28-Aug-2025

ବିନିକା(ହିମାଂଶୁ ଶେଖର ପୁଟେଲ)ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ପାଇଁ ଆଜି ସାରା ବିନିକା ଅଞ୍ଚଳ ଉତ୍ସବ ମୁଖର ଥିବା ବେଳେ କେନାଲରେ ଏକ ଅଜଣା ଶବ ଭାସି ଆସୁଥିବା ଦେଖି ଲୋକଙ୍କ ଉତ୍ସାହ ଉଦ୍ଦୀପନା ଦୁଃଖରେ ଭାଙ୍ଗି ପଡିଥିବା ଦେଖିବାକୁ ମିଳିଥିଲା ।ଖବରରୁ ଜଣା ପଡିଥିଲା ଯେ ବଡ଼କଲ୍ଲେ ପଟରୁ ବିନିକା ପଟକୁ ଆସିଥିବା କେନାଲରେ ଏକ ଅଜଣା ଶବ ଭାସି ଆସୁଥିବା ପାପି ଗ୍ରାମର ଲୋକେ ଦେଖିବାକୁ ପାଇଥିଲେ ।ଖବର ପ୍ରଚାର ହେବାପରେ ଶବକୁ ଦେଖିବା କେନାଲ ନିକଟରେ ଲୋକଙ୍କ ନାହିଁ ନଥିବା ଭିଡ ଜମିଥିଳା ହେଲେ କେହି ତାକୁ ଚିହ୍ନି ପାରି ନଥିଲେ ।ଭାସୁଥିବା ଶବର ଆଖି ଦୁଇଟା ନଥିବା ବେଳେ ଦେହରେ ବିଭିନ୍ନ ସ୍ଥାନରେ କ୍ଷତ ହୋଇଥିବା ଦେଖିବାକୁ ମିଳିଥିଲା ।ମୃତ ବୁଡ଼ିତୁର ବୟସ ପ୍ରାୟ ୩୫ରୁ ୪୦ଭିତରେ ହେବ ବୋଲି ଅନୁମାନ କରାଯାଉଛି ।ଖବର ପାଇ ପୋଲିସ ଏବଂ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଂଚି ଶବକୁ କେନାଲ ପାଣିରୁ ଉଦ୍ଧାର କରି ବିନିକା ଡ଼ାକ୍ତରଖାନାକୁ ଅଣାଯାଇଥିଲା । ମୃତ ବ୍ୟକ୍ତିର ଚିହ୍ନଟ ପାଇଁ ଦୁଇଦିନ ସୋନପୁର ଠାରେ ରଖାଯିବ ବୋଲି ପୋଲିସ ସୂତ୍ରରୁ ପ୍ରକାଶ ।