10-Aug-2025

ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅଧିନସ୍ଥ ଦେବଗଡ଼ ଗ୍ରାମ ସ୍ଥିତ ରଘୁନାଥ ଜୀଉ ମନ୍ଦିର ପ୍ରାଙ୍ଗଣରେ ଭାରତୀୟ କିସାନ ସଂଘ ବୌଦ୍ଧ ଆନୁକୂଲ୍ୟରେ ବଳଦେବଜୀଉ ଙ୍କ ଜନ୍ମ ଉତ୍ସାବ ଓ ସାମୁହିକ ରକ୍ଷାବନ୍ଧନ କାର୍ଯ୍ୟକ୍ରମ ପାଳନ ହୋଇଅଛି । ଏହି ଉସବରେ ସ୍ଥାନୀୟ ଜନସାଧାରଣ, ଜିଲ୍ଲା କିସାନ ସଂଘ ର ସଦସ୍ୟ ଓ କର୍ମକର୍ତ୍ତା, ମନ୍ଦିର ପରିଚାଳନା କମିଟି ସଦସ୍ୟଙ୍କ ସହଯୋଗରେ ଉତ୍ସବକୁ ସାଫଲ୍ୟମଣ୍ଡିତ କରିଥିଲେ l ଏହି ସମାରୋହରେ ଉପସ୍ଥିତ ଭଉଣୀ ମାନେ ସମସ୍ତଙ୍କୁ ରାକ୍ଷୀ ପିନ୍ଧାଇ ମିଠା ଖୁଆଇ ଥିଲେ, ଏବଂ ଚାଷୀ ସମସ୍ୟାକୁ ଲାଘବ କରିବା ନିମିତ୍ତ ଓ ଉତ୍ତମ ଜଳସେଚନର ସୁବିଧା ପ୍ରାପ୍ତ କରିବା ହେତୁ ସ୍ଥାନୀୟ ବହୁ ପ୍ରତିକ୍ଷୀତ ଗୁରୁଜୀମୁଣ୍ଡାର ଗମ୍ଭୀରଦର୍ହ ଠାରେ ଏକ ବହୁମୁଖୀ ଜଳଭଣ୍ଡାରର ଆବଶ୍ୟକତାକୁ ଗୁରୁତ୍ୱ ଦେଇ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା l ଏହି ଆଲୋଚନାରେ ସ୍ଥାନୀୟ ବିଧାୟକ, ସାଂସଦ ଏବଂ ପ୍ରଶାସନ ଜରିଆରେ ଦାବିପତ୍ର ଦେଇ ପ୍ରସ୍ତାବିତ ବହୁମୁଖୀ ଜଳଭଣ୍ଡାରର ନିର୍ମାଣ କାର୍ଯ୍ୟକୁ ଯଥାଶୀଘ୍ର ଆରମ୍ଭ କରିବା ନିମିତ୍ତ ସରକାରଙ୍କ ଠାରେ ଦାବିପତ୍ର ଦେବାକୁ ସ୍ଥିର ହେଲା l ତଦସହିତ ସ୍ଥାନୀୟ ବୌଦ୍ଧ ରେଳଷ୍ଟେସନ ଠାରେ ଚାଷୀମାନଙ୍କୁ ଚାଷକାର୍ଯ୍ୟରେ ଉତ୍ତମ ସହଯୋଗ ନିମିତ୍ତ ଏକ ସାର ରେକର ବ୍ୟବସ୍ଥା କରିବାକୁ ସରକାରଙ୍କ ଦୃଷ୍ଟିଗୋଚର କରିବାକୁ ସ୍ଥିର ହେଲା, ପରିଶେଷରେ ମନ୍ଦିର ପରିଚାଳନା କମିଟି ଦ୍ୱାରା ଭଜନ କୀର୍ତ୍ତନ ପରିବେଷଣ ହୋଇ ସଭାସାଙ୍ଗ ହେଲା,
ଉକ୍ତ କାର୍ଯ୍ୟକ୍ରମକୁ ଜିଲ୍ଲା କିସାନ ସଂଘ ସଭାପତି ସର୍ବଶ୍ରୀ ଭୋଳଗିରି ସାହୁ, ସୂର୍ଯ୍ୟ ନାରାୟଣ ମହାପାତ୍ର, ଶମ୍ଭୁପ୍ରସାଦ ପ୍ରଧାନ, ଦୁତିବାହନ କମ୍ପ, ସୁଶୀଲ କୁମାର ଭୋକ୍ତା, ପ୍ରକାଶ ଦାସ, ଶରତ କୁମାର ମାଝୀ, ଭବାନୀ ଶଙ୍କର ବିଶ୍ୱାଳ, ଦୁର୍ଗା ମହାକୁଡ଼ ଓ ଅନ୍ୟ ମାନେ ଉପସ୍ଥିତ ଥିଲେ l

(ରିପୋର୍ଟ: ମନୋରଞ୍ଜନ ତ୍ରିପାଠୀ)