29-Aug-2025

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ନାଇକେନପାଲି ତେଲିଟିକ୍ରା ଠାରେ ଉକିଆ ସାହିତ୍ୟ ପରିବାର ତରଫରୁ ନୂଆଁଖାଇ ଭେଟ୍‌ଘାଟ୍ ଆବାହକ ତଥା ପ୍ରତିଷ୍ଠାତା ସଂପାଦକ ଉଦ୍ଧବ ବାରିକଙ୍କ ପରିଚାଳନାରେ ଅନୁଷ୍ଠିତ ହେଇଯାଇଛି। ଟିକେଲାଲ୍ ରାଉତଙ୍କ ସଭାପତିତ୍ବରେ ଏଥିରେ ମୁଖ୍ୟଅତିଥି ଭାବେ ଜିଲ୍ଲା ବିଜେପି କୃଷକ ମୋର୍ଚ୍ଚା ସଭାପତି ତଥା ରାମପୁର ପୁର୍ବତନ ସରପଞ୍ଚ ଶିବରାଜ ବେହେରା,ମୁଖ୍ୟବକ୍ତା ଆଶୁକବି ବିପ୍ରଚରଣ ସାହୁ , ସମ୍ମାନୀତ ଅତିଥି ହିମାଂଶୁ ଭୁଷଣ ପଣ୍ଡା, ସମ୍ମାନିତ ଅତିଥି କବିୟତ୍ରୀ ଗିତାଞ୍ଜଳି ମିଶ୍ର ମଞ୍ଚାସୀନ ଥିଲେ। କବି ହୃଷୀକେଶ ଡାଙ୍ଗ ଅତିଥି ପରିଚୟ ଓ କବିତା ସଂଯୋଜନା କରିଥିବା ବେଳେ ସମାଜସେବୀ ଭକ୍ତ ଭୋଇ,ସଂପଦ ଖମାରୀ ନୁଆଁଖାଇରେ ଗୁରୁ ଭଗବାନ ସାହୁଙ୍କ ମହତ୍ବ ବିଷୟରେ ବୁଝାଇଥିଲେ।ଯୋଗେଶ୍ଵର ଭୋଇ, ଦୟାଲ ମାଝି,ହଳଧର ମେହେର, ଗୁଣନିଧି ରାଉତ,ଜୟଲାଲ୍ ନାୟକ ନୁଆଁଖାଇ ଓ ଭଗବାନ ସାହୁଙ୍କ ଉପରେ କବିତା ପାଠ କରିଥିଲେ। ସାରା ଓଡ଼ିଶାର ଶ୍ରେଷ୍ଠ ଶବ୍ଦନୃତ୍ୟ ଗୁରୁ ଗଦାଧର ବରିହାଙ୍କୁ ଏହି ଅବସରରେ 'ଉକିଆସମ୍ମାନ'ରେ ସମ୍ବର୍ଦ୍ଧିତ କରାଯାଇଥିଲା।ଏହି ନୃତ୍ୟକୁ ସରକାର ଧ୍ୟାନ ନ ଦେଲେ ଓଡ଼ିଶାର ଏକ ବହୁତ ବଡ଼ କଳାର ବିଲୟ ହେବ ବୋଲି ଚିନ୍ତା ବ୍ୟକ୍ତ କରିଛନ୍ତି ଗୁରୁ ଗଦାଧର ବରିହା।ପରିଶେଷରେ ସମସ୍ତ ଗ୍ରାମବାସୀ ଓ ଅତିଥି ମାନଙ୍କୁ ଘନଶ୍ୟାମ ରାଉତ ଧନ୍ୟବାଦ୍ ଅର୍ପଣ କରିଥିଲେ।