29-Jul-2025

ଭୁବନେଶ୍ବର (ପ୍ରେରଣା ଖବର):  ବଦଳିଲା ପ୍ରାଥମିକ ବିଦ୍ୟାଳୟ ଛାତ୍ରଛାତ୍ରୀଙ୍କ ଆଇକାର୍ଡ ରଙ୍ଗ। ଛାତ୍ରଛାତ୍ରୀଙ୍କ ଆଇଡେଣ୍ଟିଟି କାର୍ଡ ରଙ୍ଗ ବଦଳିବା ସହ ହାଉସ୍ ୟୁନିଫର୍ମ ଓ ଟୋପି ବି ବଦଳିଛି। ପୂର୍ବରୁ ଏଥିରେ ଆମେ ଗଢ଼ିବୁ ନୂଆ ଓଡ଼ିଶା ଲେଖାଥିବା ବେଳେ, ଏବେ ଲୋଗୋରେ ଲେଖାଯାଇଛି 'ବିଦ୍ୟାବନ୍ତ ବିଦ୍ୟାର୍ଥୀ, ବିକଶିତ ଓଡ଼ିଶା' । ପୂର୍ବରୁ ଆଇ କାର୍ଡର ରଙ୍ଗ ସବୁଜ ରହିଥିଲା । ତେବେ ଏଣିକି ଗେରୁଆ ରଙ୍ଗର ନୂଆ ଆଇକାର୍ଡ ପିନ୍ଧିବେ ଛାତ୍ରଛାତ୍ରୀ ।

ଏଥିରେ ଶ୍ରେଣୀ, ଜନ୍ମ ତାରିଖ, ରୋଲ ନମ୍ବର, ଫୋନ୍ ନମ୍ବର ଓ ବ୍ଲଡ୍ ଗ୍ରୁପ୍ ଉଲ୍ଲେଖ ରହିବ। କ୍ୟାମ୍ପସ ଭିତରକୁ ଆସିଲେ ଏହା ପିନ୍ଧିବା ବଧ୍ୟତାମୂଳକ କରାଯିବ। ହାଉସ ୟୁନିଫର୍ମ ରଙ୍ଗ ପୂର୍ବ ବର୍ଷ ଭଳି ସମାନ ରହିଛି। ଟ୍ରାକ୍ ପ୍ୟାଣ୍ଟ୍ ନୀଳ ରଙ୍ଗ ଓ ଟି-ସାର୍ଟ ହଳଦୀ, ସବୁଜ, ନାଲି ଓ ନୀଳ ରଙ୍ଗର ରହିଛି। ଟୋପି ରଙ୍ଗ ଧଳା ଓ ସେଥିରେ ସ୍ଲୋଗାନ ସହ ଲୋଗୋ ରହିଛି। ସେପଟେ ଗଣଶିକ୍ଷା ବିଭାଗର ଏହି ନିଷ୍ପତ୍ତି ପରେ ତେଜିଛି ରାଜନୀତି ।