10-Oct-2020

Titilagarh,10/10- ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କ ପିତାଙ୍କ ପରଲୋକ ହୋଇଛି । ମୁଖ୍ୟ ଶାସନ ସଚିବଙ୍କ ପିତା ତଥା ଅବସରପ୍ରାପ୍ତ ପ୍ରଶାସନିକ ଅଧିକାରୀ ଗୌରୀଶଙ୍କର ତ୍ରିପାଠୀଙ୍କ ଶୁକ୍ରବାର ସନ୍ଧ୍ୟାରେ ପରଲୋକ ହୋଇଯାଇଛି । ଟିଟିଲାଗଡ଼ ସ୍ଥିତ ବାସଭବନରେ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୯୬ବର୍ଷ ହେଉଥିଲା । ମୃତ୍ୟୁ ଶଯ୍ୟା ନିକଟରେ ତାଙ୍କ ଝିଅ ଓ ବୋହୂ ଓ ପରିବାରବର୍ଗ ଉପସ୍ଥିତ ଥିଲେ । ଗୌରୀଶଙ୍କର ପରଲୋକ ଖବର ପାଇବା ପରେ ଟିଟିଲାଗଡ଼ ସମେତ ଆଖାପାଖର ଅନେକ ମାନ୍ୟଗଣ୍ୟ ବ୍ୟକ୍ତି ଟିଟିଲାଗଡ଼ ହାଟପଦାସ୍ଥିତ ତାଙ୍କ ବାସଭବନ ପୌର୍ଣ୍ଣମାସୀ କୁଟୀରରେ ଶେଷଦର୍ଶନ କରିଛନ୍ତି! ଗତ ୨୦୧୮ରେ ତାଙ୍କ ଧର୍ମପତ୍ନୀ ପୂର୍ଣ୍ଣମାସୀ ଦେବୀଙ୍କର ପରଲୋକ ପରେ ସେ ମାନସିକସ୍ତରରେ ସାମାନ୍ୟ ଦୁର୍ବଳ ହୋଇପଡ଼ିଥିଲେ । ଗତ ନୂଆଖାଇ ସମୟରେ ସେ ଟିଟିଲାଗଡ଼ ତଥା ସମଗ୍ର ରାଜ୍ୟବାସୀଙ୍କ ମଙ୍ଗଳ କାମନା କରି ଏକ ବାର୍ତ୍ତା ଲେଖିଥିଲେ । ପରେ ନିଜ ପୁଅ ଅସିତଙ୍କ ସହିତ ନୂଆଖାଇ ପାଳନ କରିଥିଲେ । କିଛି ଦିନ ଧରି ସେ ସାମାନ୍ୟ ଅସୁସ୍ଥ ହୋଇପଡ଼ିଥିେଲେ । ପ୍ରତିଦିନ ଭଳି ନିଜ ଶୟନ କକ୍ଷରେ ଶୋଇଥିବା ବେଳେ ଶୁକ୍ରବାର ସନ୍ଧ୍ୟା ପ୍ରାୟ ସାଢ଼େ ୬ଟାରେ ତାଙ୍କ ପ୍ରାଣବାୟୁ ଉଡ଼ିଯାଇଥିଲା । ଟିଟିଲାଗଡ଼ ପହଞ୍ଚିବା ପରେ ହାଟପଦା ସ୍ଥିତ ମୁକ୍ତିଧାମରେ ଶେଷକୃତ୍ୟ ସମ୍ପନ୍ନ ହୋଇଛି!!