ ଠାକୁର, ସାପ୍ତାହିକ ପ୍ରେରଣାର ସଂପାଦକ ରଘୁ ନନ୍ଦନ ସିଂହ ଏବଂ ହିନ୍ଦୀ ଶିକ୍ଷକ ଅମୀୟ କୁମାର ଦାଶ ଯୋଗ ଦେଇ କୃତୀ ପ୍ରତିଯୋଗୀ ମାନଙ୍କ ନାମ ଘୋଷଣା କରିଥିଲେ । ସମସ୍ତ କୃତୀ 

ପ୍ରତିଯୋଗୀ ମାନେ ସ୍କୁଲ ପକ୍ଷରୁ ଅନୁଷ୍ଠିତ ହେବାକୁ ଥିବା ଏକ ସ୍ୱତନ୍ତ୍ର ଉତ୍ସବରେ ପୁରସ୍କୃତ ହେବେ ବୋଲି ସ୍କୁଲର ଅଧ୍ୟକ୍ଷ ଶ୍ରୀ ଦାଶ ସୂଚନା ଦେଇଛନ୍ତି । ଏହି ପ୍ରତିଯୋଗିତାରେ ସ୍କୁଲର ବହୁ ଛାତ୍ରଛାତ୍ରୀ ଅଂଶଗ୍ରହଣ କରି ନିର୍ଦ୍ଧାରିତ ବିଷୟବସ୍ତୁ ଉପରେ ନିଜର ବକ୍ତବ୍ୟ ରଖିଥିଲେ । ସ୍କୁଲର ଶିକ୍ଷୟିତ୍ରୀ ତଥା ସିସିଏ ସୁପରିଟେଣ୍ଡେଣ୍ଟ ତବସୁମ୍ ବେଗମ ଏହି ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ସ୍କୁଲର ଶିକ୍ଷକ ଦେବାଶିଷ ମିଶ୍ର, ଅଂଶାରୀ ବେଗମ୍‌, ବିମଳେନ୍ଦୁ ସାହୁ ଓ ସ୍ୱାଗତିକା ମିଶ୍ର ପ୍ରମୁଖ ସହଯୋଗ କରିଥିଲେ ।