26-Aug-2025

ବଲାଙ୍ଗିର(ପ୍ରେରଣା ଖବର): ୨୦୧୪ ମସିହା ବିଧାନସଭାରେ କେବିକେ ରେ ଦ୍ୱିତୀୟ କୃଷି ବିଶ୍ୱ ବିଦ୍ୟାଳୟ ଘୋଷଣା କରି ଥିଲେ ମହାମହିମ ରାଜ୍ୟପାଳ କିନ୍ତୁ ବିଜେଡି ସରକାର ନିଜ କଥାକୁ କାର୍ଯ୍ୟକାରୀ ନ କରି ବଲାଙ୍ଗିର ପ୍ରତି କଲା ବେଇମାନି । ଯଦିଓ ସରକାର ଏକ ନିରନ୍ତନ ପ୍ରକ୍ରିୟା ବର୍ତ୍ତମାନର ମୋହନ ସରକାର ଦ୍ୱିତୀୟ କୃଷି ବିଶ୍ୱ ବିଦ୍ୟାଳୟ କେବିକେର ବଲାଙ୍ଗିର ଅଂଚଳରେ ଦାବି ମୁତାବକ ସ୍ଥାପନ କରିବା କଥା କିନ୍ତୁ ଦୁଃଖର ବିଷୟ ରାଜ୍ୟର ଉପମୁଖ୍ୟମନ୍ତ୍ରୀ ଯିଏ କି ବର୍ତ୍ତମାନ ସରକାର ରେ କୃଷି ବିଭାଗ ଦାୟିତ୍ୱରେ ଅଛନ୍ତି , ବିରୋଧିରେ ଥିଲା ବେଳେ ତତ୍କାଳିନ ମୁଖ୍ୟମନ୍ତ୍ରୀଙ୍କ ନିକଟକୁ ତତ୍କାଳିନ ବିରୋଧି ଦଳନେତା ନରସିଂହ ମିଶ୍ରଙ୍କ ନେତୃତ୍ୱରେ ଯାଇ କୃଷି ବିଶ୍ୱ ବିଦ୍ୟାଳୟ ଦାବି ଜଣାଇଥିଲେ କିନ୍ତୁ ବର୍ତ୍ତମାନ ସରକାର କୁ ଆସିି ବଲାଙ୍ଗିର ର ନ୍ୟାର୍ଯ୍ୟ ଦାବିକୁ କରିଛନ୍ତି ଉପେକ୍ଷା । ଏଣୁ ବଲାଙ୍ଗିରବାସୀ ଜାଣିବା ଦରକାର ଯେପରି ୧୦ବର୍ଷ ପୂର୍ବର ଘୋଷଣା କୁ କାର୍ଯ୍ୟକାରୀ ନ କରି ବିଜେଡି ସରକାର ବଲାଙ୍ଗିର ପ୍ରତି ବେଇମାନି କରିଛି ଠିକ୍ ସେହିପରି ବିଜେପି ସରକାର ର ଉପମୁଖ୍ୟମନ୍ତ୍ରୀ ଯେ କି ବର୍ତ୍ତମାନ ବଲାଙ୍ଗିର ଜିଲ୍ଲାରୁ ପ୍ରତିନିଧିତ୍ୱ କରୁଛନ୍ତି ବିରୋଧିରେ ଥିଲା ବେଳେ କୃଷି ବିଶ୍ୱ ବିଦ୍ୟାଳୟ ଦାବି ଓ ସରକାରକୁ ଆସିଲା ପରେ ନ୍ୟାର୍ଯ୍ୟ ଦାବିରୁ ପଛଘୁଞ୍ଜା ଦେଇ ବଲାଙ୍ଗିର ବାସୀଙ୍କୁ ଉପେକ୍ଷା କରିଛନ୍ତି ବୋଲି ଆଜି ସ୍ଥାନୀୟ ଜିଲ୍ଲାପାଳ କାର୍ଯ୍ୟାଳୟ ଅଫିସ ସମ୍ମୁଖରେ ଅନୁଷ୍ଠିତ କୃଷି ବିଶ୍ୱ ବିଦ୍ୟାଳୟ ଦାବିକୁ ନେଇ ବିକ୍ଷୋଭ ସମାବେଶରେ ଯୋଗ ଦେଇ କଂଗ୍ରେସ ନେତା ସମରେନ୍ଦ୍ର ମିଶ୍ର ଉଭୟ ବିଜେଡି ଓ ବିଜେପି