12-Sep-2025

ବରପାଲି    ( ସୁଦାମ ଦୀପ)
ବରଗଡ଼ ଜିଲ୍ଲା ଗାଇସିଲେଟ ଠାରେ ତୈଲିକ ବୈଶ୍ୟ ସାହୁସମାଜର 13 ତମ ନୂଆଖାଇ ଭେଟ ମହାସମାରୋହ ରେ ଅନୁଷ୍ଠିତ ହୋଇଯାଇଛି l ଗାଇସିଲେଟ ବ୍ଲକ ଅଧ୍ୟକ୍ଷ ପ୍ରଣୟ କୁମାର ସାହୁ, ପଞ୍ଚାୟତିରାଜ, ଗ୍ରାମ୍ୟ ଉନ୍ନୟନ ଓ ପାନୀୟ ଜଳ ମନ୍ତ୍ରୀ ରବିନାରାୟଣ  ନାୟକ ମୂଖ୍ୟ ଅତିଥ୍‌ ଭାବରେ ଯୋଗଦାନ କରିଥିଲେ। ବିଜେପୁର  ବିଧାୟକ ସନତ କୁମାର ଗଡ଼ତୀୟା ସମ୍ମାନିତ ଅତିଥ୍‌ ଭାବରେ ଯୋଗଦାନ କରିଥିବା ବେଳେ ପୂର୍ବତନ ମାର୍କଫେଡ ଅଧ୍ୟକ୍ଷ ପ୍ରଭାତ ଆଦିତ୍ୟ ମିଶ୍ର, ସାଂସଦ ପ୍ରତିନିଧି ସୁରେଶ୍ୱର ଶତପଥି, ବିଜେପି ଜିଲ୍ଲା ସଭାପତି ଡା. ଅରୁପାନନ୍ଦ ସାହୁ ଯୋଗଦାନ କରିଥିଲେ ।   ବଲାଙ୍ଗିର ମହିଳା ମହାବିଦ୍ୟାଳୟର ଅଧ୍ୟାପକ ବିଭୂତି ଭୂଷଣ ସାହୁଙ୍କ ଉପସ୍ଥିତି କାର୍ଯ୍ୟକ୍ରମକୁ ଆହୁରି ଗୌରବମୟ କରିଥିଲା। ସାହୁ ସମାଜର ୭ ଜଣ ସଦସ୍ୟ, ଯେଉଁମାନେ ବିଭିନ୍ନ କ୍ଷେତ୍ରରେ  ସଫଳତା ଲାଭ କରିଛନ୍ତି ସେମାନଂକୁ ସମ୍ବର୍ଦ୍ଧିତ କରାଯାଇଥିଲା l ସଭାକୁ ସମାଜର  ସଭାପତି ଚୈତନ୍ୟ ସାହୁ ପରିଚାଳନା କରିଥିବା ବେଳେ ରୁଦ୍ର ସାହୁ ଅତିଥି ପରିଚୟ ପ୍ରଦାନ କରିଥିଲେ ଏବଂ ଡୋଳାମଣି ସାହୁ  ବିବରଣୀ ପାଠ କରିଥିଲେ l ବିପିନ ବିହାରୀ ସାହୁ ସଭା କୁ ସଂଯୋଜନା କରିଥିଲେ । ମାନ୍ୟବର ମନ୍ତ୍ରୀ ଗାଇସିଲାଟ କେବଳ ଗୋଟିଏ ବ୍ଲକ ନୁହେଁ, ଏହା 'ଅନୁଭବିଙ୍କ ମାଟି' । ଏଠାର ଲୋକଙ୍କ ସମସ୍ତ ସମସ୍ୟାରେ ଆମେ ସହଭାଗୀ ହେବୁ। ସରକାରୀ ପ୍ରାଥମିକତାରେ ଗାଇସିଲାଟକୁ ଉନ୍ନୟନ ପଥରେ ଆଗେଇ ନେବ, ଗ୍ରାମୀଣ ପାନୀୟ ଜଳ, ସଡ଼କ, କୃଷି ସୁବିଧା, ଯୁବକ ମାନଙ୍କ ଚାକିରି ସୁଯୋଗ, ସମସ୍ତ କଥାରେ ସରକାର ସଜାଗ।" ସେ ଆହୁରି କହିଥିଲେ ଯେ, ସାହୁ ସମାଜର ଓଡ଼ିଶାର ଅର୍ଥନୀତି, ସାମାଜିକ ସଂସ୍କୃତି ଓ ସାମ୍ପ୍ରଦାୟିକ ସମ୍ଭାବନାରେ ଅବଦାନ ରଖୁଆସିଛି। ସେହିପରି ନୂଆଁଖାଇ କେବଳ ପାଳା-ପର୍ବ ନୁହେଁ, ଏହା କୃଷିକଙ୍କ ଗୌରବ ଓ ସମାଜର ଏକତାର ପ୍ରତୀକ। ପରିଶେଷରେ ସମାଜ ର ସୁନାଧର ସାହୁ ଧନ୍ୟବାଦ ଅର୍ପଣ କରିଥିଲେ l