02-Sep-2025

ବୀରମହାରାଜପୁର,(ବିନୋଦ ପାଣ୍ଡେ ): 
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଲୁତୁରପଙ୍କ ସ୍ପୋର୍ଟସ କ୍ଲବ ର ସଦସ୍ୟ ରାଜ୍ୟ ସରକାରଙ୍କ ପଞ୍ଚାୟତିରାଜ ଓ ପାନୀୟ ଜଳ ଯୋଗାଣ ବିଭାଗୀୟ ମନ୍ତ୍ରୀ ରବି ନାୟକ ଙ୍କୁ ଭେଟି ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଛନ୍ତି। ଲୁତୁରପଙ୍କ ର ଜୟ ଜଗନ୍ନାଥ ସ୍ପୋର୍ଟସ କ୍ଲବ ର ସଭାପତି ସୁଶିଲ ପ୍ରଧାନ ଙ୍କ ନେତୃତ୍ୱ ରେ ପାଞ୍ଚ ଜଣିଆ ଏକ ଟିମ ମନ୍ତ୍ରୀଙ୍କ କୁଚିଣ୍ଡା ସ୍ଥିତ ବାସଭବନ କୁ ଯାଇ ମନ୍ତ୍ରୀଙ୍କୁ ଭେଟି ଆଲୋଚନା କରିଛନ୍ତି। ଚଳିତ ବର୍ଷ ଡିସେମ୍ୱର ୨୨ ରୁ ୨୯ ତାରିଖ ପର୍ଯ୍ୟନ୍ତ ଉକ୍ତ ସ୍ପୋର୍ଟସ କ୍ଲବ ଆନୁକୁଲ୍ୟରେ ସ୍ଥାନୀୟ ହାଇସ୍କୁଲ ଖେଳ ପଡ଼ିଆରେ ହେବ ୨୯ ତମ ସର୍ବଭାରତୀୟ ଜୟ ଜଗନ୍ନାଥ ଲୁତୁରପଙ୍କ କ୍ରିକେଟ କପ୍। ଏହି ଟୁର୍ଣ୍ଣାମେଣ୍ଟରେ ରାଜ୍ୟ ଓ ରାଜ୍ୟ ବାହାର ରେ ଶ୍ରେଷ୍ଠ ୯ ଟି ଦଳ ଅଂଶ ଗ୍ରହଣ କରିବେ। ଏହି ଟୁର୍ଣ୍ଣାମେଣ୍ଟର ସୁପରିଚାଳନା ଓ ଏହାର ଆନୁଷଙ୍ଗିକ ବିଷୟରେ ଆଲୋଚନା କରିଛନ୍ତି। ଏହା ସହିତ ଖେଳ ପଡିଆର ଉନ୍ନତିକରଣ, ପେଣ୍ଡାଲ ଆଦି ନିର୍ମାଣ ପାଇଁ ମଧ୍ୟ ମନ୍ତ୍ରୀଙ୍କୁ ଅବଗତ କରାଯାଇଥିଲା। ମନ୍ତ୍ରୀ ତୁରନ୍ତ ଏହାର ସମାଧାନ କରାଯିବ ବୋଲି ପ୍ରତିଶ୍ରୁତି ମଧ୍ୟ ଦେଇଥିଲେ। ଏହା ସହିତ ଚଳିତ ବର୍ଷ ପାଇଁ ଉକ୍ତ ଟୁର୍ଣ୍ଣାମେଣ୍ଟ ରେ ଅତିଥି ଭାବେ ଯୋଗଦେବା ପାଇଁ ମଧ୍ୟ ମନ୍ତ୍ରୀ ରବି ନାୟକ ଙ୍କୁ ନିମନ୍ତ୍ରଣ କରାଯାଇଛି। ସ୍ପୋର୍ଟସ କ୍ଲବ ର ସଭାପତି ସୁଶିଲ ପ୍ରଧାନ ଙ୍କ ସମେତ  ସ୍ପୋର୍ଟସ କ୍ଲବ ସମ୍ପାଦକ ମାଧବ ମହାକୁର, ପୂର୍ବତନ ସଭାପତି ସୁଧୀର କୁମାର ପ୍ରଧାନ, ରଧମାଧନ ବେହେରା ଓ ପ୍ରକାଶ ଘଣ୍ଟା ପ୍ରମୁଖ ମନ୍ତ୍ରୀ ଙ୍କୁ ଭେଟି ଆଲୋଚନା କରିଥିଲେ।