29-Jul-2025

ଫୁଲବାଣୀ(ପ୍ରେରଣା ଖବର): କନ୍ଧମାଳ ଜିଲ୍ଲା ବରିଷ୍ଠ ନାଗରିକ ସଙ୍ଘ ପକ୍ଷରୁ ସ୍ଥାନୀୟ ହାଟପଦା ସ୍ଥିତ ଯାତ୍ରା ପଡିଆ ସଭାଗୃହଠାରେ ସଙ୍ଘ ସଭାପତି ପଦ୍ମ ଚରଣ ସ୍ବାଇଁଙ୍କ ସଭାପତିତ୍ୱରେ ଜାତୀୟ ମାତୃପିତୃ ଦିବସ ୨୦୨୫ ପାଳିତ ହୋଇଯାଇଛି l  ଭାରତୀୟ ସଂସ୍କୃତି ଓ ପରମ୍ପରା ଆଧାରରେ ପିତାମାତାଙ୍କୁ ପୂଜା କରାଯାଉ ଥିଲା।ମାତା ପିତାଙ୍କୁ ଉପଯୁକ୍ତ ସମ୍ମାନ ଦିଆଯାଉଥିଲା।ବିଦ୍ୟାଳୟରେ ଗୁରୁ ଓ ଗୁରୁଜନଙ୍କୁ ସମ୍ମାନ ଦେବାକୁ ଉପଯୁକ୍ତ ନୈତିକ ଶିକ୍ଷା ଦିଆଯାଉଥିଲା।ଆଜିର ଦିନରେ ନୈତିକ ଶିକ୍ଷାର ଅଭାବ ରହୁଛି,ଓ ପିଲାମାନଙ୍କ ପ୍ରତି ଅନୁଶାସନର ଅଭାବ ରହୁଛି।ଯାହା ଫଳରେ କେତେକ ପିତା ମାତାଙ୍କୁ  ତାଙ୍କର ପିଲାମାନେ ଅସମ୍ମାନ ପ୍ରଦର୍ଶନ କରୁଥିବା ଦେଖା ଯାଉଛି।ପିତା ମାତା ଜୀବନ୍ତ ଦେବତା।ତେଣୁ ମନ୍ଦିର ଯାଇ ଠାକୁରଙ୍କୁ ଭୋଗ ନୈବେଦ୍ୟ ଚଢାଇବା ଯେତିକି ଆବଶ୍ୟକ ତାଠାରୁ ଅଧିକ ଆବଶ୍ୟକ ବାପା ମାଆଙ୍କ ସେବା କରିବା ଓ ଉପଯୁକ୍ତ ସମ୍ମାନ ନେବା ।ତେଣୁ ସମାଜରେ ପିତାପୁତ୍ର ମଧ୍ୟରେ ମୂଲ୍ୟବୋଧ କମି ଯାଉଥିବାରୁ  ପୂର୍ବ ସମ୍ପର୍କ ବଜାଇ ରଖିବାକୁ ଜିଲା ବରିଷ୍ଠ ନାଗରିକ କମିଟି ପକ୍ଷରୁ ଏହି ଦିବସର ମହତ୍ୱ ପ୍ରତିପାଦନ କରିବା ପାଇଁ ହାଟପଦାଠାରେ ବହୁ ବରିଷ୍ଠ ନାଗରିକ ଓ ନାତି ନାତୁଣୀ ମାନଙ୍କୁ ନେଇ ମାତୃପିତୃ ଦିବସ ପାଳନ କରାଯାଇଛି।
ଏହି ଅବସରରେ ସଂଘ ସାଧାରଣ ସମ୍ପାଦକ ପ୍ରଣବ ମଣ୍ଡଳ, କାର୍ଯ୍ୟକାରୀ ସଭାପତି ନବ କିଶୋର ରଥ, ଉପସଭାପତି  ପିତାମ୍ବର ମିଶ୍ର ଓ ମଞ୍ଜୁଳା ପାଣିଗ୍ରାହୀ, ବଂଶୀଧାର ପଣ୍ଡା, ଅମୀୟ କୁମାର ଦାସ ଓ ପ୍ରମୋଦ କୁମାର ସାହୁ, ବ୍ରଜ ପଟନାୟକ, କୋଷାଧକ୍ଷ ପି ରଘୁନନ୍ଦନ ପାତ୍ର, ପ୍ରିୟନାଥ ଶର୍ମା,ନାରାୟଣ ସାହୁ,ଟି ରାଜ ଗୋପଳ ପାତ୍ର,କୃଷ୍ଣ ମିଶ୍ର ପ୍ରମୁଖ ଯୋଗ ଦେଇ ଏ ଦିବସ ସମ୍ପର୍କରେ ଆଲୋକ ପାତ କରିଥିଲେ। ସମେତ  ସମସ୍ତ ସଦସ୍ୟ ଓ କୁନି କୁନି ପିଲାମାନେ ଉପସ୍ଥିତ ଥିଲେ l