27-Jan-2021

ବଲାଙ୍ଗୀର, (ସନ୍ତୋଷ କୁମାର ଠାକୁର)-ଗୋଟିଏ ପରିବାରର ଛୋଟ ରୁ ଆରମ୍ଭ କରି ବଡ ମାନଙ୍କ ପର୍ଯ୍ୟନ୍ତ ସମସ୍ତଙ୍କ ପାଇଁ ଖେଳିବା, ବୁଲିବା ଏବଂ ଅନ୍ୟାନ୍ୟ ମନୋରଂଜନ ପାଇଁ ଏକ ନିଆରା ଏଡ୍‌ଭେନଚର୍ ହେଉଛି ଏ.ବି ୱାର୍ଲ୍ଡ । ବଲାଙ୍ଗୀର ସାହର ସନ୍ନିକଟ ସିନଖମନ ସ୍ଥିତ ଜଲିଆ ଠାରେ ଏକ ପ୍ରାକୃତିକ ପରିବେଶ ମଧ୍ୟରେ ଦର୍ଶକଙ୍କ ମନ ମୋହିବାକୁ ଯାଉଛି ଏ.ବି ୱାର୍ଲ୍ଡ । ସମଗ୍ର ପଶ୍ଚିମ ଓଡ଼ିଶାରେ ପ୍ରଥମ କରି  ଗଢ଼ି ଉଠିଥିବା ଏହି ମନୋରମ ଉଦ୍ୟାନ ଆସନ୍ତା ଫେବୃୟାରୀ ୧ ତାରିଖ ସକାଳ ୧ଠଟାରେ ସାଧାରଣ ଦର୍ଶକଙ୍କ ଉଦ୍ଦେଶରେ ସମର୍ପିତ ହେବାକୁ ଯାଉଛି । ଏଠାରେ ସୁଇମିଙ୍ଗ ପୁଲ୍‌, ଏଡଭେନଚର୍ ଏକ୍ଟିଭିଟିଜ୍ ଓ ରେଷ୍ଟୋରେଂଟ ଆଦି ର ସୁବିଧା ରହିଛି । ଓଡ଼ିଶା ପର୍ଯ୍ୟଟନ ବିକାଶ ନିଗମର ଅଧ୍ୟକ୍ଷା ଶ୍ରୀମୟୀ ମିଶ୍ର, ବଲାଙ୍ଗୀର ଜିଲ୍ଲାପାଳ ଚଂଚଲ ରାଣା ପ୍ରମୁଖ ଏଥିରେ ଅତିଥି ଭାବରେ ଯୋଗ ଦେଇ ଉଦ୍ୟାନ କୁ ଉଦ୍‌ଘାଟନ କରିବାର କାର୍ଯ୍ୟକ୍ରମ ରହିଛି ବୋଲି ଏହାର ସତ୍ତ୍ୱାଧିକାରୀ ସ୍ମାରକ ସରାଫ ସୂଚନା ଦେଇଛନ୍ତି । ଏହି ଉଦ୍‌ଘାଟନୀ କାର୍ଯ୍ୟକ୍ରମରେ ଜନସାଧାରଣ ବହୁ ସଂଖ୍ୟାରେ ଯୋଗ ଦେବାକୁ ଶ୍ରୀ ସରାଫ ଅନୁରୋଧ କରିଛନ୍ତି ।