ନେତୃତ୍ୱ ବିରୁଦ୍ଧରେ ଗର୍ଜିଛନ୍ତି । ଏହି ସମାବେଶ ରେ ସେ ଆହୁରି ମଧ୍ୟ କହିଛନ୍ତି ଯେ ବଲାଙ୍ଗିର ଏକ କୃଷି ପ୍ରଧାନ ଜିଲ୍ଲା ଏଠାରେ କୃଷି ବିଶ୍ୱ ବିଦ୍ୟାଳୟ ସ୍ଥାପନ ହୋଇପାରିଲେ କୃଷି ସମ୍ବନ୍ଧୀୟ ଗବେଷଣା ସମ୍ଭବ ହେବ । ଆମ ଅଂଚଳ କମ୍

ବୃଷ୍ଟିପାତ ଅଂଚଳ ହୋଇଥିବାରୁ କମ୍ ପାଣି ଦରକାର ହେଉ ଥିବା ବିଭିନ୍ନ ଫସଲର ବିହନ ଉଦ୍ଭାବନ କରିବାରେ ଏହା ସହାୟକ ହେବ, ତା ସହ ପଶୁ ମତ୍ସ୍ୟ ପାଳନ ଦିଗରେ ନୂତନ କୌଶଳ ପ୍ରୟୋଗ ପାଇଁ କୃଷି ବିଶ୍ୱ ବିଦ୍ୟାଳୟର ଗବେଷଣା ରାସ୍ତା ଦେଖାଇବ ଯାହା ଦ୍ୱାରା କି ଏ ଅଂଚଳର ସମଗ୍ରୀକ ଅର୍ଥନୈତିକ ବିକାଶ ସାଙ୍ଗକୁ କୃଷି ଓ କୃଷକର ଉନ୍ନତି ହେବ କିନ୍ତୁ ଦୁଃଖର ବିଷୟ ୨୦୧୪ ମସିହାରେ କେବିକେରେ ଘୋଷଣା ହୋଇଥିବା କୃଷି ବିଶ୍ୱ ବିଶ୍ୱବିଦ୍ୟାଳୟ ସ୍ଥାପନକୁ ନେଇ କୌଣସି ପଦକ୍ଷେପ ନ ନେବା ବଲାଙ୍ଗିର ପ୍ରତି ଯେପରି ବିଜେଡି ଦଳ ବେଇମାନି କରିଛି ତାକୁ ଲୋକ ଭୁଲିବେ ନାହିଁ । କେବଳ ସେତିକି ନୁହେଁ ବିଧାନସଭାରେ ତତ୍କାଳିନ ବଲାଙ୍ଗିର ବିଧାୟକ ନରସିଂହ ମିଶ୍ର ପ୍ରତ୍ୟେକ ଅଧିବେଶନ ରେ କୃଷି ବିଶ୍ୱ ବିଦ୍ୟାଳୟ ଦାବି କରିଆସୁଥିଲେ କିନ୍ତୁ ତତ୍କାଳିନ ବିଜେଡି ସରକାର ସେ ଦାବିକୁ ଅଣଦେଖା କରିଛି । ଏପରି ବିଜେପି ସରକାରକୁ ଆସିଲା ପରେ ମଧ୍ୟ ବର୍ତ୍ତମାନ ର ଉପମୁଖ୍ୟମନ୍ତ୍ରୀ ଯେଏ କି କୃଷି ବିଭାଗ ଦାୟିତ୍ୱରେ ଅଛନ୍ତି ବଲାଙ୍ଗିର ର ନ୍ୟାର୍ଯ୍ୟ ଦାବି ପ୍ରତି ଆଖି ଓ କାନ ବନ୍ଦ କରିଦେଇ ଓଲଟା ତାଙ୍କ ସ୍ଥାନୀୟ ନେତୃତ୍ୱମାନେ କୃଷି ବିଶ୍ୱ ବିଦ୍ୟାଳୟ ପାଇଁ ବଲାଙ୍ଗିର ରେଭିତ୍ତିଭୂମି ନାହିଁ ବୋଲି ସାମ୍ବାଦିକ ସମ୍ମିଳନୀ କରି ଘୋଷଣା କରିବା ଅତି ଦୁଃଖଦାୟକ ବୋଲି ସମରେନ୍ଦ୍ର କହିଛନ୍ତି । ଜିଲ୍ଲାରେ ଅସନ୍ନ ମରୁଡିକୁ ନେଇ କ୍ଷେତ୍ର