03-Sep-2025

ସିନାପାଲି(ପରମେଶ୍ଵର ମେହେର): ଆମେ ଅନେକ ପ୍ରଶାସନିକ ଅଧିକାରୀ ମାନଙ୍କୁ ଦେଖିଛୁ, ହେଲେ ଏମିତି ବିଡିଓ ଦେଖିନଥିଲୁ । ଏମିତି କା ବିଡିଓ ଅନ୍ଯ ମାନଙ୍କ ପାଇଁ ଉଦାହରଣ ଅଟନ୍ତି ।  ସେ ଏମିତି କର୍ଯ୍ୟ କରିଛନ୍ତି ଯେ ,ଆପଣ ମାନେ ଜାଣିଲେ ଚମକି ପଡବେ । ସେ ମହାନ ବ୍ୟକ୍ତିତ୍ବ ହେଉଛନ୍ତି, ନୂଆପଡା ଜିଲ୍ଲା ସିନାପାଲି ବିଡିଓ ମ୍ଯାମ କାର୍ମି ଓରାମ୍ ମହୋଦୟା  । ପ୍ରାପ୍ତ ସୂଚନା ଅନୁସାରେ, ସିନାପାଲି ଗ୍ରାମ ପଞ୍ଚାୟତରେ "ଗାଁ ରେ ପ୍ରଶାସନ" କାର୍ଯ୍ୟକ୍ରମ ହେଉ ଥିଲା। ପଞ୍ଚାୟତକୁ ସିନାପାଲି ବିଡିଓ ଶ୍ରୀମତୀ ଓରାମ୍ ଆସିଥିଲେ ଓ ତାଙ୍କ ସାଙ୍ଗରେ ଅନ୍ଯ ପ୍ରଶାସନିକ ଅଧିକାରୀ ଏବଂ ରାଜନୈତିକ ବ୍ୟକ୍ତିମାନେ ମଧ୍ଯ ଆସିଥିଲେ । ସିନାପାଲିରେ କଉ କଉ ଅସୁବିଧା ଅଛି ତାହା  ପ୍ରଶାସନ ପାଖରେ ଜଣାବା ପାଇଁ  ଜନସାଧାରଣ କିଛି ଅଭିଯୋଗ ଆଣିଥିଲେ । ସେ ମଧ୍ଯରୁ ସିନାପାଲର ରାମଭଜ ଗଲି ଅଞ୍ଚଳର କିଛି ବ୍ଯକ୍ତି ଡ୍ରେନ ର ଅବ୍ୟବସ୍ଥା କୁ ବିଷୟ କରି  ଅଭିଯୋଗ ଆଣିବା ସାଙ୍ଗେ, ପ୍ରସାଶନକୁ ନିନ୍ଦା ମଧ୍ଯ କରିଥିଲେ । ସେହି କଟୁ କଥା ଶୁଣି  ବିଡିଓ  ତୁରନ୍ତ  ଅଭିଯୋଗକାରୀ ମାନଙ୍କ ସାଙ୍ଗରେ ଯାଇ ,ସେମାନଙ୍କ  ଅସୁବିଧା ବିଷୟରେ ଯାଣିବାକୁ ଚାହିଁଥିଲେ। ସେ  ଦେଖିବାକୁ ପାଇଲେ ଯେ, ଡ୍ରେନ୍ ରେ ଅଳିଆ, ଆବର୍ଜନା ଭରିକି ରହିଛି ।  ପଞ୍ଚାୟତ ସଫେଇ କର୍ମଚାରୀମାନେ ବାରମ୍ବାର ସଫାସୁତରା କଲେ ମଧ୍ଯ, କିଛି  ଅମାନିଆ ଲୋକ ଡ୍ରେନରେ  ଅଳିଆ ଆବର୍ଜନା ଫିଙ୍ଗୁଛନ୍ତି । ଯାହା ଫଳରେ ଡ୍ରେନ୍ ରେ େ ପାଣି ଯିବାପାଇଁ  ଅସୁବିଧା ସୃଷ୍ଟି ହେଉଛି। ଏହା ଦେଖି ବିଡିଓ ମ୍ଯାମ ନିଜେ ଖୋଳା ହାତରେ ସେହି ଡ୍ରେନର ଅଳିଆ ଆବର୍ଜନା ସଫା କରିବାକୁ ଲାଗିଲେ। ଏହି ଦୃଶ୍ଯ ଦେଖି ସେଠିକାର ଲୋକେ ବିଡିଓ ମ୍ୟାମଙ୍କୁ ସେଭଳି କାମ କରିବାପାଇଁ ବାରଣ କଲେ। ଲୋକେ ତାଙ୍କୁ ଯେତେ ମନାକଲେ ମଧ୍ଯ   କହାରି କଥା ସେ ମାନିନଥିଲେ । ସେ ନିରନ୍ତର  ଡ୍ରେନ୍ ରୁ ଦୁର୍ଗନ୍ଧ ଯୁକ୍ତ ଅଲିଆ ଆବର୍ଜନା ସଫା କରି ଚାଲିଥିଲେ । ବିଡିଓ ତାଙ୍କ ମୁହଁ ନ ଖୋଳି ଏଭଳି କର୍ଯ୍ୟ ମାଧ୍ୟମରେ ଡ୍ରେନକୁ ଅପରିଷ୍କାର କରୁଥିବା ବ୍ଯକ୍ତିବିଶେଷ ମାନଙ୍କୁ ସେମାନଙ୍କ ଅଭିଯୋଗର ଉତ୍ତର ଦେଇଦେଲେ । ନିଜେ ଏଭଲି କାର୍ଯ୍ୟକରି ସମସ୍ତଙ୍କୁ ବିନମ୍ର ନିବେଦନ ରଖି ସଚେତନ କରି କହିଥିଲେ, ଆପଣ ମାନେ ସଚେତନ ହୁଅନ୍ତୁ  ଏବଂ ପୁଣି ଆଉ କେବେବି ଏଭଲି ଅଲିଆ ଆବର୍ଜନା ଗୁଡିକୁ ଡ୍ରେନ୍ ରେ ଫିଙ୍ଗିବେ ନାହିଁ । ଶାସକ, ପ୍ରଶାସକ ସାଙ୍ଗେ ଜନସାଧାରଣ ଯେବେଠୁ ପାଦରେ ପାଦ ମିଶାଇ ଏଭଳି ସମସ୍ଯାର  ସମାଧାନ ଅରମ୍ଭ କରିଦେବେ, ସେ ଦିନଠୁ ଆଉ ଏଭଲି ଦୁର୍ଦିନ ଦେଖିବାକୁ ପଡ଼ିବନାହିଁ।  ସମସ୍ତେ ନିଜ ନିଜ କର୍ତ୍ତବ୍ଯ କୁ ପାଳନ କରିବାକୁ ପଡିବ। ଆରୋପ ପ୍ରତ୍ୟାରୋପ ରେ ଅଞ୍ଚଳର ବିକାଶ ହେବନାହିଁ କି ରାମରାଜ୍ୟ କଦାପି ଫେରିବ ନାହଁ ବୋଲି ,ବରିଷ୍ଠ ନାଗରିକ ମାନେ ମତବ୍ଯକ୍ତ କରୁଛନ୍ତି। ଏହି ଘଟଣାପରେ କିଏ କେତେ ସଚେତନ ହେଉଛି ଆଗକୁ ତାହା ଜଣାପଡିବ ।