27-Jan-2021

ବଲାଙ୍ଗିର,(ସନ୍ତୋଷ କୁମାର ଠାକୁର)- ଆଜି ସ୍ଥାନୀୟ ଯାଦବ ଭବନ ଠାରେ ପରଭା ଫୋକ ଅନୁଷ୍ଠାନ ତରଫରୁ କୋଶଲି ଫିଲ୍ମ “ଭାଗ୍ୟର ଲେଖା”ର ମୁକ୍ତିଲାଭ କରିବା ସହ ଏହାର ପ୍ରିମିୟର ସୋ ଅନୁଷ୍ଠିତ ହୋଇଯାଇଛି । ଭାରତର ଶହିଦ ଯାବାନମାନଙ୍କ ଉପରେ ଆଧାରିତ ଏହି ଚଳଚିତ୍ରରେ ରତନ ମେହେର, ପୁରୁଷୋତ୍ତମ ମିଶ୍ର,ରାଜିନ୍ଦ୍ର ମଲ୍ଲିକ, ଲଳିତ ପୂଜାରୀ, ନବୀନ ଲିଶୋର ବେହେରା, ବୀଣା ପଟେଲ, ସସ୍ମିତା ସାହୁ, ରୋନା ଓ ସୌଲେନ୍ଦ୍ରୀ ମିଲି ବାରିକ ଅଭିନୟ କରିଥିବା ବେଳେ ଚଳଚିତ୍ର ର ରଚନା ଓ ନିର୍ଦ୍ଦେଶନ ନିସାର  ଅହମଦ ନିସାର କରିଛନ୍ତି । ନବୀନ କିଶୋର ବେହେରା ଚଳଚିତ୍ରର  ପ୍ରଯୋଜକ ଦାଇତ୍ୱ ଗ୍ରହଣ କରିଛନ୍ତି । ଚଳଚିତ୍ରର ସଫଳତା ପାଇଁ ମାଁ ସମଲେଇଙ୍କୁ ପୁଜା ଅର୍ଚ୍ଚନା କରି ଏହାର ଶୁଭମୁକ୍ତି କରାଯାଇଥିଲା । ଏହି ଅବସରରେ ମୁଖ୍ୟ ଅତିଥି ଭାବେ ନାଟ୍ୟଭୂଷଣ ଜଗଦାନନ୍ଦ ଛୁରିଆ, ସମ୍ମାନୀତ ଅତିଥି ଭାବେ ଏନଏସଡିଏନ୍ ରାମଚନ୍ଦ୍ର ସାହୁ, ସମାଜସେବୀ ନରେନ୍ଦ୍ର ହୋତା, ଅଦର୍ଶ ଶିକ୍ଷକ ଦିଗାମ୍ବର ନାଏକ, ଚଳଚିତ୍ର କଳାକାର ରତନ ମେହେର, ପ୍ରଯୋଜକ ନବୀନ କିଶୋର ବେହେରା ଓ ନିର୍ଦ୍ଦେଶକ ନିସାର ଅହମଦ ନିସାର ମଞ୍ଚାସୀନ ଥିଲେ । କାର୍ଯ୍ୟକ୍ରମକୁ ଦୀଲିପ କୁମାର ଦୀପ ସଂଯୋଜନା କରିଥିବା ବେଳେ ବଲାଙ୍ଗିର ୟୁଥ ଏକ୍ସନ କମିଟି ସଭାପତି ବିନୋଦ କାଲସାଏ ଧନ୍ୟବାଦ ଅର୍ପଣ କରିଥିଲେ ।