ପରିଦର୍ଶନ କରି ସମରେନ୍ଦ୍ର କହିଛନ୍ତି ଯେତେ ଶିଘ୍ର ହେବ ଚାଷୀ କରିଥିବା ଫସଲବୀମାର ବୀମାରାଶି ସରକାର ପ୍ରଦାନ କରିବାର ବ୍ୟବସ୍ଥା କରୁ କାରଣ ପ୍ରାୟତଃ ଅଂଚଳରେ ସ୍ୱଳ୍ପ ବୃଷ୍ଟି ଯୋଗୁଁ ଫସଲ ମରିବାରେ ଲାଗିଛି । ଯାହା କିଛି ବି ବଂଚିଛି ସାର ବିହନର ଅଭାବ ଓ କଳାବଜାରି ଚାଷୀ ମେରୁଦଣ୍ଡକୁ ଭାଙ୍ଗି ଦେଇଛି ତେଣୁ ସରକାର ଯେତେ ଶିଘ୍ର ହେବ ଏହାର ପ୍ରତିକାର କରୁ । ନଗର କଂଗ୍ରେସ ସଭାପତି ବୁଲୁ ଦାନୀଙ୍କ ସଂଯୋଜନା ରେ ଅନୁଷ୍ଠିତ ବିକ୍ଷୋଭ ସମାବେଶରେ ବିଶ୍ୱ ବିଦ୍ୟାଳୟ ଦାବି ପ୍ରତି ବର୍ତ୍ତମାନ ସରକାର ର ଆଭିମୁଖ୍ୟ କୁ ନେଇ କଂଗ୍ରେସ ନେତା ବିରେନ୍ଦ୍ର ବାଗ, ଓମ୍ ପ୍ରକାଶ କୁମ୍ଭାର, ଦିଲିପ ବେହେରା, ଉମାଶଙ୍କର ପଣ୍ଡା, ଅଜୟ ବାଲି, ରାମ ମିଶ୍ର, ରାମଜୀ ଚୈାଧୁରି, ସାନନ୍ଦ ମିଶ୍ର, ଅଙ୍କିତ ସାହୁ, ଶ୍ରୀଧର ବାରିକ, ନାସିର ଖାନ, କାନ୍ତେ ପ୍ରଧାନ, ପପୁ ପାତ୍ର, ହୃଦାନନ୍ଦ ମାଝି, ଚିନ୍ମୟ ବେହେରା ପ୍ରମୁଖ ସରକାରଙ୍କ ବିରୁଦ୍ଧରେ ସରକାରଙ୍କୁ ତିବ୍ର ସମାଲୋଚନା କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲା କଂଗ୍ରେସ ନେତା ମନୀଷ ମିଶ୍ର, ସନ୍ତକ ବହିଦାର, ମୁକେଶ ଜୈନ, ଅସୀତ ମିଶ୍ର, ବିପିନ କୁଶଲିଆ, ସରୋଜ ରଥ, ସବିତା ଶତପଥି, ଅନ୍ନପୂର୍ଣ୍ଣା ବଢିଆ, ଆରତିପ୍ରୀତି ନାଗ, କୈଳାସ ମିଶ୍ର, ସଂର୍କିର୍ତ୍ତନ ମେହେର, ଉପେନ ଦୀପ, ମନବୋଧ ହରପାଲ, ଜୁଲୁ ପଟ୍ଟନାୟକ, ପ୍ରଦୋଶ ପାଣିଗ୍ରାହୀ, ଖିରସାଗର ବର୍ମା, ଅରବିନ୍ଦ ସାହୁ, ଉମାକାନ୍ତ ସାହୁ ପ୍ରମୁଖ ସାମିଲ ଥିଲେ । ବିକ୍ଷୋଭ ସମାବେଶ ପରେ ରାଜ୍ୟପାଳଙ୍କ ଉଦ୍ଦେଶ୍ୟରେ କୃଷି ବିଶ୍ୱ ବିଦ୍ୟାଳୟ ଦାବୀ ସମ୍ବନ୍ଧୀୟ ଏକ ସ୍ମାରକ ପତ୍ର ଜିଲ୍ଲା ପ୍ରଶାସନକୁ ପ୍ରଦାନ କରାଯାଇଥିଲା ।