13-Sep-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲାର ଗୁଡଭେଲାବ୍ଲକ ମହକୁମା ସ୍ଥିତ ଜଙ୍ଗଲ ବିଭାଗର ଫରେଷ୍ଟର ସେକସନ କାର୍ଯ୍ୟାଳୟରେ ପ୍ରାୟ ତାଳା ଝୁଲୁଥିବା ଦେଖିବାକୁ ମିଳୁଛି। ଏପରିକି କାର୍ଯ୍ୟାଳୟର ସାଇନ ବୋର୍ଡ ମଧ୍ଯ ନଥିବାରୁ କାର୍ଯ୍ୟାଳୟକୁ ଆସୁଥିବା ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏହି କାର୍ଯ୍ୟାଳୟର ଅଧିକାରୀ ଫରେଷ୍ଟର ଚନ୍ଦ୍ର ଶେଖର ଦାସ ମହାଶୟ ମାସକୁ କୁଆଡେ ମାତ୍ର ପାଞ୍ଚ ଛଅ ଦିନ ଅଫିସକୁ ଆସୁଥିବା ଅଭିଯୋଗ ହେଉଛି। ଏଥି ଯୋଗୁଁ ତଳସ୍ତର କର୍ମଚାରୀ ମାନେ ମଧ୍ଯ ଠିକ ଭାବେ କାର୍ଯ୍ୟ କରୁନାହାନ୍ତି। ଏହି ସେକସନରେ ହାତୀ ଓ ଭାଲୁର ଉପଦ୍ରବ ଲାଗି ରହିଥିବା ବେଳେ ଫରେଷ୍ଟରଙ୍କ ଦେଖା ମିଲୁନାହିଁ। ଏପରି କି ଜଙ୍ଗଲ ମାଫିଆ ମାନେ ମନ ଇଚ୍ଛା ଜଙ୍ଗଲ ନଷ୍ଟ କରିବାରେ ଲାଗି ପଡିଛନ୍ତି। ଏନେଇ ଗୁଡଭେଲା ଫରେଷ୍ଟର ସେକସନ କାର୍ଯ୍ୟାଳୟର ଫରେଷ୍ଟର ଶ୍ରୀଦାଶଙ୍କ ମୋବାଇଲ ନମ୍ବର ୯୯୩୮୦୯୦୪୨୩ ସହ ବହୁବାର ଯୋଗାଯୋଗ କରାଯାଇ ଥିଲେ ମଧ୍ଯ ସେ ଫୋନ ନ ଉଠାଇବାରୁ ଯୋଗାଯୋଗ ସମ୍ଭବ ହୋଇ ପରି ନଥିବାରୁ ତାଙ୍କର ମତାମତ ନିଆଯାଇ ପାରିଲା ନାହିଁ। ଏନେଇ ଦେଓଗାଁ ରେଞ୍ଜର ଯୁଧିଷ୍ଠିର ଜାଳଙ୍କୁ ପଚାରିବାରୁ କହନ୍ତି ଯେ, ଅଫିସ ଖୋଳା ଯିବା କଥା, ଫରେଷ୍ଟର ସବୁ ଦିନ ଆସିବା କଥା, ମୁଁ ଏନେଇ ତଦନ୍ତ କରିବି ବୋଲି କହିଥିଲେ।